ইব্রীয় 1:11 - Chakma Bible

¹¹ সিয়েনি ভস্ত ওই যেবঅ, মাত্তর্ তুই উমরত্যে থেবে। কাবড় ধোক্ক্যেন সিয়েনি পূরোণ ওই যেবঅ।

ইব্রীয় 1:11 ပူးပေါင်းရင်းမြစ်များ

গীতসংহিতা 10:16

লগেপ্রভু উমরর্ রাজা; তা দেজ্‌‌ছানত্তুন্ অন্য জাদ্‌তুনে ভস্ত ওই যেবাক্।

গীতসংহিতা 102:26

সিয়েনি ভস্ত ওই যেবঅ, মাত্তর্ তুই জিংকানিবর্ থেবে। কাবড় ধোক্ক্যেন সিয়েনি পূরোণ ওই যেবঅ; সিয়েনি তুই কাবড় ধোক্ক্যেন বুদুলি দিবে, আর সিয়নি ফেলেই দিয়্যে পুরিবো।

গীতসংহিতা 29:10

দাঙর্ বান পানিগান লগেপ্রভুর অধীনোত্ এলঅ; তে উমরর্ রাজা, তে সিংহাসনত্ আঘে।

গীতসংহিতা 90:2

যেক্কেনে মুড়ো-মুড়ির সিরিষ্টি ন-অয়, দুনিয়ে আর পিত্‌থিমীর সিরিষ্টি ন-অয়, সিয়েনির আগেত্তুন্ ধুরি উমর সং তুয়ই গোজেন।

যিশাইয় 34:4

আগাজর্ বেলান-চানান্-তারাগুন্ ভস্ত ওই যেবাক্ আর আগাজ্‌ছান বুদি থোইয়্যে কাবোজ্ ধোক্ক্যেন বুদি যেবঅ। যেবাবোত্যেগুরি আংগুর লুদি আর ডোমোর্ গাজত্তুন্ শুগুনো পাদানি পড়ি যায় সেধোক্ক্যেন্ গুরি বেক্ তারাগুন্ পড়িবাক্।

যিশাইয় 41:4

কন্না এ কামান্ গোজ্যে? কারে দিইনে এ কামান ওইয়্যে? বংশর্ পর বংশ ইদু কি ঘুদিবো সিয়েন কন্না পত্তম হইতে ঠিগ্ গুরি রাগেয়্যে? মুই লগেপ্রভু পৌইল্যেত্তুন্ ধুরি আগং আর শেজ্ সময়োর্ মানুচ্চুনোর সমারেয়ো থেম্।”

যিশাইয় 44:6

লগেপ্রভু, যিবে ইস্রায়েলর রাজা আর উদ্ধোরগুরিয়্যে, যিবে বেগত্তুন্ খেমতাবলা লগেপ্রভু, তে এ কধাগান কোইয়্যেদে, “মুয়ই পত্তম আর মুয়ই শেজ্; মুই বাদে আর কনঅ গোজেন নেই।

যিশাইয় 50:9

প্রভু লগেপ্রভু মরে সাহায্য গোজ্যে, সেনত্তে কন্না মরে দুষি গুরিবো? তারা বেক্কুনে কাবড় ধোক্ক্যেন পূরোণ ওই যেবাক্; পুগে তারারে হেই ফেলেব।

যিশাইয় 51:6

তুমি আগাজ ইন্দি রিনি চঅ আর তলেদি পিত্‌থিমীগান ইন্দি রিনি চঅ। আগাজ্‌‌‌চান ধূমো ধোক্ক্যেন অদাদত্ লুগিবো, পিত্‌‌‌‌থিমীগান কাবড় ধোক্ক্যেন পুরোণ ওই যেবঅ আর তা আদাম্মেগুনেয়ো মুরি যেবাক্। মাত্তর্ মর্ দিয়্যে উদ্ধোরান উমরত্তে থিদেবর্ অবঅ আর মর্ সততাগান উমরত্তে থেবঅ।‌

যিশাইয় 51:8

কিত্তে কাবড় ধোক্ক্যেন গুরি আর পশম ধোক্ক্যেন গুরি পুগে তারারে হেই ফেলেব। মাত্তর্ মর্ সততাগান উমরত্তে থেবঅ; মর্ দিয়্যে উদ্ধোরান্ বংশর পর বংশ ধুরি থিদেবর্ অবঅ।”

যিশাইয় 65:17

“চঅ, মুই নূয়ো আগাজ্ আর এক্কান নূয়ো পিত্‌‍‍‍থিমী বানেম। আগ বেপারানি ইদোত্ ন-থেবঅ, সিয়েনি মনত্‌অ ন-পুরিবো।

মথি লেখ্যে গম্ হবর্ 24:35

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।

মার্ক 13:31

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।

লূকে লেখ্যে গম্ হবর্ 21:33

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।

ইব্রীয় 12:27

“আর একবার,” এ রঅ দ্বিবেত্তুন্ বুঝো যাত্তে, যে জিনিচ্চানি লাড়া যায়, অত্তাৎ যিয়েন সৃট্টি গরা ওইয়্যে সিয়েন বাদ্ দিয়্যে অবঅ, যেন যে জিনিচ্চানি লাড়া ন-যায় সিয়েনি থির্ থায়।

ইব্রীয় 8:13

গোজেনে এই বেবস্থাগানরে নূয়ো ফগদাং গুরিনে আগ বেবস্থাগানরে পূরোণ বিলিনে অচল্ গুরি দিলো। যিয়েন পূরোণ আর ভালোক্ দিনোর বিলিনে বর্‌‌বাত্ ওই যার্ সিয়েন যাদিমাদি লুগি যেবঅ।

ফগদাং পেইয়্যে 1:11

তে মরে কলঅ, “যিয়েন দেগিবে সিয়েন এক্কো বোইয়োত্ লেখ্, আর সিয়েন ইফিষ, স্মুর্ণা, পর্গাম, থুয়াতীরা, সার্দ্দি, ফিলাদিল্‌ফিয়া আর লায়দিকেয়া-এ সাত্‌টো শঅরর্ সাত্‌টো মন্ডলী ইধু পাধেই দে।”

ফগদাং পেইয়্যে 2:8

স্মুর্ণা শঅরর্ মন্ডলীর দূত্‌তো ইধু এ কধাগান লেগ- যিবে পত্তম আর থুম্, যিবে মোজ্জ্যে আর জেদা ওইয়্যে, তে এ কধাগান কত্তে:

ফগদাং পেইয়্যে 20:11

সিয়েন পরেদি মুই এক্কান দাঙর্ ধুব্ সিংহাসন আর সিয়েন উগুরে একজনরে বৈ থাগদে দেগিলুং। তা মুজুঙোত্তুন্ পিত্‌থিমীগান আর আগাজ্‌চান ধেই গেলঅ, তারার্ জাগায়ান আর কনমিক্ক্যে ন-থেলঅ।

ফগদাং পেইয়্যে 21:1

সে পরেদি মুই এক্কান নুয়ো স্বর্গ আর এক্কান নুয়ো পিত্‌থিমী দেগিলুং। পত্তম স্বর্গগান আর পত্তম পিত্‌থিমীগান থুম্ ওই যেয়্যে আর সাগরান্‌অ আর দেগা ন-গেলঅ।