হবক্‌‌‌‌কূক 3:7 - Chakma Bible

⁷ মুই কূশন মানুচ্চুনোরে দুদ্দশাত্ দেগিলুং, আর দেগিলুং মিদিয়ন আদাম্মেগুনে গির্‌গিরাদন্।

হবক্‌‌‌‌কূক 3:7 ပူးပေါင်းရင်းမြစ်များ

যাত্রা 2:15

ফরৌণে এ ঘটনাগান্‌ হবর্ পেইনে মোশিরে মারে ফেলেবাত্তে চেট্টা গরা ধরল। মাত্তর্‌ মোশি ফরৌণ কায়-কুরেত্তুন্‌ ধেই যেইনে মিদিয়ন দেজত্‌ বজত্তি গুরিবাত্তে গেলঅ। সিধু যেইনে তে এক্কো কূয়ো পারত্‌ বোই রলঅ।

যিরমিয় 49:29

মানুচ্চুনে তারার বেক্ তাম্বুলানি আর য়েমান পালুন নেযেবাক্ আর তারার বেক্ পযাপিরানি, তাম্বুলো পর্দানি আর উট্‌তুন নেযেবাক্। তারা রঅ ছাড়িনে তারারে কবাক্, ‘চেরোকিত্তে অমকদ দর্!’ ”

যিহোশূয় 2:10

মিসর দেজত্তুন তমারে নিগিলেই আনিবার পরেন্দি লগেপ্রভু কেধোক্ক্যেন গুরি লোহিত সাগরর্‌ পানিগান তমা মুজুঙোত্তুন শুগেই ফেলেয়্যে সিয়েন আমি শুন্ন্যেই। সীহোন আর ওগ নাঙে যর্দনর পূগ পারন্দি দ্বিবে ইমোরীয় রাজারে শেজ্‌ গুরি দিইনে তুমি তারারে কি দজা গোজ্য সিয়েন-অ আমি শুন্ন্যেই।

যিহোশূয় 9:24

জোবত্‌ তারা যিহোশূয়রে কলাক্‌, “এই গোদা দেজ্‌ছানই তমারে দিবাত্তে আর তমা মুজুঙোত্তুন্‌ এ দেজছানর্‌ বেক্কুনোরে পুজি ফেলেবাত্তে যে উগুমান তঅ‌ গোজেন লগেপ্রভু তা চাগর্‌ মোশিরে দিয়্যে সিয়েন গমেডালেই তর্‌ এই চাগরুনোরে কুয়ো ওইয়্যে। সেনত্তে তমা পৌইদ্যেনে বেক্‌ কধানি শুনিনে পরাণর দরে আমি এ কামানি গোজ্যই।

বিচের গুরিয়্যেগুন 8:12

সেবহ আর সল্‌মুন্ন নাঙে মিদিয়নীয়গুনোর সেই দ্বিবে রাজা ধেই গেলাক্‌। মাত্তর্‌ গিদিয়োনে লোড়েইনে তারারে ধুরি ফেলেল, সেক্কে তারার পুরো সৈন্যদলুনে গিদিয়োনরে অমহদ দোরেলাক্‌।