হগয় 2:5 - Chakma Bible

⁵ তুমি যেক্কে মিসর দেজত্তুন্ নিগিলি এচ্চো সেক্কে তমা ইধু মুই এ এগেমান্ গোজ্যং, আর মঅ আত্মাগান ইক্কিনেয়ো তমা ইধু আঘে। তুমি ন-দোরেয়ো।

হগয় 2:5 ပူးပေါင်းရင်းမြစ်များ

২ বংশধর 20:17

এ যুদ্ধোগান্‌ তমাত্তুন্‌ গরা ন-পুরিবো। ও যিহূদা আর যিরূশালেম মানুচ্চুন্‌, তুমি সুর্‌ গুরিনে থিয়্যেইয়ো আর লগেপ্রভু তমারে কেধোক্ক্যেন গুরিনে উদ্ধোর্‌ গরে সিয়েন্‌ চেইয়ো। তুমি ন-দোরেয়ো, চিদে ন-গোজ্য। তুমি কেল্যে যেইনে তারাল্লোই মুয়োমি অবা আর লগেপ্রভু তমা লগে থেবঅ।’ ”

নহিমিয় 9:20

তুই তারারে শিক্ষ্যে দিবাত্তে তর্‌ মংগলময় আত্মাবোরে দান গোজ্যস্‌। তারার্‌ হানা-দানাত্তে তুই যে মান্না দুয়োচ্‌ সিয়েনি বন্ধ গুরি ন-দুয়োচ্‌; তুই তারারে পানিতিরেজ্ কাদেবাত্তে পানি দুয়োচ্‌।

নহিমিয় 9:30

মাত্তর্‌ তো ভালোক্‌ বজর্‌ ধুরিনে তুই তারার্‌ উগুরে ধৈয্য ধোজ্যস্‌। তর্‌ ভাববাদীগুনোর্‌ মাধ্যমে তঅ আত্মালোই তু্‌ই তারারে উজিয়ার্‌ গোজ্যস্‌, মাত্তর্‌ সেক্কেয়ো তারা কান ন-পাদন্‌। সেনত্তেই নানান্‌ জাদর্‌ আঢত্‌ তুই তারারে তুলি দুয়োচ্‌।

যাত্রা 19:4

তারা নিজেই‌ দেখ্যন্‌, মিসরীয়গুনোর্‌ দশা মুই কি গোজ্যং। ঈগল পেগোর্‌ ডুয়োগানিলোই বুয়োই নেযাইদে ধোক্ক্যেন গুরি মুই ইস্রায়েলীয়গুনোরে নিজোর কায়-কুরে আন্যং।

যাত্রা 19:6

মর্‌ এই মানুচ্চুন্দোই বানা পুড়িবোদে মর্‌ ধর্মগুরুগুনোর্‌ রেজ্য আর এ জাদ্‌‌তোই অবঅ মর্‌ নাঙে ফারক্‌ গোজ্যে জাদ্। এই কধানি তুই ইস্রায়েলীয়গুনোরে জানেই দিচ্‌।”

যাত্রা 24:3

মোশি যেক্কে ফিরি যেইনে মানুচ্চুনো ইদু লগেপ্রভুর্‌ বেক্‌ কধানি কলগোই আর তাঁর্‌ বেক্‌ সুদোমানি ফগদাং গুরিলো সেক্কে মানুচ্চুনে এক সমারে কলাক্‌, “লগেপ্রভু যিয়েনি যিয়েনি কোইয়্যে আমি সিয়েনি বেক্কানি গুরিবোং।”

যাত্রা 24:8

এই কধানি শুনিনে মোশি লো নেযেইনে মানুচ্চুনো উগুরে ছিদি দিইনে কলঅ, “ইয়েন সেই সুদোমর্‌ লো, যে সুদোমানি লগেপ্রভু তমাত্তে এই কধা মজিম ঠিগ্ গোজ্যে।”

যাত্রা 34:10

ইয়েনর্ জোবত্‌ লগেপ্রভু কলঅ‌, মুই এক্কান্‌ সুদোম থিদেবর্ গোজ্যং। তর্‌ বেক্‌ মানুচ্চুনো মুজুঙোত্ মুই এমন্‌ আমক্‌ অবার্‌ কাম্‌ গুরিম্‌ যিয়েনি এর্‌ আগেন্দি পিত্‌থিমীত্‌ কনঅ‌ জাদর্‌ মুজুঙোত্‌ গরা ন-অয়। যে মানুচ্চুনো ভিদিরে তুই বজত্তি গরর্‌ তারা দেগিবাক্, মুই লগেপ্রভু তমাত্তে যে কামানি গুরিবাত্তে যাঙর্‌ সিয়েনি মানুচ্চুনোর মনত্‌ কদক্‌ দর্‌ আর ভোক্তি জাগেই দে।

