ইব্রীয় 1:14 - Chakma Bible

¹⁴ স্বর্গদূত্‌‌‌তুনে কি বেক্কুনে সেবাগুরিয়্যে আত্মা নয়? যিগুনে পাপত্তুন্ উদ্ধোর্ পেবাক্ তারারে সেবা গুরিবাত্যে দঅ তারারে দিপাধা অয়।

ইব্রীয় 1:14 ပူးပေါင်းရင်းမြစ်များ

পত্থম 32:24

সেক্কে যাকোবে গায়্‌ গায়্‌ থেই গেলঅ। সেক্কে এক্কো মানুচ্ এইনে বেন্যে পহ্‌র ন-অনা সং তা লগে আঢ্‌তোই যুদ্ধো গুরিলো।

১ রাজাবলী 22:19

মীখায় কুয়ো ধুরিলো, “সালে তুই লগেপ্রভুর কধা শুন্‌। মুই চেলুং, লগেপ্রভু তার্‌ সিংহাসনত্‌ বোই আঘে আর তা ডেনে আর বাঙেন্দি বেক্‌ স্বর্গদূত্তুনে আগন্‌।

ইয়োব 1:6

একদিন্যে স্বর্গদূত্তুনে লগেপ্রভুর মুজুঙোত্‌ যেইনে লুমিলাক্‌ আর শদান্নোয়ো তারা সমারে লুমিলো।

গীতসংহিতা 104:4

তুই বোইয়্যেরানরে তর্ দূত্ বানেয়োচ্; জোল্‌জোল্যে আগুনানরে বানেয়োচ্ তর্ চাগর্।

গীতসংহিতা 34:7

যিগুনে লগেপ্রভুরে ভোক্তি গরন্ লগেপ্রভুর্ দূত্‌তুনে তারার্ চেরোকিত্তে তাম্বুল্ ফেলান্ আর তারারে রোক্ষ্যে গরন্।

দানিয়েল 3:28

সেক্কে নবূখদ্‌নিৎসরে কলঅ, “শদ্রক, মৈশক আর অবেদ্‌-নগোর গোজেনর বাঈনী ওক্, যিবে তা স্বর্গদূত্বোরে পাধেইনে তা চাগরুনোরে উদ্ধোর্ গুরিলো। ইগুনে তা উগুরে বিশ্বেজ্ গুরিনে রাজার উগুমান ন-পালান্ আর তারার্ নিজো গোজেন বাদে অন্য কনঅ দেবেদারে সেবা আর পূজো গরানার বদলে মুরিবাত্তেয়ো রাজি এলাক্।

দানিয়েল 6:22

মর্ গোজেনে তার্ দূত পাধেইনে সিংহগুনোর মুয়োনি বানি দিয়্যে। তারা মরে আঘাত্ ন-গরন, কিত্যে গোজেনর চোগেদি মুই নিদ্দুযি এলুং। ও মহারাজ, তঅ মুজুঙোত্অ মুই কনঅ দুষ ন-গরং।”

দানিয়েল 7:10

তা মুজুঙোত্তুন্ এক্কান আগুনো গাঙ্ নিগিলিনে বেঈ যার্। আজার্ আজার্ মান্‌‌‌‌‌জ্যে তারে সেবা গত্তন্; লাখ্ লাখ্ মানুচ্ তা মুজুঙোত্ থিয়্যেই এলাক্। বিচের্ আরাম্ভ অলঅ আর বোইয়ুন খুলো অলঅ।

মথি লেখ্যে গম্ হবর্ 1:20

যোষেফে যেক্কে ইয়েনি ভাবের্ সেক্কে গোজেনর এক্কো দূত স্ববনত্ দেগা দিইনে তারে কলঅ, “দায়ূদ বংশধর যোষেফ, মরিয়মরে লবাত্তে ন-দোরেচ্, কিয়া তা পেদত্ যিবে জোর্মেয়্যে তে পবিত্র আত্মার্ খেমতালোই জোর্মেয়্যে। তার এক্কো পুয়ো অবঅ।

