হগয় 1:14 - Chakma Bible

¹⁴ ইয়েনর্ পরেদি লগেপ্রভু যিহূদার শাজন্‌গুরিয়্যে সরুব্বাবিলর, দাঙর্ ধর্মগুরু যিহোশূয়র আর বাদবাগি বেক্ মানুচ্চুনোর মনানি জাগেই তুলিলো। সেক্কে তারা বেক্কুনে এইনে তারার্ বেগত্তুন্ খেমতাবলা লগেপ্রভুর ঘরর কাম গরানা আরাম্ভ গুরি দিলাক্।

হগয় 1:14 ပူးပေါင်းရင်းမြစ်များ

১ বংশধর 5:26

সেক্কে ইস্রায়েল গোজেন আসিরিয়ার রাজা পূলর, অত্তাৎ তিগ্লৎ-পিলেষর মনত্ রাগ উদিলো। তে রূবেণীয়, গাদীয় আর মনঃশি-গুট্টির অদ্দেক্‌ মান্‌জ্যরে বন্দী গুরিনে হেলহ, হাবোর আর হারা চাগালাত্‌ আর গোষণ গাঙর্‌ পারত্‌ নেযেল; এজঅ সং তারা সিদু আগন্‌।

২ বংশধর 36:22

যিরমিয়োর মাধ্যমে কোইয়্যে লগেপ্রভুর কধাগান্‌ পূরণ অবাত্তে পারস্যের রাজা কোরসর রাজাগিরির্‌ পত্তম্‌ বজরত্‌ লগেপ্রভু কোরসর মনানত্‌ এন্‌ আওজ্ দিলো যিয়েনত্তে তে তার্‌ পুরো রেজ্যত্‌ মুয়োন্দি আর লেখ্যেগুরিনে এ ফগদাঙান্‌ গুরিলো:

ইষ্রা 1:1

যিরমিয়রে দিইনে কোইয়্যে লগেপ্রভুর কধানি পূরোণ অবাত্যে পারস্যের রাজা কোরসর রাজাগিরির পত্তম্ বজরত্ লগেপ্রভু কোরসর মনত্ এমন আওজ্ দিলো যিয়েনত্যে তে তার্ বেক রেজ্যত্ মুুয়োদি আর লিগিনে এই ফগদাঙান্ গুরিলো:

ইষ্রা 1:5

ইয়েন্দোই যিহূদা আর বিন্যামীনর বংশ-নেতাগুনোর, ধর্মগুরুগুনোর আর লেবীয়গুনো ভিদিরে যিগুনো মনত্ গোজেনে দেগা দিলো তারা পত্তিজনে যিরূশালেমত্ লগেপ্রভুর ঘর বানেবাত্যে যেবাত্যে যুুক্কোল্ অলাক্ ।

ইষ্রা 5:2

সেক্কে শল্টীয়েলর পুয়ো সরুব্বাবিল আর যোষাদকর পুয়ো যেশূয় যিরূশালেমত্ গোজেনর্ ঘরান আরঅ বানেবাত্যে আঢ্ দিলাক। গোজেনর্ ভাববাদীগুনেয়ো তারারে সাহায্য গরা ধুরিলাক।

ইষ্রা 5:8

মহারাজে যেনে হবর্ পায় যে, আমি যিহূদা রেজ্যত্ দাঙর্ গোজেনর্ ঘরত্ যেইয়্যেই। মানুচ্চুনে দাঙর্ দাঙর্ পাত্তরলোই ঘরান্ বানেয়োন আর দেবাল উগুরে বীম বজাদন্। অমকদ যত্তন্ গুরিনে কামান্ গরা অর্ আর সিয়েন ফলেদে ধোক্ক্যেন উজেই যার্।

নহিমিয় 4:6

দেবালান্‌ যেদক্‌ অজল্‌ অবঅ সিয়েনর্‌ অদ্দেকান্‌ সং এধোক্কেন্‌ গুরিনে আমি তুলিলোং, কিত্যে মানুচ্চুনে তারার্‌ বেক্‌ মনান্‌-পরাণান দিইনে কাম্‌ গোজ্যন্‌।

গীতসংহিতা 110:3

যুদ্ধোত্ তঅ মানুচ্চুনে নিজে যুদ্ধো গুরিবাত্তে এবাক্; পবিত্রগুরি সাজিসাজাই বেন্যেপোত্যে যেবাবোত্যে শিরোপানি, সেদোক্ক্যেন্ তইদু তঅ গাবুজ্যেগুনে।

হগয় 1:1

রাজা দারিয়াবসর রাজাগিরির দ্বিবজরত্ শল্টীয়েলর পুয়ো সরুব্বাবিলে এলদে যিহূদার শাজন্‌ গুরিয়্যে আর যিহোষাদকর পুয়ো যিহোশূয় এলদে দাঙর্ ধর্মগুরু। সেই বজরর্ ছয় মাসর পত্তম দিনোত্ লগেপ্রভু ভাববাদী হগয়রে দিইনে তারারে কলঅ,

হগয় 1:12

সেক্কে শল্টীয়েলর পুয়ো সরুব্বাবিল, যিহোষাদকর পুয়ো ধর্মগুরু যিহোশূয় আর অন্য বেক্ মানুচ্চুনে তারার্ গোজেন লগেপ্রভুর কধা মজিম আর তার পাদেয়্যে ভাববাদী হগয়র কধা মজিম কাম গুরিলাক্, কিত্যে তারা লগেপ্রভুরে দোরেলাক্।

হগয় 1:15

সেই কামানি রাজা দারিয়াবসর রাজাগিরির দ্বিবজরর্ ছয় মাসর চব্বিশ দিনোত্ আরম্ভ ওইয়্যে।

হগয় 2:2

তুই শল্টীয়েলর পুয়ো যিহূদার শাজন্‌গুরিয়্যে সরুব্বাবিলরে, যিহোষাদকর পুয়ো দাঙর্ ধর্মগুরু যিহোশূয়রে আর বাদবাগি বেক মানুচ্চুনোরে পুযোর্ গর্,

হগয় 2:21

“তুই যিহূদার শাজন্‌গুরিয়্যে সরুব্বাবিলরে কঅ, ‘মুই আগাজ্ আর পিত্‌থিমীগানরে ঝাগেরেম‌্।

১ করিন্হীয় 15:58

সেনত্যে, মর্ পরাণর্ ভেইলগ্, দর-মর গুরি থিয়ো; কনঅ কিজুয়ে যেন তমারে লাড়েই ন-পারে। নিত্য প্রভুর্ কামত্যে নিজোরে পুরোপুরি গুরি দি দুয়ো, কিয়া তুমি কোই পারঅ, তা কামত্ তমার্ কামানি নিষ্ফল নয়।

২ করিন্হীয় 8:16

তমাত্যে মঅ মনানত্ যে আওজ্‌‌‌চান্ আঘে, ঠিগ্ সেই আওজ্‌‌‌চান্ গোজেনে তীতর্ মনত্অ দিয়্যে বিলিনে মুই তারে ভালেদি জানাং।

ইব্রীয় 13:21

যিয়েনি গম সিয়েনিলোই তে তার্ আওজ্ মজিম চলিবাত্যে তমারে পুরোপুরি যুক্কোল্ গোরোক্। তার্ চোগেদি যিয়েন গম্ যীশু খ্রীষ্টর্ মাধ্যমে আমা রিবেঙত্ তে সিয়েনই গোরোক্। উমরত্যে গোজেনর্ বাঈনী গরা ওক্‌। আমেন।