হবক্‌‌‌‌কূক 3:3 - Chakma Bible

³ গোজেনে তৈমনত্তুন্ এজের্, সেই সুদ্ধো-সাংগ মানুচ্চো পারণ মুড়োবোত্তুন্ এজের্। তার্ মহিমাগান আগাজত্ সং লুমেগোই; পিত্‌থিমীগানে তার্ নাঙ্‌‌গিনেনালোই ভরা।

হবক্‌‌‌‌কূক 3:3 ပူးပေါင်းရင်းမြစ်များ

পত্থম 21:21

পারণ নাঙে এক্কান ধূল্যেচর-চাগালাত্‌ তে বজত্তি গরা ধুরিলো। মিসর দেজ এক্কো মিলে লগে তা মাবো তারে মেলা গুরি দিলো।

পত্থম 36:11

ইলীফস পুয়োগুন অলাক তৈমন, ওমার, সফো, গয়িতম আর কনস।

১ রাজাবলী 11:18

তারা মিদিয়নত্তুন্‌ আঢা মারিনে পারণত্‌ যেইয়োন আর পরেন্দি সিয়োত্তুন্‌ কিজু মানুচ্‌ নেযেইনে তারা মিসরর্‌ রাজা ফরৌণর ইদু যেইয়োন্‌। ফরৌণ হদদরে ঘর, জাগা-জোমি আর হানা-দানা দিলো।

গীতসংহিতা 113:4

বেক্ জাদ্‌তুনে লগেপ্রভুর অধীনোত্; আগাজঅ উগুরেয়ো তার মহিমাগান্।

গীতসংহিতা 148:13

ইগুনে বেক্কুনে লগেপ্রভুরে নাঙ্ গিনোদোক্, কিত্তে বানা তেয়ই দাঙর্; পিত্‌থিমী আর আগাজ্‌চান উগুরেয়ো তারে বাঈনী গরন্।

গীতসংহিতা 3:2

ভালোকজনে মঅ পৌইদ্যেনে কদন্, “গোজেনে তারে উদ্ধোর্ ন-গুরিবো।”

গীতসংহিতা 3:4

মুই রঅ ছাড়িনে লগেপ্রভুরে ডাগং, আর তে মরে তার্ সুদ্ধো-সাংগ মুড়োবোত্তুন্ জোব্ দে।

গীতসংহিতা 4:4

তুমি রাগ্ গুরিনে পাপ ন-গোজ্জ্য। বিচ্ছোনত্ পুরিনে তমা মনানিরে চঅ আর জুরো গুরি থেয়ো।

গীতসংহিতা 48:10

ও গোজেন, তঅ পৌইদ্যেনে যেধোক্ক্যেন বেক্ মানুচ্চুনে হবর্ পান সেধোক্ক্যেন তর্ নাঙ্ গিনেনা পিত্‌থিমীর শেজ্ দুযি সং আঘে; তর্ ডেন্ আঢ্‌তান ন্যায়র কাম গুরিবার বল্লোই পরিপূরোণ।

গীতসংহিতা 68:17

গোজেনর্ রথ আজার আজার, লাখ্ লাখ্; প্রভু সিয়েনির ভিদিরে পবিত্র জাগানত্ আঘে, যেধোক্ক্যেন তে সিনাই মুড়োবোত্ এলঅ।

গীতসংহিতা 9:16

দোল্ বিচেরর্ মাধ্যমে লগেপ্রভু নিজোরে জানিবাত্তে দে; তে পাজিগুনোরে তা কামর্ ফালত্ ফেলায়।

গীতসংহিতা 9:20

ও লগেপ্রভু, তারার্ মনত্ দর্‌বুগ্ লাগেই দে, অন্য জাদ্‌‌তুনে হবর্ পাদোক্, তারা বানা মানুচ্।

যাত্রা 20:18

ইস্রায়েলীয়গুনে যেক্কে ঝিমিলাদে আর মুড়োত্তুন্‌ ধুমো উদোদে দেগিলাক্‌ আর মেঘ গুজুরোনি আর শিঙের রঅ‌ শুনিলাক্‌ সেক্কে তারা দূরোত্‌ ঠিয়্যেইনে গির্‌গিরা ধুরিলাক্।

যিশাইয় 31:1

অভিশাব্ পোড়োক্ যিগুনে সাহায্যত্তে মিসরত্ যান! তারা দঅ ঘোড়া উগুরে নির্ভর গরন্ আর তারার্ ভালোক্কানি রথ উগুরে আর ঘোড়া মাউত্তুনোর্ খেমতা উগুরে বিশ্বেজ্ রাগান্, মাত্তর্ তারা ইস্রায়েলর সেই পবিত্র মানুচ্চো ইন্দি রিনি ন-চান বা লগেপ্রভু ইত্তুন্ সাহায্য ন-চান।

