ইব্রীয় 10:28 - Chakma Bible

²⁸ কেঅ মোশির রীদি-সুদোমানি অস্বিগের্ গুরিলে কনঅ মেয়্যে ন-পেইনে দ্বিজন বা তিনজন সাক্ষীর সাক্ষ্যর্ কারনে তাত্তুন্ মরা পরে।

ইব্রীয় 10:28 ပူးပေါင်းရင်းမြစ်များ

২ শমূয়েল 12:13

সেক্কে দায়ূদ নাথনরে কলঅ, “মুই লগেপ্রভুর বিরুদ্ধে পাপ গোজ্যং।” জোবত্‌ নাথনে কলঅ, “লগেপ্রভু তঅ পাপ্পান্‌ খেমা গুরিলো; তুই মুরি ন-যেবে।

২ শমূয়েল 12:9

মাত্তর্‌ লগেপ্রভুর চোগোত্‌ যিয়েনি বজং সিয়েনি গুরিনে কিত্তে তুই তা কধানি ঈচ্ গুরিলে? তুই হিত্তীয় ঊরিয়রে মারে ফেলেয়োচ্‌ আর তা মোক্কোরে নিজোর্‌ মোক্‌ বানেয়োচ, আর অম্মোনীয়গুনোরে দিইনে তুই ঊরিয়রে মারে ফেলেয়োচ্‌।

যিশাইয় 27:11

সিগুনোর্ ডেলাগুন শুগোনার্ পরেদি ভাঙি ফেলা অবঅ আর মিলেগুনে এইনে সিগুন্দোই আগুন জালেবাক্। ইবে এক্কো বুদ্ধিনেইয়্যে জাদ্, সেনত্তে যিবে তারারে বানেয়্যে তারা উগুরে তার্ কনঅ মেয়্যে নেই; তারা উগুরে তারা গোজেনর্ কনঅ দোয়্যে নেই।

যিরমিয় 13:14

আংগুর-রস পিলে ধোক্ক্যেন গুরি মুই একজন উগুরে আর একজনরে আছাড়্ মারিনে চুরমার গুরিম; বাপ্ ওক্ বা পুয়ো ওক্ বেক্কুনোরে চুরমার গুরিম। মুই কনঅ কোচ্‌‌পানা বা দোয়্যে বা মেয়্যে ন-গুরিম; তারারে ভস্ত গুরিম্‌‌‍‍বে গুরিম।’ ”

গণাণা 15:36

সেনত্তেই ইস্রায়েলীয়গুনে মোশির মাধ্যমে দিয়্যে লগেপ্রভুর উগুম মজিম তারে তাম্বুলোর বারেন্দি নেযেইনে পাত্তর ইদে মেলা দিইনে মারে ফেলেলাক্।

মথি লেখ্যে গম্ হবর্ 18:16

মাত্তর্ যুনি তে ন-শুনে সালে অন্য দ্বিএকজনরে তমা লগে নেযেয়ো, যেন দুই বা তিনজন সাক্ষীর্ কধালোই এ বেপারানি সত্য বিলিনে প্রমান্ অয়।

যোহন 8:17

তমা আইন-কানুনোত্ লেগা আঘে, দ্বিজনে যুনি একই সাক্ষ্য দুয়োন্ সালে সিয়েন্ সত্য।

রোমীয় 9:15

“মর্ যিবেরে আওজ্ তারে দোয়্যে গুরিম, যিবেরে আওজ্ তারে মেয়্যে গুরিম।”

২ করিন্হীয় 13:1

মুই এই তিন বার্ তমা ইধু এজঙর্‌। পবিত্র বোইবোত্ লেগা আঘে, “দুই বা তিনজন সাক্ষীর্ কধালোই এই বেক্ বেপারানি সত্য বিলিনে প্রমাণ অয়।”

দ্বি’লম্বর বিররণ 19:13

তারে তুমি কনঅ দোয়্যে ন দেগেবা। তুমি ইস্রায়েলীয়গুনো ভিদিরেত্তুন্‌ নিদ্দুষী মানুচ্চুনোর লো-ঝরানার দুষ্‌চানি পুঝি ফেলেবা। সেক্কে তমার ভালেদি অবঅ।

দ্বি’লম্বর বিররণ 19:15

যুনি কারঅ বিরুদ্ধে দুষ বা অন্যায় গরানার আবিত্তি আনা হয়, সালে বানা এক্কো সাক্ষী থিয়্যেলে ন চলিবো; দুই বা তিনজন সাক্ষীর কধা বাদে কনঅ বিষয় সত্য বিলিনে প্রমাণ ওই ন পারিবো।

ইব্রীয় 12:25

উজিয়ার্! যিবে কধা কর্ তা কধানি এলাফেলা ন-গোজ্জ্য। মোশি গোজেনর্ উজিয়ার কধা পিত্‌থিমীত্ জানানার্ পরেদি মানুচ্চুনে তা কধানি এলাফেলা গোজ্জ্যন বিলিনে যেক্কে খেমা ন-পান্, সেক্কে যিবে স্বর্গত্তুন্ আমারে উজিয়ার্ গরের্ তা কধানি এলাফেলা গুরিলে আমি যে কনঅ বাবদে খেমা ন-পেবং সিয়েনত্ কনঅ সন্দেহ নেই।

ইব্রীয় 2:2

স্বর্গদূত্‌তুনোরে দিইনে যে কধানি কুয়ো ওইয়্যে সিয়েনির দঅ কনঅ লড়্‌চড় ন-অয়; সিয়েনি বাদে যে কেঅ গোজেনর্ উগুম অমান্য গোজ্জ্যে আর তা কধানি শুনিবাত্যে ন-চায় তে তার্ উজিত সাজা পেয়্যে।

যাকোব 2:13

কিয়া যে দোয়্যে ন-গরে, বিচেরর্ সময়োত্ তেয়ো দোয়্যে ন-পেবঅ। বিচের উগুরে দোয়্যেগানে জিদিবো।