মথি লেখ্যে গম্ হবর্ 13:41

যিগুনে অন্যগুনোরে পাপ গরান্ আর যিগুনে নিজে পাপ গরন্ তারারে বেক্কুনোরে সেই স্বর্গদূত্‌তুনে মান্‌জ্যপুয়োবোর্ রেজ্যত্তুন্ একলগে এগত্তর্ গুরিবাক্ আর জ্বোল্‌জোল্যে আগুনো ভিদিরে ফেলে দিবাক্।

মথি লেখ্যে গম্ হবর্ 18:10

চেয়ো, তুমি যেন এ চিগোন্ গুরোগুনো ভিদিরে একজনরেয়ো ঈচ্ ন-গরঅ। মুই তমারে কঙর্, স্বর্গত্ তারার্ দূত্‌তুনে নিত্য মঅ স্বর্গর্ বাপ্পো মুয়োন্ দেগদন্।

মথি লেখ্যে গম্ হবর্ 2:13

পন্ডিত্‌তুনে যানার্ পরেদি প্রভুর এক্কো দূতে স্ববনত্ যোষেফরে দেগা দিইনে কলঅ, “উদ্, পুয়োবো আর তা মাবোরে লোইনে মিসর দেজত্ ধেই যাহ্ আর মুই যেদকদিন সং ন-কং সেদকদিন সং সিধু থেচ্, কিয়া পুয়োবোরে মারে ফেলেবাত্তে হেরোদে তারে তোগেব।”

মথি লেখ্যে গম্ হবর্ 24:31

দাঙর্ দাঙর্ গুরি তূরী বাঁজি উদিবো আর সমারে সমারে মান্‌জ্য পুয়োবো তা স্বর্গদূত্‌তুনোরে চেরোকিত্তেত্তুন্ পাধেই দিবো। সেই দূত্‌তুনে পিত্‌থিমীর এক কিত্তেত্তুন্ ধুরি অন্য কিত্তেদি সং চেরোকিত্তেত্তুন্ তার বেঈ লোইয়্যে মানুচ্চুনোরে এক সমারে থুবেবাক্।

মথি লেখ্যে গম্ হবর্ 25:34

ইয়েনর্ পরেদি রাজা তা ডেনেদি মানুচ্চুনোরে কবঅ, তুমি যিগুনে মঅ বাপ্পোর্ বর্ পেইয়ো, এজঅ। জগদর্ আরাম্ভত্ যে রেজ্যগান্ তমাত্তে যুক্কোল্ গুরি রাগা ওইয়্যে সিয়েনর্ অধিকারী অ।

মথি লেখ্যে গম্ হবর্ 4:11

সেক্কে শদান্নো তারে ফেলেই গেলগোই, আর স্বর্গদূত্তুনে এইনে তার্ সেবা যত্তন্ গরা ধুরিলাক্।

মার্ক 10:17

যীশু পধেদি আরঅ যেক্কে যাহ্ ধুরিলো সেক্কে এক্কো মানুচ্ দাবা দাবা তাইধু এলঅ আর তা মুজুঙোত্ আঢু পাড়িনে পুযোর্ গুরিলো, “ও মাষ্টরবাবু, উমর জিংকানি পেবাত্তে মুই কি গুরিম্?”

লূকে লেখ্যে গম্ হবর্ 1:19

স্বর্গদূত্তো তারে কলঅ, “মঅ নাঙান্ গাব্রিয়েল; মুই গোজেন মুজুঙোত্ থিয়্যেই থাং। তঅ লগে কধা কবাত্তে আর তরে এ গম্ হবরান্ দিবাত্তে গোজেনে মরে পাধেয়্যে।

লূকে লেখ্যে গম্ হবর্ 1:23

ধর্মগুরুবোর্ কামর্ পালা থুম্ অনার পরেদি সখরিয় ঘরত্ গেলঅ।

লূকে লেখ্যে গম্ হবর্ 16:22

“একদিন্ন্যে সেই ভিখারীবো মুরি গেলঅ। সেক্কে স্বর্গদূত্‌তুনে এইনে তারে অব্রাহাম ইধু নেযেলাক্। সে পরেদি একদিন্যে সেই থাগোইয়্যে মানুচ্চোয়ো মুরি গেলঅ আর তারে কবর্ দিয়্যে অলঅ।

লূকে লেখ্যে গম্ হবর্ 2:13

এ সময়োত্ সেই স্বর্গদূত্তুনো সমারে আদিক্ক্যেগুরি সিধু আরঅ বোউত্ স্বর্গদূতোরে দেগা গেলঅ। তারা গোজেনরে নাঙ্ গিণোদে গিণোদে কুয়ো ধুরিলাক্।

