ইব্রীয় 10:27 - Chakma Bible

²⁷ আঘেদে বানা বিচেরত্যে অমকদ দোরেইনে বাজ্জ্যেই থানা আর গোজেনর্ শত্রুগুনোরে ছেই গুরি ফেলানা ধোক্ক্যেন জ্বোল্‌‌জোল্ল্যে রাগ্।

ইব্রীয় 10:27 ပူးပေါင်းရင်းမြစ်များ

গীতসংহিতা 21:9

তর্ ফগদাং অবার্ অক্তত্ তুই তারারে তুলিবে ছুলোর্ ধোক্‌‌ধোক্যে আঙারা ধোক্ক্যেন। লগেপ্রভু রাগে তারারে গিলি ফেলেব, তা আগুনানে তারারে পুড়ি ফেলেব।

যিশাইয় 26:11

ও লগেপ্রভু, তঅ আঢ্‌‌তান তুই অজলত্ তুল্যচ্, মাত্তর্ তারা সিয়েন ন-দেগন্। তঅ মানুচ্চুনোত্তে তঅ আওজ্‌চান্ তারা দেগোদোক্ আর লাজাদোক্; আগুনানে তঅ শত্রুগুনোরে পুড়ি ফেলোক্।

যিশাইয় 33:14

সিয়োনর পাপী মানুচ্চুনে অমকদ দোরেয়োন্; গোজেন উগুরে ভোক্তিনেইয়্যে মানুচ্চুনোর গির্‌গিরেনি ধোজ্যে। তারা কদন্, “আমা ভিদিরেত্তুন্ কন্না পুড়ি ফেলেয়্যে আগুনো সমারে থেই পারে? কন্না জনম্ ভরা জোল্যে আগুনো সমারে বজত্তি গুরি পারে?” ‌‌

যিরমিয় 4:4

ও যিহূদা আর যিরূশালেমর মানুচ্চুন, লগেপ্রভুর বাধ্য অবাত্তে তমার চুনুগুলোবোর্ মাঢাবোর্ চামান কাবঅ , অত্তাৎ তমা মন ভিদিরে কজরাগানি দূর্ গরঅ; সিয়েন ন-গুরিলে তমা ভান্ন্যেই কামানিত্তে মঅ রাগ্‌কান নিগিলিনে আগুনো ধোক্ক্যেন জুলি উদিবো, কনজনে সিয়েন মারেই ন-পারিবো।‍‌‍

যিহিষ্কেল 36:5

মুই প্রভু লগেপ্রভু তমারে কঙর্, মর্ মনর্ জ্বালায় মুই অন্য জাদ্‌‌‌‌‌তুনোর আর বেক ইদোমর বিরুদ্ধে কধা কোইয়োং, কিত্যে তারার মনর্ হুজি আর ইংসেলোই তারা মঅ দেজ্‌‌‌‌‌চানরে নিজোর গজগত্ আন্যন্ যেনে সিয়েন লুদেই পারন। মুই প্রভু লগেপ্রভু এ কধাগান কঙর্।

যিহিষ্কেল 38:19

মর্ আওজে আর অমকদ রাগে মুই ফগদাং গরঙর্, সে অক্তত্ ইস্রায়েল দেজত্ অমকদ ভূজোল্ অবঅ।

দানিয়েল 5:6

তা মুয়োন কালা ওই গেলঅ আর তে এদক্ দোরেলদে যে, তা কমরত্ ধুরিলো আর আঢুগিলেগুন গির্‌গিরে ধুরিলাক্।‌‌‌‌‌‌

হোশেয় 10:8

বৈৎ-আবনর পূজোর্ অজল্ জাগায়ানি, অত্তাৎ ইস্রায়েলর পাপর জাগায়ানি ভস্ত অবঅ। কাদাগাজ্ গোজেই উদিনে তারার্ পূজোগুন ঢাগি ফেলেব। সেক্কে তারা দাঙর্ দাঙর্ পাত্তরুনোরে কবাক্, “আমারে ঢাগি ফেলঅ” আর চিগোন্ চিগোন্ মুড়োগুনোরে কবাক্, “আমা উগুরে পড়অ।”

যোয়েল 2:30

মুই আগাজত্ আর পিত্‌‌থিমীত্ আমক্ আমক্ ঘটনা দেগেম, অত্তাৎ লো, আগুন আর অমকদ ধূমো দেগিবা।

নহূম 1:2

লগেপ্রভু এমন গোজেন যিবে তার পাওনা ভোক্তি চায় আর কামফল দে; লগেপ্রভু হেনা সুজে আর তে রাগে গুল্ ওইয়্যে। লগেপ্রভু তা বিপক্ষগুনো উগুরে হেনা সুজে আর তা শত্রুগুনোত্তে তা রাগ্‌‌কান জমা রাগায়।

