হবক্‌‌‌‌কূক 3:2 - Chakma Bible

² ও লগেপ্রভু, মুই তঅ কাম কধা শুনিনে দোরেলুং। ও লগেপ্রভু, আমা সময়োত্ সিয়েনি তুই আরঅ গর্; আমা সময়োত্ তুই সিয়েনি দেগা। রাগর্ সময়োত্ তুই মেয়্যে গুরিবার কধা ভুলি ন-যেচ্।

হবক্‌‌‌‌কূক 3:2 ပူးပေါင်းရင်းမြစ်များ

ইষ্রা 9:8

মাত্তর্ ইক্কিনে কানক্কনত্তে আমা গোজেন লগেপ্রভু দোয়্যে গুরিনে আমা কিজু মান্‌‌জ্যরে জেদা রাগেয়্যে আর তার্ সুদ্ধো-সাংগ দেজত্ আমারে এক্কান থিদেবর্ গোজ্যে জাগা দিয়্যে। এবাবোত্যেগুরি আমা গোজেনে আমারে হুজি অনাগান্ ফিরেই দিয়্যে আর আমা চাগর্ খাদানাত্তুন্ আমারে এক্কানা পরাণান্ জুড়েই দিয়্যে।

ইয়োব 42:5

আগেদি মঅ কানানে তঅ পৌইদ্যেনে শুন্যে, মাত্তর্ ইক্কিনে মঅ চোখকুনে তরে দেগিলাক্।

গীতসংহিতা 119:120

তঅ দরে মঅ কিয়্যেগান গির্‌গিরে উদে; তঅ সুদোমানি মুই দরাং।

গীতসংহিতা 25:6

ও লগেপ্রভু, তর্ মমতা আর অমকদ কোচ্‌‌পানার কধা তুই পুরি ন-ফেলেচ্; সিয়েনি দঅ তর্ উমরর্ কাম।

গীতসংহিতা 38:1

ও লগেপ্রভু, রাগে তুই মরে গেইল্ ন-দিচ্, বা বেজার্ ওইনে মরে শাজন্ ন-গুরিচ্;

গীতসংহিতা 44:1

ও গোজেন, ভালোক্ দিন আগে আমা পুরোণি মানুচ্চুনোর সময়োত্ তুই যিয়েনি গোজ্যস্ সে পৌইদ্যেনে তারার কধানি আমি নিজোর কানন্দি শুন্যেই।

গীতসংহিতা 71:20

যুনিয়ো তুই মঅ উগুরে বোউত্ দুঘ্ আর দযা আন্যচ্, তো তুই আরঅ মঅ পরাণান জেদা গুরি দিবে; মাদি তলেত্তুন্ তুলি আনেদে ধোক্ক্যেন গুরি আরঅ তুই মরে তুলি আনিবে।

গীতসংহিতা 78:38

তো তে দোয়্যে-মেয়্যেলোই ভরা বিলিনে তারার অন্যেয়ানি খেমা গুরিলো, তারারে ভস্ত ন-গুরিলো; তা রাগ্‌কান তে বার বার দোঙেই রাগেল, তা বেক্ রাগ্‌কান ফুলি ন-উদিলো।

গীতসংহিতা 85:6

তঅ মানুচ্চুনে যেনে তরে নিইনে ফুত্তি গুরি পারন্ সেনত্তে কি তুই তারারে আরঅ জেদা ন-গুরিবে?

যিশাইয় 53:1

আমার্ দিয়্যে হবরান্ কন্না বিশ্বেজ্ গোজ্যে? কাইদু বা লগেপ্রভুর্ খেমতাবলা আঢ্‌‌‌‌তান ফগদাং ওইয়্যে?

যিশাইয় 54:8

রাগে কানক্কনত্তে তত্তুন্ মুই মুয়োন ফিরেয়োং, মাত্তর্ উমর কোচ্‌পানালোই মুই তঅ উগুরে মেয়্যে গুরিম। মুই তর্ উদ্ধোর গুরিয়্যে লগেপ্রভু এ কধাগান কঙর্। ‍

যিশাইয় 63:15

ও লগেপ্রভু, স্বর্গত্তুন, তর্ পবিত্র আর বাঈনী গুরিবার জাগানত্তুন্ তুই রিনি চাহ্। তর্ আওজ্‌চান আর তর্ খেমতাবলা কামানি কুদু? তর্ নরমভাব আর মেয়্যেগানি আমাত্তুন্ তুই সোরেই রাগেয়োচ্।‌

যিশাইয় 66:2

ইয়েনি বেক্কানি মুই নিজো আঢে বানেয়োং আর সেনত্তে ইয়েনি ওইয়্যে। যে মানুচ্চো নম্র, যিবের্ মনান্ ভাঙিনে চুর্‌‌মার্ ওইয়্যে আর যে মঅ কধালোই গির্‌‌‌গিরেই তারে মুই গম্ চোগেদি চেম্।

যিরমিয় 10:24

ও লগেপ্রভু, বানা ন্যায়বিচেরলোই তুই মরে সংশোধন গর্, মাত্তর্ তর্ রাগে সিয়েন ন-গুরিচ্, গুরিলে তুই মরে এক্কুবারে শূন্য গুরি দিবে।

যিরমিয় 10:7

ও জাদ্‌তুনোর রাজাবো, তরে কন্না ভোক্তি গুরিনে ন-দোরেব? ইয়েন দঅ তর্ পাওনা। জাদ্‌তুনোর বেক্ জ্ঞানী মানুচ্চুনো ভিদিরে আর তারার বেক্ রেজ্যগানি ভিদিরে কনজনে তঅ ধোক্ক্যেন নয়।‌‍‌‍‍‌‍‌‍‍

