ইব্রীয় 1:7 - Chakma Bible

⁷ স্বর্গদূত্‌‌তুনো পৌইদ্যেনে গোজেনে কত্তে, “তে বোইয়্যেরানরে তার্ দূত বানেয়্যে; জ্বোল্-জোল্যে আগুনানরে গোজ্জ্যেদে তার্ চাগর্।”

ইব্রীয় 1:7 ပူးပေါင်းရင်းမြစ်များ

পত্থম 3:24

এধোক্ক্যেন গুরি তে তারারে ধাবেই দিলো। সে পরেদি তে জীংকানি-গাজ্‌চো ইধু যেবার পথ্‌তান্ চুগি দিবাত্তে এদন বাগান পূগেদি করূব্‌পুনোরে রাগেল, আর সে সমারে সিয়োত্‌ এক্কান জোল্‌জোল্যা খড়্‌গঅ রাগেল যিয়েনে নিত্য ঘুরোনাত্‌ থেলঅ।

১ রাজাবলী 22:19

মীখায় কুয়ো ধুরিলো, “সালে তুই লগেপ্রভুর কধা শুন্‌। মুই চেলুং, লগেপ্রভু তার্‌ সিংহাসনত্‌ বোই আঘে আর তা ডেনে আর বাঙেন্দি বেক্‌ স্বর্গদূত্তুনে আগন্‌।

২ রাজাবলী 2:11

তারা কধা কদে কদে আদদন্‌ এন্‌ সময়োত্‌ অদাদৎ এক্কান্‌ আগুনো রথ আর আগুনোর কয়েক্কো ঘোড়া এইনে তারার্‌ দ্বিজনরে ফারগ্ গুরি দিলো আর এলিয় এক্কান্‌ থুট্ট্যেবোইয়্যেরলোই স্বর্গত্‌ গেলগোই।

২ রাজাবলী 6:17

সে পরেন্দি ইলীশায় এ তবনাগান গুরিলো, “ও লগেপ্রভু, তা চোখ্‌কুন্‌ খুলি দে যেনে তে দেগে।” সেক্কে লগেপ্রভু সে চাগর্‌বোর্‌ চোখ্‌কুন্‌ খুলি দিলো। তে দেগিলোদে ইলীশায়র চেরোকিত্তে মুড়ো-মুড়িগুন আগুনোর রথ আর ঘোড়ালোই ভোজ্যে।

গীতসংহিতা 104:4

তুই বোইয়্যেরানরে তর্ দূত্ বানেয়োচ্; জোল্‌জোল্যে আগুনানরে বানেয়োচ্ তর্ চাগর্।

যিশাইয় 6:2

তা উগুরে এলাক্ কয়েক্কো সরাফ; তারার্ এক এক্কোর্ ছগান্ গুরি ডুয়ো এলঅ-দ্বিয়েন্ ডুয়োলোই তারা মুয়োন আর দ্বিয়েন ডুয়োলোই টেঙানি নাঢি রাগেয়োন আর দ্বিয়েন ডুয়োলোই তারা উড়োদন্।

দানিয়েল 7:10

তা মুজুঙোত্তুন্ এক্কান আগুনো গাঙ্ নিগিলিনে বেঈ যার্। আজার্ আজার্ মান্‌‌‌‌‌জ্যে তারে সেবা গত্তন্; লাখ্ লাখ্ মানুচ্ তা মুজুঙোত্ থিয়্যেই এলাক্। বিচের্ আরাম্ভ অলঅ আর বোইয়ুন খুলো অলঅ।

সখরিয় 6:5

জোবত্ তে মরে কলঅ, “ইগুন আগাজর্ চেরান্ বোইয়্যের্; পুরো দুনিয়েগানত্ প্রভুর মুজুঙোত্ থিয়্যেই থানার্ পরেদি ইয়েনি নিগিলি এজের্।

ইব্রীয় 1:14

স্বর্গদূত্‌‌‌তুনে কি বেক্কুনে সেবাগুরিয়্যে আত্মা নয়? যিগুনে পাপত্তুন্ উদ্ধোর্ পেবাক্ তারারে সেবা গুরিবাত্যে দঅ তারারে দিপাধা অয়।