লূকে লেখ্যে গম্ হবর্ 2:9

এমন্ সময়োত্ প্রভুর এক্কো দূত আদিক্ক্যেগুরি তারা মুজুঙোত্ এলঅ। সেক্কে প্রভুর মহিমা তারার্ চেরোকিত্তে জোল্‌জোল্যে গুরি দেগা দিলো। ইয়েন্দোই গরগ্‌কুনে অমকদ দোরেলাক্।

প্রেরিত্‌ 11:22

এ হবরান্ যিরূশালেমর্ মন্ডলী মানুচ্চুনো কানত্ যানার্ পরেদি তারা বার্ণবারে আন্তিয়খিয়াত্ পাধেই দিলাক্।

প্রেরিত্‌ 12:23

হেরোদে গোজেনর বাঈনী ন-গরে বিলি সেক্কে প্রভুর্ এক্কো দূত্ তারে আঘাত্ গুরিলো, আর চিরোর্ জালায় তে মুরি গেলঅ।

প্রেরিত্‌ 12:7

এমন্ সময়োত্ আদিক্ক্যেগুরি প্রভুর এক্কো দূত্ সিয়েনত্ এইনে থিয়েল। সেক্কে জেল্‌খানাত্ সেই ঘরান্ পহ্‌রে জ্বোল্‌জোল্যে ওই উদিলো। স্বর্গদূত্‌তো পিতর কিয়্যেত্ জোরে ঠেলা দিইনে তারে জাগেইনে কলঅ, “যাদিমাদি উদো।” ইয়েন্দোই পিতর দ্বি আঢত্তুন্ শিগোলান্ খুয়োই পড়ি গেলঅ।

প্রেরিত্‌ 13:2

তারা যেক্কে উবোচ্‌ থেইনে প্রভুর উবোসনা গত্তন্ সেক্কে পবিত্র আত্মাগানে তারারে কলঅ, “বার্ণবা আর শৌলরে মুই যে কামানত্যে ডাক্কোং মর্ সেই কামানত্যে ইক্কিনে তারারে জুদো গরঅ।”

প্রেরিত্‌ 16:26

এমন্ সময়োত্ আদিক্ক্যেগুরি এক্কো অমকদ ভূজোল্ বেলঅ্ আর সিয়েন্দোই জেল্‌খানার্ গড়াগান্ সং গির্‌গিরেই উদিলো। আর সেলক্কে জেল্‌খানার্ বেক্‌ দুয়োরানি আর বন্দীগুনোর্ শিগোলানি খুলি গেলঅ।

প্রেরিত্‌ 27:23

মুই যিবের্ মানুচ্‌ আর মুই যিবেরে সেবা গরং সেই গোজেনর্ এক্কো দূত্ গেল্লে রেদোত্ মঅ কায়কুরে থিয়্যেইনে কলঅ,

প্রেরিত্‌ 5:19

মাত্তর্ রেদোত্ প্রভুর এক্কো দূত্ জেলো দোরানি খুলিনে তারারে বারেদি আনিনে কলঅ,

রোমীয় 11:14

ইয়েন্দোই যেন মুই মঅ নিজো জাদর্ মানুচ্চুনোরে আওজ্ জাগেইনে তারাত্তুন্ কয়েক্কো মান্‌জ্যরে উদ্ধোর্ গুরি পারং।

রোমীয় 13:6

আর সেনত্তে দঅ তুমি খাজানা দি থাগঅ, কিয়া খাজানা তুলিয়্যেগুনে তারার্ কামানিলোই গোজেনরে সেবা গত্তন্।

রোমীয় 15:27

এ টেঙাগুন্ তারা হুজি ওইনে তুল্ল্যন। ইয়েন বাদেয়ো এই মন্ডলীগুন যিরূশালেম মানুচ্চুনো ইধু নাম্ ফুদেয়্যে, কিয়া যিহূদীগুনে যেক্কে তারার্ আত্মিক আশির্বাদর্ ভাগ্ অযিহূদীগুনোরে দুয়োন সেক্কে অযিহূদীগুনোর‌্‌‌অ উচিত্ সাংসারিগ পৌইদ্যেনে যিহূদীগুনোরে সাহায্য গরানা।

