ইব্রীয় 10:19 - Chakma Bible

¹⁹ ভেইলগ্, যীশু খ্রীষ্টর্ লো-গানর্ গুণে সেই দাঙর্ পবিত্র জাগানত্ সোমেবার সাহচ্‌ আমার আঘে।

ইব্রীয় 10:19 ပူးပေါင်းရင်းမြစ်များ

রোমীয় 5:2

গোজেনর্ এই যে দোয়্যের্ পধেদি ইক্কিনে আমি চলির্ সিধু আমি খ্রীষ্টর্ মাধ্যমে বিশ্বেজ্‌চোই লুম্মেয়ি। গোজেনর্ মহিমা পেবার্ আজায় আমি ফুত্তি গুরির্।

রোমীয় 8:15

তুমি দঅ চাগর মনভাব ন-পঅ যিয়েনত্যে দোরেবা; তুমি গোজেনর্ আত্মাগানরে পেইয়ো যিবে তমারে পুয়ো ইজেবে অধিকার্ দিয়্যে। সেনত্তে আমি গোজেনরে বাবা, মানে বাব্, বিলিনে ডাগিই।

ইফিষীয় 2:18

তার্ মাধ্যমে একই পবিত্র আত্মালোই বাবা ইধু যেবার্ অধিকার আমার বেক্কুনোর্ আঘে।

ইফিষীয় 3:12

খ্রীষ্ট লগে এগত্তর্ ওইনে তা উগুরে বিশ্বেজর্ মাধ্যমে আমি গোজেন মুজুঙোত্ সাহচ্‌ নিইনে লুমিবার অধিকারান্ পেইয়্যেই।

২ তীমথিয় 1:7

গোজেনে আমারে দরর্ মনভাব্ ন-দে; তে আমারে এমন্‌ মনভাব দিয়্যে যিয়েন ভিদিরে খেমতা, কোচ্‌পানা আর নিজোরে দোঙেই থবার্ খেমতা আঘে।

ইব্রীয় 10:18

সেনত্যে গোজেনে যেক্কে পাপ আর অন্যেয় ক্ষেমা গরে সেক্কে পাপত্যে উৎসর্ব বিলিনে আর কিচ্চু নেই।

ইব্রীয় 10:35

সেনত্যে তুমি সাহচ্‌ ন-আড়েইয়ো, কিয়া ইয়েনর পুরস্কারান ভারী মহৎ।

ইব্রীয় 12:28

সেনত্যে যে রেজ্যগানরে লাড়া ন-যায় আমি যেক্কে সে রেজ্যগান পেবাত্যে যের্ সেক্কে এজঅ, আমি গোজেন ইধু ভালেদি জানেই। সালে গোজেনে যেধোক্ক্যেন গুরি হুজি অয় সেধোক্ক্যেন গুরি আমি ভোক্তি আর দরে তার্ সেবা গুরি পারিবোং।

ইব্রীয় 3:1

সেনত্যে পবিত্র ভেইয়ুন, তুমি যিগুনে স্বর্গর্ অধিকারী অবাত্যে তা ডাগনিলোই মাত্য, তুমি যীশু পৌইদ্যেনে মনযোগী অ। যিবে উগুরে আমি বিশ্বেজ্ গোজ্জ্যেই তেয়ই গোজেনর্ সেই পাধ্য়্যে মানুচ্ আর সেই দাঙর্ ধর্মগুরুবো।

ইব্রীয় 3:6

মাত্তর্ খ্রীষ্ট সেই পরিবারর্ ভারান-পেইয়্যে পুয়ো ইজেবে বিশ্বেজি-এলঅ। আমার ঘেচ্চ্যেকগুরি আজা আঘে বিলিনে মনত্ যে সাহচ্‌ আর হুজী এজে, সিয়েন্দোই যুনি আমি থুম্ সং থির্ থেই সালে দেগা যেবঅ, আমি গোজেন ঘোর্‌বো।

ইব্রীয় 4:16

সেনত্যে এজঅ, আমি সাহচ্‌ গুরিনে গোজেনর্ দোয়্যের্ সিংহাসন মুজুঙোত্ উজেই যেই, যেন দরকার মজিম সিয়েনত্তুন্ আমি তার্ মেয়্যে আর দোয়্যে পেই পারিই।

ইব্রীয় 7:25

ইয়েনত্যে যিগুনে তা মাধ্যমে গোজেন ইধু এজন্ তারারে তে পুরোপুরি গুরিনে উদ্ধোর্ গুরি পারে, কিয়া তারার্ পৌইদ্যেনে কোজোলি গুরিবাত্যে তে নিত্য জেদা আঘে।

ইব্রীয় 9:12

ছাগল আর গোরু ছঅ লো-লোই খ্রীষ্ট সেই দাঙর্ পবিত্র জাগানত্ ন-সমায়। তে নিজোর্ লো-লোগান্দোই একবার সিয়েনত্ সোম্মেগোই। এবাবোত্যে গুরি তে উমরত্যে পাপত্তুন্ উদ্ধোরর্ পথ্‌তান্ গুরিলো।

ইব্রীয় 9:3

দ্বি-লম্বর্ পর্দাগানর্ পিজেদি তাম্বুলানর্ আর এক্কান ভাগ্ এলঅ; সিয়েন নাঙান এলঅ দাঙর্ পবিত্র জাগা।

১ যোহন 4:17

এবাবোত্যে গুরি কোচ্‌পানাগানে আমা মনভিদিরে পেলেং পেলেং অয়, যেন বিচের দিনোত্ আমি সাহস পেই, কিয়া এই জগদত্ আমা জিংকানিগান তা জিংকানিগান ধোক্ক্যেন।