31 জেদা গোজেন আঢত্ পড়ানা কি দর্গরেপারা।
“তুমি যিগুনে গোজেনরে ভুলি যেইয়ো কধাগান একপল্লা ভাবি চেইয়ো; সিয়েন ন-অলে মুই তমারে কট্টা কট্টা গুরি ফেলেম, তমারে বাজেবার কনজন ন-থেবাক্।
তুই, তুই অমকদ দর্গরেপারা; তঅ রাগ্কান উদিলে কন্না তঅ মুজুঙোত্ থিয়্যেই পারে?
তর্ রাগর খেমতাগান কন্না বুঝি পারে? কয়জন মনত্ তর্ পাইদ্যে ভোক্তিগান আঘে, যেনে তারা তর্ রাগ্কান বুঝোন্?
সেদিন্যে মিসরীয়গুনে মিলে ধোক্ক্যেন অবাক্। তারা বিরুদ্ধে বেগত্তুন্ খেমতাবলা লগেপ্রভু আঢ্ তুলিবো আর সিয়েন দেগিনে তারা দরে গির্গিরেবাক্।
সিয়োনর পাপী মানুচ্চুনে অমকদ দোরেয়োন্; গোজেন উগুরে ভোক্তিনেইয়্যে মানুচ্চুনোর গির্গিরেনি ধোজ্যে। তারা কদন্, “আমা ভিদিরেত্তুন্ কন্না পুড়ি ফেলেয়্যে আগুনো সমারে থেই পারে? কন্না জনম্ ভরা জোল্যে আগুনো সমারে বজত্তি গুরি পারে?”
যিগুনে বানা কিয়্যেগান মারে ফেলেই পারন্ মাত্তর্ আত্মাগানরে মারি ন-পারন্ তারারে ন-দোরেয়ো। যিবে কিয়্যে আর আত্মা দ্বিয়েনরে নরগত্ ভস্ত গুরি পারে বরং তারেই দরঅ।
শিমোন-পিতরে কলঅ, “তুই সেই মশীহ, জেদা গোজেনর্ পুয়ো।”
কারে দোরেবা মুই তমারে সিয়েন্ কোই দোঙর্। তমারে মারে ফেলেবার্ পরেদি নরগত্ ফেলে দিবার্ খেমতা যার্ আঘে তারেই দোরেয়ো। অয়, মুই তমারে কঙর্, তারেই দোরেয়ো।
দর্গরেপারা ভূজোল্ বেবঅ আর নানান্ জাগাত্ ভাদ-রাট্ আর ভানা অবঅ। ইয়েনি বাদেয়ো আগাজত্ এমন ঘটনা ঘুদিবো আর চিহ্নো দেগা যেবঅ যিয়েনি ভারী বেশ্ আর দর্গরেপারা।
চাহ্, প্রভুর আঢ্তানি তঅ বিরুদ্ধে উত্ত্যে। তুই চোগ্ কানা ওই যেবে আর কয়েক দিন সং বেল পহ্র ন-দেগিবে।” সেক্কেনে খুয়ো আর আন্ধারানে তারে ঢাগি ফেলেল আর কেঅ যেন তারে আঢত্ ধুরিনে নেযেই পারে ইয়েনত্তে সেক্কে তে লুদিক্ ধুরি বেড়া ধোল্ল্য।
প্রভুরে দোরেই বিলিনে আমি নিজো পৌইদ্যেনে মান্জ্য মনত্ বিশ্বেজ্ জোর্মেবার চেষ্টা গুরিই। আমি যেবাবোত্যে, সিয়েন দঅ গোজেন ইধু খুলোমেলা আর মুই আজা গরং তমা বিবেগ ইধুয়ো সিয়েন খুলোমেলা।
আঘেদে বানা বিচেরত্যে অমকদ দোরেইনে বাজ্জ্যেই থানা আর গোজেনর্ শত্রুগুনোরে ছেই গুরি ফেলানা ধোক্ক্যেন জ্বোল্জোল্ল্যে রাগ্।
আমা গোজেনে ভস্ত গুরিয়্যে আগুনো ধোক্ক্যেন।
ভেইলগ্, উজিয়ার! তমা ভিদিরে কারঅ মন যেন ভান্ন্যেই আর অবিশ্বেজি ন অয়। এবাবোত্যে মনানি জেদা গোজেনত্তুন্ দূরোত্ সুরি যায়।
