ইব্রীয় 11:13 - Chakma Bible

¹³ এই মানুচ্চুনে বিশ্বেজ্ গুরিনে জিংকানি কাদেইনে মুরি যেইয়োন। গোজেনে তারারে যিয়েন দিবার এগেম্ গোজ্জ্যে সিয়েন তারা ন-পান্, মাত্তর্ দূরোত্তুন্ সিয়েন দেক্ক্যন আর হুজিয়ো ওইয়োন। এই পিত্‌থিমীত্ যে তারা বিদেশী আর পরদেজত্ বজত্তি গুরিয়্যে সিয়েন তারা স্বীগের্‌অ গোজ্জ্যন্।

ইব্রীয় 11:13 ပူးပေါင်းရင်းမြစ်များ

পত্থম 21:34

অব্রাহামে পলেষ্টীয়গুনো দেজত্‌ বেশ্‌ কয়েক বজর্ বজত্তি গুরিলো।

পত্থম 23:4

“মুই অন্য দেজত্তুন্‌ এইনে বিদেশী ইজেবে তমা সমারে বজত্তি গরঙর্‌। সেনত্তে দোয়্যে গুরি গোর জাগা গুরিবাত্তে মরে তমা ভিদিরেত্তুন্‌ এক্কেনা জাগা ছাড়ি দুয়ো যেনে সিয়েনত্‌ মুই মর্‌ মোজ্যেদে মোক্কোরে গোর্ দি পারং।”

পত্থম 25:8

এক্কান দোল্‌ আর সুগোর্ জীংকানি কাদেইনে ভালোক্ বজর বাদে তে মুরি যেইনে তা পুরোণি মানুচ্চুনো ইদু গেলগোই।

পত্থম 47:9

যাকোবে কলঅ, “এ পিত্‌তিমীত্‌ কয়েক্‌দিনোর্‌ মানুচ্‌ ইজেবে মর্‌ একশঅ ত্রিশ বজর্‌ গেলঅ। এ দিনুন্ খুব বেশ্‌ নয়, আর সেদিনুন্ দুঘে দুঘে কাদি যেইয়্যেগোই। মাত্তর্‌ কয়েক্‌দিনোর্‌ মানুচ্ ইজেবে মর্‌ চোদ্দো গুট্টিগুনে যেদকদিন্‌ কাদেই যেইয়োন্‌ মুই সেদকদিন্‌ কাদেই ন-পারিম।”

পত্থম 48:21

সে পরেদি ইস্রায়েলে যোষেফরে কলঅ, “চাহ্, মর্‌ মরণর্‌ অক্ত প্রায় গোণেই এচ্চ্যে। মাত্তর্‌ গোজেনে তমা লগে থেবঅ আর তমা পুরোণি মানুচ্চুনো দেজত্‌ তমারে ফিরেই নেযেব।

পত্থম 49:10

যেদকদিন সং শীলো ন-লুমেগি আর বেক্‌ জাদতুনে তা উগুমানি মানি চলন, সেদক্‌দিন সং দাঙর সাজা-যিহূদা বংশত্‌ থেবঅ; আর তা দ্বিবে আদু সংমোধ্যে থেবঅ বিচের লুদিক্‌।

পত্থম 49:18

ও লগেপ্রভু, তুই উদ্ধোর্‌ গুরিবে মুই সিয়েন বাজ্জেই আগং।

পত্থম 49:28

ইগুনে অলাক্‌ ইস্রায়েল বারবো গুট্টি। তারা বাপ্পো তারারে বর্ দিবার্‌ অক্তত্‌ এ কধানি কোইয়্যে। তে পত্তিজনরে বর্ দিলো।

পত্থম 49:33

যাকোবে তা পুয়োগুনোরে উগুম্‌ দেনার পরেদি বিচ্ছোনান উগুরে তা টেঙানি তুলিনে ঘুমোত্‌ পুড়িলো। সে পরেদি শেজ্ নিযেস্‌ ফেলেইনে তা পুরোণি মানুচ্চুনো ইধু গেলগোই।

পত্থম 50:24

পরেদি এক সময়ত্‌ যোষেফে তা ভেইয়ুনোরে কলঅ, “মর্‌ মুরিবার্‌ অক্ত ওই এচ্চ্যে, মাত্তর্‌ ইয়েন্‌ ঘেচ্চেকগুরি, গোজেনে তমারে দেগাশুনো গুরিবো। তে অব্রাহাম, ইসহাক আর যাকোবরে যে দেজ্‌সান্‌ দিবো বিলি শমক্‌ গোজ্যে সে দেজ্‌সানত্‌ তে তমারে ইয়োত্তুন্‌ নেযেব।”

