হগয় 2:16 - Chakma Bible

¹⁶ কনজনে যেক্কে কুড়িমন শোজ্য কুড় কায়কুরে এদঅ সেক্কে সিয়েনত্ পেদঅ বানা দশ মণ। যেক্কে কনজনে পঞ্চাশ লিটার আংগুর-রস নিবাত্তে আংগুর-রস থোইয়্যে কুম্মো ইধু যেদঅ সেক্কে সিয়েনত্ থেদঅ বানা কুড়ি লিটার।

হগয় 2:16 ပူးပေါင်းရင်းမြစ်များ

যিশাইয় 5:10

ত্রিশ বিঘা আংগুর খেদত্তুন্ বানা বেইশ্ লিটার আংগুর-রস পাহ্ যেবঅ, আর এজশঅ আশি কেজি বিজ্ ফেলেইনে বানা আদার কেজি শোজ্য জর্মেব।”

যিরমিয় 48:33

মোয়াবর ফলর্ বাগান, অত্তাৎ মোয়াব দেজত্তুন্ ফুত্তি আর হুজির্ ভাব যেইয়্যেগোই। মুই আংগুর মাড়েদে জাগানত্তুন্ আংগুর-রসর গঙারান্ নাঢি দুয়োং; হুজিয়ে রাজিয়ে আর সিগুন কনজনে ন-মাড়ন। যুনিয়ো কিজিক্ কাজাক্ আঘে মাত্তর্ সিগুন হুজির্ রঅ নয়।

হগয় 1:6

তুমি বোউত্ লাগেয়ো, মাত্তর্ কম্ কাপ্প্য। তুমি হেই থাগঅ, মাত্তর্ কনদিন্‌অ ঈল্ ন-অয়। তুমি আংগুর-রস হেই থাগঅ, মাত্তর্ যদেষ্ট ন-পঅ। তুমি কাবর-চুগোর্ কিয়্যেনত্ দুয়ো, মাত্তর্ সিয়েনিলোই কিয়্যে উমুম্ ন-অয়। তুমি বেতন পেইনে কানা থৈল্যেত্ রাগঅ।

হগয় 2:15

ইক্কিনেত্তুন্ ধুরি তুমি এ পৌইদ্যেনে গমেডালে চিন্তে গরঅ, মঅ ঘরত্ যেক্কে এক্কো পাত্তর উগুরে আর এক্কো পাত্তর্ ন-এলঅ সেক্কে কি অবস্থা এলঅ।

হগয় 2:17

মুই খেত-খেত্তি শুগেই যেইয়্যে রুগ্ আর ছুমো রুগ্ আর শিলো ঝড়ে তমা আঢর্ বেক কামানিরে আঘাত্ গোজ্যং, মাত্তর্ তো তুমি মইন্দি ন-ফিরো।