যিরমিয় 29:10

“বাবিল পৌইদ্যেনে যে সত্তুর বজর কধা কুয়ো ওইয়্যে সিয়েন পূরোণ অলে পরেদি মুই তমা ইন্দি মনান্ দিম; মুই যে ভালেদি গুরিবার এগেম্ গোজ্যং সিয়েন পূরোণ গুরিম, অত্তাৎ তমারে এ জাগানত্ ফিরেই আনিম।

যিরমিয় 46:28

ও মর্ চাগর্ যাকোব, ন-দোরেচ্, কিত্তে মুই তঅ সমারে সমারে আগং। যিদুক্কুন জাদ ভিদিরে মুই তরে ছিদি দুয়োং সে বেক্ জাদ্‌‌‍তুনোরে যুনিয়ো মুই এক্কুবারে ভস্ত গুরি দিম তো তরে মুই পুরোপুরি গুরি ভস্ত ন-গুরিম। মাত্তর্ এক্কুবারে সাজা ন-দিনেয়ো মুই তরে ন-ছাড়িম, মাত্তর্ ন্যায়বিচের্‌‌‍‍লোই মুই তরে শাজন্ গুরিম।”

আবিলেচ্ 3:32

যুনি বা তে দুঘ্ দে, তো তার্ অমকদ কোচ্‌‌‌পানা মজিম্ তে মেয়্যে গুরিবো,

দানিয়েল 8:17

মুই যিয়েনত্ থিয়্যেই এলুং তে সেই জাগান ইধু এজানার পরেদি মুই দোরেইনে মাদিত্ পড়ি গেলুং। তে মরে কলঅ, “ও মান্‌জ্যর পুয়োবো‌‌, এ দর্শনান যে শেজ্‌কালর পৌইদ্যেনে সিয়েন তুই বুঝি লঅ।”

হবক্‌‌‌‌কূক 3:1

ভাববাদী হবক্‌কূকর কবিতের্ সুরে তবনা গরানা।

হবক্‌‌‌‌কূক 3:16

সেই রবো শুনিনে মুই গির্‌গিরে ধুরিলুং, মঅ ঠুট্‌টোয়ো গির্‌গিরে উদিলো; মুই বল্‌পোজ্যে ওই পড়িলুং আর মঅ টেঙানি গির্‌গিরে ধুরিলো। তো মুই সেদিন্নোত্যেই ধৈজ্জ্য ধুরিনে বাজ্জেই থেইম্ যেদিন্যে আমা আক্রমন গুরিয়্যেগুনো উগুরে দযা এবঅ।

সখরিয় 1:12

সেক্কে লগেপ্রভুর দূত্‌‌তো কলঅ, “ও বেগত্তুন খেমতাবলা লগেপ্রভু, তুই যিরূশালেম আর যিহূদার অন্য শঅরানি উগুরে এই যে সত্তুর বজর্ সং বেজার্ ওই রোইয়োচ্ তারা উগুরে আর কয়দিন তুই মেয়্যে ন-গুরি থেবে?”

যোহন 10:10

চুর্ এজে বানা চুর্, খুন্ আর বর্‌বাদ্ গুরিবাত্যে। মুই এচ্চ্যং যেন তারা জিংকানি পান্, আর সেই জিংকানিগান্ যেন ভর্‌‌‌পুনোং অয়।

রোমীয় 10:16

মাত্তর্ বেক্কুনে সেই গম্ হবরত্ কান্ ন-পাদন্। ভাববাদী যিশাইয় কোইয়্যে, “প্রভু, আমার দিয়্যে গম্ হবরান্ কন্না বিশ্বেজ্ গোজ্জ্যে?”

ফিলিপীয় 1:6

মর্ এ বিশ্বেজ্‌‌চান আঘে, তমা অন্তরত্ যিবে গম্ কাম গুরিবাত্যে আরাম্ভ গোজ্জ্যে তে খ্রীষ্ট যীশুর্ এবার্ দিন্নো সং সিয়েন চালেইনে থুম্ গুরিবো।

ইব্রীয় 11:7

যিয়েন সেক্কেয়ো দেগা ন-যায় সেই পৌইদ্যেনে গোজেনে নোহরে উজিয়ার্ গোজ্জ্যে। নোহ গোজেন-ভক্ত এলঅ বিলি গোজেনর্ কধা বিশ্বেজ্ গুরিনে এক্কান জাহাজ বানেয়্যে, যেনে তা ঘোর্‌বোবু রোক্ষ্যে পায়। নোহ তার্ বিশ্বেজ্‌চান্দোই জগদ্‌তানরে দুষি বিলিনে প্রমাণ গোজ্জ্যে আর গোজেন ইধু নিদ্দুজি বিলিনে মানি লবার্ অধিকার পেয়্যে, যিয়েন বানা বিশ্বেজর্ কারনে পাহ্ যায়।

ইব্রীয় 12:21

যিয়েন দেগা যেয়্যে সিয়েন এন্‌ দর্‌গরেপারা এলঅ যে, মোশি কোইয়্যেদে, “মুই দরে গির্‌গিরেঙর্।”

ফগদাং পেইয়্যে 15:4

প্রভু, কন্না বা তরে ন-দোরেব? কন্না বা তর্ নাঙানর্ বাঈনী ন-গুরিবো? বানা তুয়ই দঅ পবিত্র। বেক্‌ জাদ্‌তুনে তইধু এবাক্, বেক্কুনে তর্ উবোসনা গুরিবাক্; কিয়া তর্ ন্যায় বিচেরানি ফগদাং ওইয়্যে।”