রোমীয় 8:17

যুনি আমি পুয়ো-ছা ওই থেই সালে গোজেনে তা পুয়ো-ছা গুনোরে যিয়েন দিবো বিলিনে এগেম্ গোজ্জ্যে আমি সিয়েন পেবং। খ্রীষ্ট গোজেনত্তুন্ সিয়েন পেবঅ আর আমিয়ো তা সমারে সিয়েন পেবং; কিয়া যুনি আমি খ্রীষ্ট সমারে দুঘ্ ভুগি পারিই সালে তা সমারে মানীগুণির্‌‌‌অ ভাগি অবং।

১ করিন্হীয় 1:21

গোজেনে তার্ নিজোর্ জ্ঞানে থির্ গোজ্জ্যে বিলিনে জগদ্‌তানে তার্ নিজো জ্ঞান্দোই গোজেনরে হবর্ ন-পায়। ইয়েনত্তে গম্ হবরর্ মূর্খতালোই পাপত্তুন্ বিশ্বেজিগুনোরে উদ্ধোর্ গরানা গোজেনে গম্ বিলি মনে গুরিলো।

২ করিন্হীয় 9:12

তমার্ এ কামর ফলে যে বানা গোজেন মানুচ্চুনোর অভাব পূরোণ অবঅ সিয়েন নয়; গোজেন উগুরে বোউত্ মান্‌জ্যে ভালেদি জানেবাক্।

গালাতীয় 3:29

তুমি যেক্কে খ্রীষ্টর্ ওইয়ো সেক্কে অব্রাহামর্ গুট্টিয়ো ওইয়ো। আর গোজেনে যিয়েনি দিবার এগেম্ অব্রাহাম ইধু গোজ্জ্যে তুমিয়ো সিয়েনির অধিকারী ওইয়ো।

গালাতীয় 3:7

ইয়েনত্যে তুমি এ কধাগান হবর্ পেইয়ো, যিগুনে গোজেনরে বিশ্বেজ্ গরন বানা তারা অব্রাহামর্ গুট্টি।

গালাতীয় 3:9

সালে দেগা যায়, গোজেনরে বিশ্বেজ্ গুরিনে অব্রাহামে যেধোক্ক্যেন বর্ পেইয়্যে ঠিগ্ সেধোক্ক্যেন গুরি সে পরেত্তুন্ ধুরি যিগুনে গোজেনরে বিশ্বেজ্ গোজ্জ্যন্ তারায়ো সেই বর্ পাদন্।

ইফিষীয় 3:6

সেই গুমুরো উদ্দেচ্চ্যগান অলঅ ইয়েন-গম্ হবরর্ মাধ্যমে অযিহূদীগুনে খ্রীষ্ট যীশু লগে এগত্তর্ ওইনে যিহূদীগুনো লগে একই সুযোগর্ অধিকারি অবাক্, একই কিয়্যে ধোক্ক্যেন অবাক্, আর একই এগেম্ গোজ্জ্যে আশিদ্‌বাদর্ ভাগী অবাক্।

ফিলিপীয় 2:17

যে বিশ্বেজর্ উৎসর্বলোই তুমি গোজেনর্ সেবা গরর্ সিয়েন উগুরে যুনি মঅ লোগান উৎসর্ব ইজেবে ঢালি দিয়্যে অয় তো মুই সুগী আর তমা লগে হুজী।

ফিলিপীয় 2:25

মুই ইপাফ্রদীতরে তমা ইধু পাধানা দরকার্ মনে গুরিলুং। তে মর্ বিশ্বেজি ভেই। আমি এক সমারে কাম গুরিই আর খ্রীষ্টত্যে যুদ্ধো গুরিই। সেবাগুরিয়্যে ইজেবে মর্ দর্‌কার কাদেবাত্যে তারে তুমি মঅ ইধু পাধেইয়ো।