ইয়োব 19:25

মুই হবর্‌ পাং মর্‌ উদ্ধোর গুরিয়্যেবো জেদা আঘে; যেরেদি তে পিত্‌থিমীগান উগুরেদি এইনে থিয়্যেব।

গীতসংহিতা 119:19

মুই দঅ পিত্‌থিমীত বজত্তি গুরিয়্যে এক্কো বিদেশি; তঅ উগুমান মত্তুন্ লুগেই ন-রাগেচ্।

গীতসংহিতা 39:12

“ও লগেপ্রভু, তুই মর্ তবনাগান শুন; এজাল্ পেবাত্তে মর্ এ কানানিগান তুই শুন্; মর্ চোগো পানিগান দেগিনে তুই অলর্ গুরি ন-থেচ্; কিত্যে মর্ পূরোণি বুড়োবুড়িগুনে যেধোক্ক্যেন্ এলাক্ সেধোক্ক্যেন মুইয়ো পিত্‌থিমীত্ তর্ মুজুঙোত্ পরবাস্যে ধোক্ক্যেন্ আগং।

যাত্রা 2:22

সিপ্পোরার এক্কো পুয়ো অনার্‌ পরেদি মোশি তা নাঙান্‌ রাগেল গের্শোম, কিত্তে তে কোইয়্যেদে, “মুই পরদেজর্‌ পর্‌ভাস্যে ওই আগং।”

লেবীয় 25:23

উমরত্তে কারঅ‌ ভূই বেজানা ন-চলিবো, কিত্যে বেক্‌ ভূইয়ানি মর্‌ আরঅ মঅ মুজুঙোত্ তুমি সিয়েনত্‌ পরবাস্যে ওইনে বজত্তি গুরিবা।

গণাণা 10:30

জোবত্‌ হোববে কলঅ, “না, মুই ন-যেম্‌। মুই মর্‌ নিজোর্‌ দেজত্‌ নিজোর্‌ মানুচ্চুনো ইদু ফিরি যাঙর।”

গণাণা 24:17

‘ইক্কিনে ন-অলেয়ো মুই তারে দেগঙর্, যুনিয়ো তে কোয়-কুরে নয় তো তা উগুরে মর্‌ চোগ্‌ পোজ্যে। এক্কো তারা উদিবো যাকোবর্‌ বংশত্‌, এক্কো রাজদন্ড উদিবো ইস্রায়েলর মোধ্যেত্তুন। মোয়াবীয়গুনোর্‌ আর শেথর পুয়োগুনোর্‌ মাঢাগুন তে গুড়ি গুরি দিবো।

মথি লেখ্যে গম্ হবর্ 13:17

মুই তমারে ঘেচ্চেকগুরি কঙর্, তুমি যিয়েনি যিয়েনি দেগর্ সিয়েনি বোউত্ ভাববাদী আর গোজেনভক্ত মানুচ্চুনে দেগিবাত্তে চেইনেয়ো ন-দেগন্, আর তুমি যিয়েনি যিয়েনি শুন্ন্য সিয়েনি তারা শুনিবাত্তে চেইনেয়ো ন-শুনোন্।

যোহন 12:41

যিশাইয় যীশুর মহিমাগান্ দেক্ক্যে বিলি তা পৌইদ্যেনে এ কধাগান্ কোইয়্যে।

যোহন 8:56

তমা বাব্‌পো অব্রাহামে মঅ দিন্নো চেবার্ আজায় হুজী ওইয়্যে। তে সিবে দেক্ক্যে আর হুজীয়ো ওইয়্যে।”

রোমীয় 4:21

অব্রাহামে পুরোপুরি এ বিশ্বেজ্‌চান গুরিদো যে, গোজেনে যিয়েন এগেম্ গোজ্জ্যে সিয়েন গুরিবার্ খেমতায়ো তার্ আঘে।

রোমীয় 8:24

পাপত্তুন্ উদ্ধোর্ পেইনে আমি এ আজাগান পেইয়্যেই। আমি যিয়েনত্যে আজা গুরিই আঘি যুনি সিয়েন্ পেই যেই-গোই সালে দঅ সেই আজাগান্ আর আজা ন-থেলঅ। যিয়েন্ পেইয়্যেই সিয়েনত্যে কন্না আজা গুরি থায়?