সফনিয় 1:18

লগেপ্রভুর রাগর্ দিন্নোত্ তারার সনা-রূবোনিয়ো তারারে বাঁজেই ন-পারিবো। তা রিবেঙর্ জ্বালার্ আগুনে বেক্ দুনিয়েগান পুড়ি যেবঅ, কিত্যে পিত্‌‌‌‌‌থিমীত্ বজত্তি গুরিয়্যে বেক্কুনোরে তে ঝিমিদোত্ শেজ্ গুরি দিবো, অয়, জদবদে শেজ্ গুরি দিবো।

সফনিয় 3:8

“ও যিরূশালেম, তুই মত্তে বাজ্জেই থাগ্; যেদিন্যে মুই জাদ্‌‌‌‌তুনো বিরুদ্ধে সাক্ষি দিবাত্তে থিয়্যেম্ তুই সেদিন্নোত্তে বাজ্জেই থাগ্। মুই ঠিগ্ গোজ্যংগে, জাদ্‌তুনোরে মুই এগত্তর্ গুরিম, রেজ্যগানি এগত্তর্ গুরিম আর তারা উগুরে মর্ অমকদ অহুজিগান, মর্ জ্বোল্‌‌‌‌‌জোল্যে রাগ্‌‌‌‌‌কান ঢালি দিম। মর্ মনর্ জ্বালার্ আগুনে গোদা পিত্‌‌‌‌থিমীগান পুড়ি যেবঅ। গোটা জগৎতান্ পুড়ি যেবঅ।

মালাখি 4:1

বেগত্তুন্ খেমতাবলা লগেপ্রভু কত্তে, চঅ, সেদিন্নো এজের্, সিবে চুলো আগুনো ধোক্ক্যেন জুলিবো। সেদিন্যে বেক্ বাড়্‌বো গোজ্যে মানুচ্চুন আর অন্যেয়গুরিয়্যেগুনে নাড়া ধোক্ক্যেন্ অবাক্ আর পুড়ি যেবাক্। এক্কান শিঙোর্ বা এক্কান ডেলায়ো বাগি ন-থেবাক্।‌‌‌‌‌‌

গণাণা 16:35

ইন্দি যে দিশঅ পঞ্চাশজন মান্‌জ্যে পৌইরেগ্ উৎসর্ব গোজ্যন্‌ লগেপ্রভু ইত্তুন্‌ আগুন্‌ নিগিলি এইনে তারারে পুড়ি ফেলেল।

মথি লেখ্যে গম্ হবর্ 13:42

সিয়েনত্ মানুচ্চুনে কানাকুদি গুরিবাক্ আর যন্ত্রণালোই দাত্ কামেরেবাক্।

মথি লেখ্যে গম্ হবর্ 13:50

সিয়েনত্ মানুচ্চুনে কানাকুদি গুরিবাক্ আর যন্ত্রণালোই দাত্ কামেরেবাক্।”

মথি লেখ্যে গম্ হবর্ 25:41

পরেদি তে তার্ বাঙেদি মানুচ্চুনোরে কবঅ, ও অভিশাব্ পেইয়্যে মানুচ্চুন্, মত্তুন্ তুমি দূর্ অ। শদান্ আর তা দূত্‌তুনোত্তে যে উমর কালর্ আগুন যুক্কোল্ গরা ওইয়্যে সিয়েন ভিদিরে যঅ।

মথি লেখ্যে গম্ হবর্ 3:10

গাজ গড়াত্ কুড়োল্ বাজেয়্যে আঘে। যে গাজত্ গম্ ফল ন-ধরে সিবে কাবিনে আগুনোত্ ফেলে দিয়্যে অবঅ।

মথি লেখ্যে গম্ হবর্ 3:12

কুলোগান্ তা আঢত্ আঘে আর তার খেত্-খেত্তিগানি মাড়িবার জাগা তে গমে ডালে সাব্ গুরিবো। তে তার শোজ্যগানি তা গোলাঘরত্ থুবেব, মাত্তর্ যে আগুনান্ কনদিন্অ ন-মরে সে আগুনোত্ তুষ পুড়ি ফেলেব।”

মথি লেখ্যে গম্ হবর্ 8:29

তারা এমন্ দর্‍‍গরেপারা এলাক্ যে, কনজনে সে পধেদি যেই ন-পারিদাক্। তারা রঅ ছাড়িনে কলাক্, “ও গোজেনর পুয়োবো, আমা লগে তর্ কি দরকার? সময় ন অদে কি তুই আমারে যন্ত্রণা দিবাত্তে ইধু এচ্চ্যচ্?”