যিশাইয় 6:3

তারা একজন আর একজনরে ডাগিনে কদন্, বেগত্তুন্ খেমতাবলা লগেপ্রভু পবিত্র, পবিত্র, পবিত্র; তা মহিমালোই পুরো পিত্‌থিমীগান্ ভর্‌পুনং।

যিশাইয় 64:3

আমি যিয়েন আজা ন-গুরিই সেবাবোত্যে দর্ আর ভোক্তি জাগেয়্যে আমক্ কাম্ যেক্কে তুই গোজ্যস্ সেক্কে লামি এচ্চ্যস্ আর মুড়ো-মুড়িগুন তর্ নাঙে গির্‌‌গিরেয়োন।

যিরমিয় 49:7

ইদোমর পৌইদ্যেনে বেগত্তুন্ খেমতাবলা লগেপ্রভু কোইয়্যেদে, “তৈমনত্ কি জ্ঞান নেই? বুদ্ধিবলাগুনোত্তুন্ কি উপদেশ থুম্ ওই যেইয়্যে? তারার জ্ঞান কি ক্ষয় ওই যেইয়্যে?

যিহিষ্কেল 43:2

আর মুই পূগেদিত্তুন্ ইস্রায়েল গোজেনর মহিমাগান্ এত্তে দেগিলুং। তার্ মুয়ো রবো এলদে জোরে বেঈ যেইয়্যে পানি গঙার গুজুরোনি ধোক্ক্যেন্ আর তার মহিমালোই পিথ্‌‌‌‌‌‌তিমীগান জোল্‌‌‌‌‌‌জোল্যে ওই উদিলো।

আমোষ 1:12

সেনত্তে মুই তৈমন উগুরে আগুন পাদেম; সিয়েনে বস্রার ঘরানিরে পুড়ি ফেলেব।”

ওবদিয় 1:9

ও তৈমন, তঅ যোদ্ধাগুনে অমকদ দোরেবাক্ আর এষৌর মুড়োগুনোর্ বেক্কুনোরে মারে ফেলা অবঅ।

হবক্‌‌‌‌কূক 2:14

সাগরান্ যেবাবোত্যে পানিলোই ভরা থায় সেবাবোত্যেগুরি পিত্‌‌‌‌থিমীগান লগেপ্রভুর মহিমার জ্ঞানে ভর্‌‌‌পুনোং অবঅ।

গণাণা 10:12

সেক্কে ইস্রায়েলীয়গুনে সিনাই ধূল্যেচর চাগালাগান ফেলেইনে নিগিলি গেলাক্। সেই মেঘ্‌কান পারণ ধূল্যেচর চাগালাত্‌‌ এইনে সোজা ওইনে ন-থিয়্যেনা সং তারা যাহ্ ধুরিলাক।

দ্বি’লম্বর বিররণ 33:2

লগেপ্রভু সিনাই মুড়োত্তুন এলঅ, তে সেয়ীরত্তুন তারা উগুরে পহ্‌র দিলো; তার পহ্‌রান পারণ মুড়োত্তুন ছিদি পুরিলো। তে লাখ্ লাখ্ পবিত্র স্বর্গদুদোর মধ্যেত্তুন্ এলঅ; তার ডেন আঢ্‌তান্ রোইয়্যেদে তারাত্যে আগুনে ভরা আইন।

দ্বি’লম্বর বিররণ 5:24

তুমি সেক্কে কোইয়ো, আমা গোজেন লগেপ্রভু যে কত্তমান বাঈনী গরেপারা আর দাঙর্‌ সিয়েন্‌ তে আমারে দেগেয়্যে আর আগুনো ভিদিরেত্তুন্‌ আমি তার্‌ রঅবো শুন্যেই। এচ্ছ্যে আমি বুঝি পারিলোং, গোজেনে কারঅ ইদু কধা কনার্‌ পরেন্দিয়ো সিবে বাঁজি থেই পারে।

১ শমূয়েল 25:1

পরেন্দি শমূয়েলে মুরি গেলঅ। বেক্‌ ইস্রায়েলীয়গুনে এক জাগাত্‌ এগত্তর্‌ ওইনে তাত্তেই আবিলেচ্‌ হেলাক্‌। তারা রামাত্‌ তার নিজোর ঘরদই তারে গোর্ দিলাক্। ইয়েনর পরেন্দি দায়ূদে পারণ ধূল্যেচর-চাগালাত্‌ গেলঅ।