২ করিন্হীয় 4:18

যিয়েন দেগা যায় আমি সিয়েন ইন্দি ন-চেইর্, বরং যিয়েন দেগা ন-যায় সিয়েন ইন্দি রিনি চেইর্। যিয়েন দেগা যায় সিয়েন কয়েক দিনোত্যে, মাত্তর্ যিয়েন দেগা ন-যায় সিয়েন উমরত্যে।

২ করিন্হীয় 5:6

ইয়েনত্যে কনদিন্অ আমার্ সাহজর্ অভাব ন-অয়, আর আমি বুঝি পাজ্জ্যেই যে, যেদক্ দিন আমি এ কিয়্যেগানর্ ঘরত্ বজত্তি গুরিবোং সেদক দিন প্রভুত্তুন্ দূরোত্ থেবং।

ইফিষীয় 2:19

ইয়েনত্যে তুমি আর্ ন-চিন্ন্যেয়ো নয়, বিদেশিয়ো নয়, মাত্তর্ গোজেনর্ মানুচ্চুনো সমারে তুমিয়ো তা রেজ্যর্ আর তা পরিবারর্ মানুচ্ ওইয়ো।

ইব্রীয় 11:14

যিগুনে সিয়েন স্বীগের্ গরন্ তারা গমেডালে বুঝোন্দে যে, তারা নিজোত্যে এক্কান দেশ তগাদন্।

ইব্রীয় 11:17

অব্রাহামরে যগা চেবার্ অক্তত্ তে গোজেন উগুরে বিশ্বেজত্যে ইস্‌হাকরে উৎসর্ব গোজ্জ্যে। যিবে ইধু গোজেনে এগেম্ গোজ্জ্যে তেয়ই তার্ বানা এক্কো গুরি পুয়োরে উৎসর্ব গুরিবাত্যে যার্।

ইব্রীয় 11:27

গোজেন উগুরে তার্ বিশ্বেজত্যে তে রাজার্ রাগ্‌কানরে ন-দোরেইনে মিসর দেশ্‌চান ফেলে যেইয়্যে, কিয়া যিবেরে দেগা ন-যায় তারে যেন দেগর্ সেবাবোত্যে গুরি তে ধৈয্য ধোজ্জ্যে।

ইব্রীয় 11:39

বিশ্বেজত্যে তারা বেক্কুনে বাঈনী পেইয়োন, মাত্তর্ গোজেনে যিয়েন দিবার্ এগেম্ গোজ্জ্যে সিয়েন তারা ন-পান্;

১ পিতর 1:1

গোজেনর্ যিদুক্কুন বেঈ লোইয়্যে মানুচ্ পন্ত, গালাতিয়া, কাপ্পাদকিয়া, এশিয়া আর বিথুনিয়া রেজ্যত্ ছিদি পড়িনে বিদেশী ইজেবে বজত্তি গত্তন্, তারা ইধু মুই যীশু খ্রীষ্টর দূত পিতরে এ চিধিগান লেগঙর্।

১ পিতর 1:17

বাবা গোজেনে পত্তি মান্‌জ্যর কাম ধগে তার্ বিচের্ গরে, কারঅ মুয়োদি চেইনে সিয়েন ন-গরে। ইয়েনত্যে যুনি তারে তুমি বাবা বিলিনে ডাগঅ সালে এ পিত্‌থিমীত্ যেদকদিন বিদেশী ইজেবে আঘঅ সেদকদিন তা উগুরে ভোক্তিবলা দরে তমা জিংকানিগানি কাদঅ।

১ পিতর 2:11

কোচ্‌‌পেইয়্যে সমাজ্জ্যেগুন, এ পিত্‌থিমীত তুমি বিদেশী আর পরদেজত্ কয়েকদিন বজত্তি গুরিয়্যে বিলিনে মুই তমারে বিশেষ গুরিনে কোজোলী গরঙত্তে, তুমি পাপ-খাচ্চ্যদর্ কামনা-বাসনাত্তুন্ দূরোত্ থাগঅ,

১ যোহন 3:19

ইয়েন্দোই আমি কোই পারিবোং, আমি সত্যর্। সিয়েনবাদে কনঅ পৌইদ্যেনে যুনি আমা মনানে আমারে দুষি গরে সেক্কে গোজেন মুজুঙোত্ আমা মনানিরে বুঝেই পারিবোং। গোজেনে আমা মনানিত্তুন্ দাঙর্ আর তে বেক্কানি কোই পারে।