২ থিষলনীকীয় 1:7

আর তুমি যিগুনে দুঘ্ পর্ তে আমা সমারে তমারেয়ো রেহাই দিবো। যেক্কে প্রভু যীশু তার্ খেমতাবলা স্বর্গদূত্‌তুনোরে নিইনে জ্বোল্‌জোল্যে আগুনো ভিদিরে স্বর্গত্তুন ফগদাং অবঅ সেক্কেনে ইয়েনি বেক্কানি অবঅ। যিগুনে গোজেনরে ন-জানন্ আর যিগুনে প্রভু যীশু পৌইদ্যেনে গম হবরর্ কধানি ন-মানন্ তারারে তে সেক্কে সাজা দিবো।

তীত 3:7

যেন আমি উমর জিংকানির্ আশ্বাস্ পেইনে গোজেনর্ বেক্কানির্ অধিকারী ওই। ইয়েন সম্ভব ওইয়্যেদে, কিয়া গোজেনর্ দোয়্যের্ মাধ্যমে আমারে নিদ্দুজি বিলি মানি লুয়ো ওইয়্যে।

ইব্রীয় 10:11

পত্তি ধর্মগুরু পত্তি দিন থিয়্যেইনে গোজেনর্ সেবা গরে আর বারবার্ এক্কুই উৎসর্ব গরে, মাত্তর্ এবাবোত্যে উৎসর্ব কনদিন্অ পাপ ধাবেই দি ন-পারে।

ইব্রীয় 2:3

সালে পাপত্তুন্ উদ্ধোর্ পেবাত্যে গোজেনে ইয়েন যে দাঙর্ বেবস্থা গোজ্জ্যে সিয়েন যুনি আমি য়েলাফেলা গুরিই সালে কেধোক্ক্যেন গুরিনে আমি উদ্ধোর্ পেবং? পাপত্তুন্ উদ্ধোর পেবার কধা পত্তমে প্রভু যীশুই কোইয়্যে আর যিগুনে সিয়েনি শুন্ন্যন্ তারা আমা ইধু সেই উদ্ধোরর্ সত্যগান প্রমাণ গুরি দেগেয়োন।

ইব্রীয় 5:9

এবাবোত্যে গুরি যেক্কে তে পূর্ণতাগান পেলঅ সেক্কে তার্ বাধ্যতাগান বেক্কুনোত্যে তে উমরর্ উদ্ধোরর্ পথ অলঅ।

ইব্রীয় 6:12

আমি ন-চেই তুমি আল্‌সি অ; আমি চেই, যিগুনে বিশ্বেজ্ আর অমকদ ধৈজ্জ্যলোই গোজেনর্ এগেম্ গোজ্জ্যে আশিদ্‌বাদর্ অধিকারী অন্ তুমি তারা ধোক্ক্যেন অ।

ইব্রীয় 6:17

গোজেনে যিয়েন দিবার এগেম্ গোজ্জ্যে, যিগুনে সিয়েন পেবাক্ সিগুনোরে তে এই শমক্‌কান্দোই ভারী সাব্ গুরি দেগেবাত্যে চেয়্যেদে যে, তে যিয়েন ঠিগ্ গোজ্জ্যে সিয়েন আর্ বুদুলী ন-যায়। ইয়েনত্যে তে শমক্‌কান্দোই প্রমাণ গুরিলোদে যে, তে যিয়েন ঠিগ্ গোজ্জ্যে সিয়েন অবদে অবঅ।

ইব্রীয় 8:6

মাত্তর্ ইক্কিনে আমি দেগির্, যীশু যে ধর্মগুরুর্ কামান পেয়্যে সিয়েন সেই ধর্মগুরুগুনোর্ কামত্তুন্‌অ বোউত্ উগুরে, যেধোক্ক্যেন গুরি যে সুদোমানর্ সংমধ্যে তে ওইয়্যে সেই সুদোমান আগ বেবস্থাত্তুন্অ বোউত উগুরে; কিয়া এ সুদোমান আরঅ গম্ গম্ এগেম উগুরে নির্ভর গরের্।

ইব্রীয় 9:28

ঠিগ্ সেবাবোত্যেগুরি ভালোক্কুন মান্‌জ্যর পাপর্ বুধি ভুগিবাত্যে খ্রীষ্টরেয়ো একবার উৎসর্ব গরা ওইয়্যে। তে দ্বিপল্লা এবঅ, মাত্তর্ সেক্কে পাপর্ কারনে মুরিবাত্যে ন-এবঅ, বরং যিগুনে তাত্যে আওজ্ গুরিনে বাজ্জেই আঘন তারারে পুরোপুরি গুরিনে উদ্ধোর্ গুরিবাত্যে এবঅ।