যাত্রা 34:8

এ কধাগান শুনিনে মোশি সেক্কে মাদিত্‌ মাদা নিগিরিনে তারে ভোক্তি জানেইনে কলঅ‌, “ও প্রভু, মঅ উগুরে যুনি তর্‌ দোয়্যে থায়্‌ সালে তুই আমা লগে আদিচ্। যুনিয়ো এ মানুচ্চুনে একবুচ্চ্যে তো তুই আমার্‌ ভান্ন্যেইয়ানি আর পাপ্পানি ক্ষেমা গুরিনে তর্‌ নিজোর্‌ বিলি আমারে মানি লঅ‌।”

যিশাইয় 41:10

সেনত্তে তুই ন-দোরেচ্, মুই দঅ তঅ সমারে সমারে আগং; থির্ নেইয়্যে ন-ওইয়ো, কিত্তে মুই তর্ গোজেন। মুই তরে খেমতা দিম্ আর ঘেচ্চেকগুরি সাহায্য গুরিম আর মর্ ন্যায়র ডেন্ আঢ্‌তানিলোই তরে হামাক্কায় ধুরি রাগেম।‌‌

যিশাইয় 41:13

কিত্তে মুই লগেপ্রভু, তর্ গোজেন; মুই তর্ ডেন আঢ্‌‌‌‌তান ধুরি আগং আর তরে কঙত্তে, ন-দোরেচ্; মুই তরে সাহায্য গুরিম।

সখরিয় 4:6

সেক্কে তে মরে কলঅ, “লগেপ্রভু সরুব্বাবিলরে এ হবরান দের্, ‘বল্ বা খেমতালোই নয়, মাত্তর্ মুই খেমতার অধিকারী লগেপ্রভু কঙর্, মর্ আত্মাগান্দোই তুই সফল অবে।

সখরিয় 8:13

ও যিহূদা আর ইস্রায়েল, বেক্ জাদর্ মানুচ্চুনে আগে তমা নাঙানি অভিশাব্ ইজেবে বেবহার গুরিদাক্, মাত্তর্ ইক্কিনে মুই তমারে উদ্ধোর্ গুরিম আর তারা তমা নাঙানি আশিদ্‌‌বাদ ইজেবে বেবহার গুরিবাক্। তুমি ন-দোরেয়ো, বরং দরমর অ।

সখরিয় 8:15

মাত্তর্ ইক্কিনে মুই আরঅ যিরূশালেম আর যিহূদার ভালেদি গুরিম বিলি ঠিগ্ গোজ্যং। তুমি ন-দোরেয়ো।

মথি লেখ্যে গম্ হবর্ 28:5

স্বর্গদূত্তো মিলেগুন্দোই কধা কলঅ, তে কলঅ, “তুমি ন-দোরেয়ো, কিয়া মুই হবর্ পাং, যিবেরে ক্রুশোত্ দিয়্যে ওইয়্যে তুমি সেই যীশুরে তগর্।

প্রেরিত্‌ 27:24

‘পৌল, ন-দোরেচ্। তত্তুন্ সম্রাট কৈসর মুজুঙোত্ থিয়্যে পরিবো। এ জাহাজ্‌‌চানত্ যিগুনে তঅ সমারে যাদন্ তারার্ বেক্কুনো জিংকানি গোজেনে দোয়্যে গুরিনে দান গোজ্জ্যে।’

যিহোশূয় 1:9

মুই তরে উগুম দুয়োঙর, সেনত্তেই তুই বোলী অ আর মনত্‌ সাহস আন্‌। ন-দোরেচ্‌ বা ঝিমেয়্যে ন-ওস্, কিত্যে তুই যিয়োদোই যেদে সাৎ তর্‌ গোজেন লগেপ্রভু তঅ‌ লগে থেবঅ‌।”

যিহোশূয় 8:1

সে পরেন্দি লগেপ্রভু যিহোশূয়রে কলঅ‌, “তুই ন-দোরেচ্‌ আর আজা ন-আরেচ্‌। তর্‌ বেক্‌ সৈন্যদলুন্‌ নিইনে তুই অয় শঅ‌রান আরঅ‌ আক্রমণ গুরিবাত্তে যাহ্‌। অয় শঅরর্‌ রাজা, তা মানুচ্চুন্‌, তা শঅ‌রান্‌ আর দেজচান মুই তঅ‌ আদত্‌ তুলি দুয়োং।

ফগদাং পেইয়্যে 1:17

তারে দেগিনে মুই মরা ধোক্ক্যেন তা টেঙ কুরে পড়িলুং। সেক্কে তে তার্ ডেন্ আঢ্‌তান মঅ উগুরে থোইনে কলঅ, ন-দোরেচ্। মুয়ই পত্তম আর থুম্,

১ শমূয়েল 12:20

জোবত্‌ শমূয়েলে কলদে, “তুমি ন-দোরেয়ো। তুমি যুনিয়ো এই বেক্‌ অন্যেয়ানি গোজ্য তো লগেপ্রভুর ইত্তুন্‌ সুরি ন-যেইনে বেক্‌ মনান্‌ দিইনে তারে সেবা গরঅ।