হগয় 2:19 - Chakma Bible

¹⁹ ইক্কিনে হামাক্কায় তমা গোলাঘরত্ কনঅ বীজ নেই আর এদক দিন আংগুর, ডোমোর্, ডালোম আর জলপাই গাজত্ ফল কম ধোজ্যন্, মাত্তর্ এচ্চ্যেত্তুন্ ধুরি মুই তমারে বর্ দিম।’ ”

হগয় 2:19 ပူးပေါင်းရင်းမြစ်များ

পত্থম 26:12

ইস্‌হাকে সে বজরত্ সেই দেজত্‌ চাষ্‌ গুরিনে একশঅ গুণ ফল্‌ পেলঅ। লগেপ্রভু তারে বর্ দিলো,

ইয়োব 39:12

তে যে তর্ ফসলানি ঘরত্ আনিনে খামারত্ থুবেব সেই বিশ্বেজ্‌চান কি তুই তা উগুরে গুরি পারিবে?

গীতসংহিতা 133:3

মনে অয় সিয়েন হর্মোণ মুড়োবোত্ পোজ্যে শিরপানি যিয়েন ঝুরি পোজ্যে সিয়োন মুড়োবোত্; কিত্তে লগেপ্রভু সিয়েনত্ বর্ দিয়্যে, আর সেই বরান্ অলঅ উমরর্ জিংকানি।

গীতসংহিতা 84:12

ও বেগত্তুন্ খেমতাবলা লগেপ্রভু, যে তমা উগুরে বিশ্বেজ্ গরে তে বর্‌পেইয়্যে।

যিরমিয় 31:12

তারা এইনে সিয়োনর অজল্ জাগানত্ হুজির্ রঅ গুরিবাক্; মর্ দিয়্যে বোউত্ শোজ্য, নুয়ো আংগুর-রস, তেল, ভেড়া আর গোরু পালর্ ছঅ পেইনে তারা ফুত্তি গুরিবাক্। তারা গমেডালে পানি দিয়্যে বাগান ধোক্ক্যেন অবাক্; তারা আর্ বল্‌পোজ্যে ন-অবাক্। ‍

যিরমিয় 31:14

বেক্কানি বেশ্ গুরি দিইনে মুই ধর্মগুরুগুনোরে পুরেই দিম, আর মঅ মানুচ্চুনে মর্ আশীদ্‌বাদে হুজি অবাক্। মুই লগেপ্রভু এ কধাগান কঙর্।”

যোয়েল 1:12

আংগুর লুদি শুগেই যেইয়্যে আর ডোমোর্ গাজ মুরি যার্; ডালোম্, খাজোর্ আর আপেল গাজ, এন্ কি, খেদর্ বেক্ গাজ্‌‌চুন শুগেই যেইয়োন। ঘেচ্চেকগুরি মানুচ্চুনো ভিদিরেত্তুন হুজি রাজি ফুরেই যেইয়্যে।

যোয়েল 2:14

কন্না হবর্ পায়, অয়ত তে আরঅ মনান্ বুদুলিবো আর বর্ দি যেবঅ, যেনে তুমি তমার্ গোজেন লগেপ্রভুর নাঙে শোজ্য আর পানীয়-উৎসর্বর্ অনুষ্ঠান গুরি পার।

হগয় 1:11

খেত-খামার, মুড়ো-মুড়ি, শোজ্য, নূয়ো আংগুর-রস, তেল আর মাদিত্ যিয়েনি জর্মায় সিয়েনি উগুরে মানুচ্, য়েমান আর তমা আঢর্ বেক কামানি উগুরে ঝড় ন-পড়িবাত্তে মুই উগুম দুয়োং।”

মালাখি 3:10

তুমি তমার্ বেক দশমাংশগুন্ ভান্ডাল-ঘরত্ আনিবা যেনে মঅ ঘরত্ হানা থায়। এ পৌইদ্যেনে তুমি মরে পোরোক্ষ্যে গুরি চঅ, মুই বেগত্তুন্ খেমতাবলা লগেপ্রভু আগাজর্ বেক দোরানি খুলিনে তমার্ দরকারত্তুন্অ বেশ্ আশিদ্‌বাদ ঢালি দৈং কি ন-দৈং।‌‌‌

মথি লেখ্যে গম্ হবর্ 6:33

মাত্তর্ তুমি পত্তমে গোজেন রেজ্য পৌইদ্যেনে আর তা আওজ্ মজিম চলিবাত্তে মনান্ দুয়ো। সালে সেই বেক্ জিনিস্‌চানিয়ো তুমি পেবা। কেল্যেত্যে চিদে ন-গোজ্য;

দ্বি’লম্বর বিররণ 15:10

মনত্‌ আওজ্‌নেইয়্যে ভাব ন রাগেইনে সুদো আঢ্‌তোই তারে দিবা; সালে তমা গোজেন লগেপ্রভু তমার বেক্‌ কামানিত্‌ আশিদ্‌বাদ গুরিবো আর তুমি যিয়েনত্‌ আঢ্ দুয়ো সিয়োদোই আশিদবাদ পেবা।

দ্বি’লম্বর বিররণ 28:22

ক্ষয় যাইদে পিড়ে, তিন বাবোত্যে জদবদে জ্বর, যুদ্ধো, গরম শুগুনো বোইয়্যের্‌ আর হরান্যেগান্-এই বেক্কানি লগেপ্রভু তমা উগুরে আনিবো আর তমারে দুখ্‌ দিবো যেদক্কন সং তুমি ভস্ত ওই ন-যঅ।