ইব্রীয় 10:20 - Chakma Bible

²⁰ খ্রীষ্ট আমাত্যে এক্কান নূয়ো আর জেদা পথ্ মেলি দিয়্যে, যেন আমি পদ্দা ভিদিরেদি, অত্তাৎ তার্ কিয়্যেগানর্ মাধ্যমে গোজেন মুজুঙোত্ আঝির্ ওই পারিই।

ইব্রীয় 10:20 ပူးပေါင်းရင်းမြစ်များ

লেবীয় 16:15

পরেদি তাত্তুন্‌ মানুচ্চুনোর্‌ পাপ-উৎসর্বর্ ছাগল্লো কাবা পুরিবো আর তার লো-নেযেইনে পর্দাগানর্‌ পিজেন্দি যেইনে বলত্তোর লো-লোই যিয়ান গুরিবার্‌ কধা কুয়ো ওইয়ে সিয়ান গরা পুরিবো। সুন্দুগোর্‌ ঢাগনিগান উগুরে আর মুজুঙোত্ সে লো-গান তাত্তুন্‌ ছিদি দিয়া পুরিবো।

লেবীয় 16:2

তে কলঅ, তর্‌ ভেই হারোণরে কঅ‌, সাক্ষ্য-সুন্দুগো উগুরে ঢাগোনিগান মুজুঙোত্ যে পর্দাগান্‌ রোইয়ে ‍সিয়েনর্‌ পিজেন্দি সে পবিত্র জাগানত্‌ তে যেন তার্‌ আওজ্ মজিম যেক্কে-সেক্কে ন-যায়। সেধোক্ক্যেন গুরিলে তে মুরি যেবঅ, কিত্তে সে ঢাগনিগান উগুরে মেঘ ভিদিরে মুই দেগা দিম্‌।

লেবীয় 21:23

মাত্তর্‌ তার্‌ কিয়্যেত্ দাগ্‌ আঘে বিলিনে তে পবিত্র জাগানর্‌ পর্দাগান ইদু বা পূজোবোর্‌ মুজুঙোত যেইনে মর্‌ পবিত্র জাগাগানির্‌ পবিত্রতাগান্‌ বর্‌বাদ্ গুরি ন-পাবিবো। মুই লগেপ্রভু, মুয়ই ধর্মগুরুগুনোরে মর্‌ নাঙে যুদো গুরি রাগেয়োং।

মথি লেখ্যে গম্ হবর্ 27:51

সে পরেদি উবোসনা-ঘরর্ পর্দাগান উগুরেত্তুন্ ধুরি তলেদি সং ফাদিনে দ্বিভাগ্ ওই গেলঅ; ভূজোল্ বেলঅ আর দাঙর্ দাঙর্ পাত্তরুন ফাদি গেলাক্।

মার্ক 15:38

সেক্কে উবোসনা-ঘরর্ পর্দাগান উগুরেত্তুন্ ধুরি তলেদি সং ফাদিনে দ্বিভাগ্ ওই গেলঅ।

যোহন 10:7

সেনত্তে যীশু আরঅ কলঅ, মুই তমারে ঘেচ্চ্যেক্‌ গুরি কঙর্, ভেড়াগুনোত্যে মুয়ই দুয়োরান্।

যোহন 10:9

মুয়ই দুয়োরান্। যুনি কেঅ মঅ মাধ্যমে ভিদিরেদি সমে সালে তে উদ্ধোর্ পেবঅ। তে ভিদিরে এবঅ আর বারেদি যেবঅ আর চরত্ হেবার্ জাগা পেবঅ।

যোহন 14:6

যীশু থোমারে কলঅ, “মুয়ই পথ, সত্য আর জিংকানি। মঅ মাধ্যমে ন-গেলে কনজনে বাবা ইধু যেই ন-পারে।

১ তীমথিয় 3:16

খ্রীষ্টীয় ধর্ম-বিশ্বেজর্ গুমুরো সত্যগান যে দাঙর্ সিয়েন অস্বিগের্ গরা ন-যায়। সেই সত্যগান ইয়েন- তে মানুচ্‌ ইজেবে ফগদাং পেলঅ; তে যে নিদ্দুজি পবিত্র আত্মাগানে সিয়েন প্রমাণ গুরিলো; স্বর্গদূত্‌তুনে তারে দেক্ক্যন; বেক্‌ জাদ্‌তুনো ইধু তা পৌইদ্যেনে প্রচার গরা ওইয়্যে; জগদত্ তা উগুরে মান্‌জ্যে বিশ্বেজ্ গোজ্জ্যন; স্বর্গত্ তারে মহিমার্ সমারে তুলি নেযা ওইয়্যে।

ইব্রীয় 6:19

এই আজাগান আমা জিংকানিত্ নোংগর ধোক্ক্যেন ঘেচ্চেকগুরি আর থিদেবর্, আর সিয়েন দাঙর্ পবিত্র জাগানর্ পর্দাগান পিজেদি, অত্তাৎ গোজেন মুজুঙোত্ যেইনে লুমেগোই।

ইব্রীয় 9:3

দ্বি-লম্বর্ পর্দাগানর্ পিজেদি তাম্বুলানর্ আর এক্কান ভাগ্ এলঅ; সিয়েন নাঙান এলঅ দাঙর্ পবিত্র জাগা।

ইব্রীয় 9:8

ইয়েনত্ পবিত্র আত্মাগানে দেগেই দেত্তে যে, যেদক দিন এই উবোসনা তাম্বুলান থেবঅ সেদক দিন সেই দাঙর্ পবিত্র জাগানত্ সুমিবার পথ্‌তান খুলো ন-থেবঅ।

১ পিতর 3:18

খ্রীষ্টয়ো পাপত্যে একবার মোজ্জ্যে। গোজেন ইধু আমারে নেযেবাত্যে সে নিদ্দুজি মানুচ্চো পাপীগুনোত্যে, অত্তাৎ আমাত্যে মোজ্জ্যে। কিয়্যেদি তারে মারে ফেলা ওইয়্যে, মাত্তর্ আত্মায় তারে জেদা গরা ওইয়্যে আর তে বন্দী আত্মাগুনো ইধু যেইনে ফগদাং গোজ্জ্যে।

১ যোহন 4:2

গোজেনর্ আত্মাগানরে তুমি এবাবোত্যেগুরি চিনি পারিবা-যে আত্মাগানে স্বিগের্ গরে যীশু খ্রীষ্ট মানুচ্‌ ওইনে এচ্চ্যে সেই আত্মাগানে গোজেনত্তুন্ এচ্চ্যে;

২ যোহন 1:7

জগদত্ এমন বোউত্ মানুচ্ নিগিল্লোন যিগুনে ছলনা গুরি বেড়ান। যীশু খ্রীষ্ট যে মানুচ্‌ ওইনে এচ্চ্যে তারা সিয়েন স্বিগের্ ন-গরন। এবাবোত্যে মানুচ্চুনে ছলনাগুরিয়্যে আর খ্রীষ্টর্ শত্রু।