যাকোব 2:5

মর্ কোচ্‌‌পেইয়্যে ভেইয়ুন্, শুনো। এই জগদর্ চোগেদি যিগুনে নাঢা মানুচ্, বিশ্বাজে তাগোয়্যে অবাত্যে গোজেনে কি তারারে বেঈ ন-লয়? যিগুনে গোজেনরে কোচ্‌পান সিগুনোরে তে যে রেজ্যগান দিবার্ এগেম্ গোজ্জ্যে সেই রেজ্যগানর্ অধিকারী অবাত্যে এই নাঢা মানুচ্চুনোরে কি তে বেঈ ন-লয়?

১ পিতর 1:12

মাত্তর্ গোজেনে তারারে দেগেই দিয়্যেদে যে, তারা যেদক্কানি কধা কোইয়োন সিয়েনিলোই তারা নিজোরে সেবা ন-গুরিনে তমারে সেবা গোজ্জ্যন্। স্বর্গত্তুন্ পাধেইয়্যে পবিত্র আত্মার পরিচালনায় যিগুনে তমা ইধু খ্রীষ্ট পৌইদ্যেনে গম হবর্ ফগদাং গোজ্জ্যন্ তারা ভাববাদীগুনোর্ সেই কধানি তমারে জানেয়োন। এন্‌ কি, স্বর্গদূত্‌তুনেয়ো এ পৌইদ্যেনে জানিবাত্যে আওজি।

১ পিতর 1:4

অত্তাৎ ভবিচ্চদে এন্ এক্কান সম্বোত্তি পেবার আশ্বাস আমি পেইয়্যেই যিয়েন কনদিন্অ ভস্ত ন-অবঅ, যিয়েনত্ ভান্ন্যেই কিচ্চু ন-থেবঅ আর যিয়েন উমরত্যে নুয়ো থেবঅ। এ সোম্বোত্তিগান তমাত্যে স্বর্গত্ থুবেইয়্যে আঘে।

১ পিতর 3:7

ঠিগ সেবাবোত্যে গুরি তুমি যিগুনে নেক্, তুমি বুদ্ধি বিবেচনা গুরিনে মোগো সমারে বজত্তি গরঅ। তারা তমার দুর্বল সমাজ্জ্যে, আর তারায়ো তমা সমারে গোজেনর্ দোয়্যের্ দান ইজেবে জিংকানি পেবাক্। সেনত্যে তারারে সর্মান গরঅ যেন তমার তবনাগানি লবাদোস্যে ন অয়।

যিহূদা 1:14

আদম গুট্টির সাত পুরুষ হনোকে এ মানুচ্চুনো পৌইদ্যেনে আগে কোইয়্যে, “চঅ, প্রভু তার আজার আজার পবিত্র দূত্‌তুনোরে লোইনে বেক্কুনোর বিচের গুরিবাত্যে এজের্, আর ভোক্তি-নেইয়্যে মানুচ্চুনে ভোক্তি-নেইয়্যে ধোক্ক্যেন গুরিনে যেদক্কানি ভান্ন্যেই কাম গোজ্জ্যন আর সেই ভোক্তি-নেইয়্যে পাপীগুনে প্রভুর বিরুদ্ধে যেদক্কানি দরমর কধা কোইয়োন সেনত্যে তে তারারে দুষি গুরিবাত্যে এজের্।”

ফগদাং পেইয়্যে 5:6

চের্‌বো জেদা প্রাণী আর নেতাগুনো সংমধ্যে যে সিংহাসনান্ এলঅ সিয়েন উগুরে এক্কো ভেড়া-ছরে মুই থিয়্যেই থাগদে দেগিলুং। মর্ মনে অত্তে যেন সেই ভেড়া-ছবোরে মারে ফেলা ওইয়্যে। সেই ভেড়া-ছবোর্ সাত্‌টো শিং আর সাত্‌টো চোগ্ এলাক্। গোজেনর্ যে সাত্‌টান আত্মারে পিত্‌থিমীর বেক্‌ জাগানিত্ দিপাধা অয় এই চোগ্‌কুন এলাক্ সেই সাত্‌টান আত্মা।