লূকে লেখ্যে গম্ হবর্ 16:24

সেক্কে তে রঅ ছাড়িনে কলঅ, বাবা অব্রাহাম, মরে দোয়্যে গর্। লাসাররে পাধেই দে যেন তে তা আঙুলো মাঢাগুন্ পানিত্ ভুরেইনে মঅ জিলান্ ঠান্ডা গরে। এই আগুনোত্ মুই অমকদ দুঘ্ পাঙর্।”

লূকে লেখ্যে গম্ হবর্ 19:27

মঅ শত্রুগুনে যিগুনে ন-চান্ মুই রাজা অং, তারারে ইধু আন্ আর মঅ মুজুঙোত্ মারে ফেলা।’ ”

লূকে লেখ্যে গম্ হবর্ 21:26

জগদত্ কি এজের্ ভাবিনে দরে মান্‌জ্যে মুজ্জ্য যেবাক্, কিয়া বেলান্-চানান্-তারাগুন্ ইগুন্ আর থির্ ন-থেবাক্।

লূকে লেখ্যে গম্ হবর্ 23:30

সে সময়োত্ মান্‌জ্যে দাঙর্ দাঙর্ মূড়োগুনোরে কবাক্, ‘আমা উগুরে পড়অ,’ আর চিগোন্ চিগোন্ মূড়োগুনোরে কবাক্, আমারে নাঢি থঅ।

যোহন 5:29

যিগুনে গম্ কাম গোজ্যন্ সিগুনে জিংকানি পেবাত্যে উদিবাক্, আর যিগুনে অন্যেয় কাম্ গুরিনে সময় কাদেয়োন্ সিগুনে সাজা পেবাত্যে উদিবাক্।

দ্বি’লম্বর বিররণ 32:43

ও বেক জাদর্‌ মানুচ্চুন, তুমি লগেপ্রভুর মানুচ্চুনো সমারে তার বাঈনী গরঅ, কিত্যে তে তার চাগরুনোর লো-গানর্ হেনা শুজিবো, তার শত্রুগুনোরে সাজা দিবো আর তার দেজ্‌চান আহ তা মানুচ্চুনোর পাপ ঢাগিবার বেবস্থা গুরিবো।

ইব্রীয় 12:25

উজিয়ার্! যিবে কধা কর্ তা কধানি এলাফেলা ন-গোজ্জ্য। মোশি গোজেনর্ উজিয়ার কধা পিত্‌থিমীত্ জানানার্ পরেদি মানুচ্চুনে তা কধানি এলাফেলা গোজ্জ্যন বিলিনে যেক্কে খেমা ন-পান্, সেক্কে যিবে স্বর্গত্তুন্ আমারে উজিয়ার্ গরের্ তা কধানি এলাফেলা গুরিলে আমি যে কনঅ বাবদে খেমা ন-পেবং সিয়েনত্ কনঅ সন্দেহ নেই।

ইব্রীয় 12:29

আমা গোজেনে ভস্ত গুরিয়্যে আগুনো ধোক্ক্যেন।

ইব্রীয় 2:3

সালে পাপত্তুন্ উদ্ধোর্ পেবাত্যে গোজেনে ইয়েন যে দাঙর্ বেবস্থা গোজ্জ্যে সিয়েন যুনি আমি য়েলাফেলা গুরিই সালে কেধোক্ক্যেন গুরিনে আমি উদ্ধোর্ পেবং? পাপত্তুন্ উদ্ধোর পেবার কধা পত্তমে প্রভু যীশুই কোইয়্যে আর যিগুনে সিয়েনি শুন্ন্যন্ তারা আমা ইধু সেই উদ্ধোরর্ সত্যগান প্রমাণ গুরি দেগেয়োন।

ইব্রীয় 9:27

গোজেনে ঠিগ্ গুরি থোইয়্যেদে যে, পত্তি মানুচ্‌ একবার্ মুরিবো আর সে পরেদি তার্ বিচের্ অবঅ।

যাকোব 5:3

তমা সনা আর রূবোনিত্ জাঙারে ধোজ্জ্যে, আর সেই জাঙারানিয়ে তমা বিরুদ্ধে সাক্ষি দিবো আর আগুনো ধোক্ক্যেন গুরি তমা য়েরানি হেই ফেলেব। এই শেজ্ দিনুনোত্ তুমি ধন-সোম্বোত্তি থুবেইয়ো।

১ শমূয়েল 2:25

মান্‌‌জ্যে যুনি মান্‌জ্য বিরুদ্ধে পাপ গরন্‌ সালে গোজেনে সিয়েনর মীমাংসা গুরি দি পারে; মাত্তর্‌ মান্‌জ্যে যুনি লগেপ্রভুর বিরুদ্ধে পাপ গরন্‌ সালে তাত্তে কনা কোজোলী গুরি পারিবো?” মাত্তর্‌ তারা তারার বাবর্‌ কধালোই কান ন-পাদিলাক্, কিত্যে লগেপ্রভু তারারে মারে ফেলেব বিলি ঠিগ্ গোজ্যে।