হবক্‌‌‌‌কূক 3:10 - Chakma Bible

¹⁰ মুড়ো-মুড়িগুন তরে দেগিনে গির্‌গিরে উদিলাক্। অমকদ পানি গঙার্ বেঈ গেলঅ; গভীন্ পানিগানে গুজুরি উদিলো আর তার্ তুবোলুন্ উগুরে তুলিলো।

হবক্‌‌‌‌কূক 3:10 ပူးပေါင်းရင်းမြစ်များ

নহিমিয় 9:11

তুই তারার্‌ মুজুঙোত্‌ সাগরানরে দ্বিভাগ্‌ গোজ্যস্‌, সেনত্তেই তারা শুগুনো ভূইয়ানর্‌ উগুরেন্দি পার্‌ ওই যেইয়োন্‌; মাত্তর্‌ যিগুনে তারারে লোড়েইনে এত্তন্‌ তুই তারার্‌ পানিগানর্‌ গঙার্‌লোই পাত্তর্‌ ফেলাইদে ধোক্ক্যেন্‌ গুরিনে গভীন্‌ পানিত্‌ ফেলে দুয়োজ্‌।

গীতসংহিতা 104:32

তে পিত্‌থিমীর ইন্দি রিনি চেলে সিয়েনে গির্‌গিরেই; তার্ আত্ বাজেলে মুড়ো-মুড়িত্তুন্ ধূমো নিগিলে।

গীতসংহিতা 148:7

পিত্‌থিমীত্ তুমি লগেপ্রভুরে নাঙ্ গিনো। ও সাগর দাঙর্ দাঙর্ প্রাণীগুন আর সাগর গভিন তলদেজত্ থেইয়্যে প্রাণিগুন, গোজেনরে নাঙ্ গিনো।

গীতসংহিতা 18:15

ও লগেপ্রভু, তর্ ধমক্কোই আর নিযেজে মাদি তলাত্তুন্ পানি দেগা দিলো, পিত্‌থিমীর ভিদিরেদিগান নিগিলিলো।

গীতসংহিতা 65:13

পত্তি খলা ভেড়া পাল্লোই ভরি আগন, আর সোজ্য খেত্‌তোই যেন কিজিঙানি ঢাক্যে আঘে; সিয়েনিয়ে হুজিয়ে রঅ ছাড়ের আর গান গার্।

গীতসংহিতা 66:6

তে দোজ্যে সাগরানরে গোজ্যে শুগুনো জাগা; তারা ঠেঙোই আঢিনে গাঙান্ পার্ ওইয়োন। এজ, আমি দেজ ভিদিরে তারে নিইনে ফুত্তি গুরিই।

গীতসংহিতা 93:3

ও লগেপ্রভু, বান পানিগানে গুজুরি উদের্, সে পানিগানে গুজুরি উদের্; ফুলি উঠ্যে তুবোলুন্ ভাঙদন্।

যিশাইয় 43:20

ঝার্‌বো য়েমান, শিয়েল আর উটপেখ্‌কুনে মরে বাঈনী গুরিবাক্, কিত্তে মঅ মানুচ্চুনোরে, মর্ বেঈ লোইয়্যে মানুচ্চুনোর হেবাত্তে মুই ধূল্যেচর চাগালার্ পানি যোগেই দিম আর ধূল্যেচরত্ গাঙ্ বোজেই দিম।‌‌

যিশাইয় 55:12

তুমি হুজিয়ে বারেদি যেবা আর সুগে শান্দিয়্যে তমারে নেযা অবঅ। মুড়ো-মুড়িগুনে তঅ মুজুঙোত্ দাঙর্ দাঙর্ গুরি গান গেবাক্ আর মাদর্ বেক গাজ্-বাজ্‌চুনে আদ্‌তালি দিবাক্।

যিরমিয় 4:24

দাঙর্ দাঙর্ মুড়োমুড়ি ইন্দি রিনি চেলুং, সিগুনে গির্‌গিরেদন; বেক্ চিগোন চিগোন মুড়োমুড়িগুনে দুলোদন্।‌‍

মীখা 1:4

মুম্ যেবাবোত্যেগুরি আগুনোত্ গুলি যায়, খামা জাগানদি যেবাবোত্যেগুরি পানি গোজ্যে যায় সেবাবোত্যেগুরি তা টেঙ তলাত্ মুড়ো-মুড়িগুন ফাদি যেবঅ, কলগ্‌কানি ফাদি যেবঅ।

নহূম 1:5

দাঙর্ দাঙর্ মুড়োগুন তা মুজুঙোত্ গির্‌‌‌‌গিরান আর চিগোন চিগোন মুড়োগুন গলি যান। তে আজিল্ অলে পিত্‌‌‌‌থিমীগান আর সিয়েন ভিদিরে বজত্তিগুরিয়্যেগুন বেক্কুনে গির্‌‌‌‌গিরান।

হবক্‌‌‌‌কূক 3:6

তে থিয়্যেইনে পিত্‌থিমীগানরে লাড়ার্; তে রিনি চেইনে জাদ্‌তুনোরে গির্‌গিরে তুলের্। পুরোণি দিনোর্ মুড়ো-মুড়িগুন কট্টা কট্টা ওই যাদন্ আর পুরোণি যুগোর্ মুড়োগুন ভাঙি পত্তন্। উমর কালত্তুন্ ধুরি তা পথ্‌তানর কনঅ পরিবত্তন্ নেই।

মথি লেখ্যে গম্ হবর্ 27:51

সে পরেদি উবোসনা-ঘরর্ পর্দাগান উগুরেত্তুন্ ধুরি তলেদি সং ফাদিনে দ্বিভাগ্ ওই গেলঅ; ভূজোল্ বেলঅ আর দাঙর্ দাঙর্ পাত্তরুন ফাদি গেলাক্।

মথি লেখ্যে গম্ হবর্ 8:24

আদিক্ক্যেগুরি সাগরত্ অমকদ ঝড়্ উদিলো, আর সেক্কে নৌকো উগুরে তুবোলে এলোনি-পেলোনি গরা ধুরিলো। মাত্তর্ যীশু সেক্কেনে ঘুম্ যার্।

ইব্রীয় 11:29

বিশ্বেজ্ গুরিনে ইস্রায়েলীয়গুনে শুগুনো মাদি উগুরেদি আঢি যাইদ্যে ধোক্ক্যেন গুরিনে লোহিত সাগরান্ পার্ ওইয়োন মাত্তর্ মিসরীয়গুনে সিয়েন গুরিবাত্যে যেইনে ডুবিনে মুরিলাক্।

যিহোশূয় 4:18

সেক্কে যে ধর্মগুরুগুনে লগেপ্রভুর সাক্ষ্য-সুন্দুক্কো বুয়োই নেযাদন্‌ তারা গাঙর্‌ সং মোধ্যেত্তুন উদি এইনে শুগুনো মাদিত্‌ টেং দেনার্‌ লগে লগে গাঙর্‌ গঙার পানিগান আরঅ তুবোল্‌ উদিলো আহ্‌ আগঅ‌ ধোক্ক্যেন্‌ দ্বিপার পানিলোই ভাসি গেলঅ।

ফগদাং পেইয়্যে 16:12

সে পরেদি ছ লম্বর স্বর্গদূত্‌তো বড়্‌গাঙ ইউফ্রেটিস উগুরে তা কদরাবো উবোত্ গুরিলো। সেক্কে পুগেদি দেজর্ রাজাগুনোর যেবার পধ্‌তান যুক্কোল অবাত্যে সেই গাঙান পানিগান শুগেই গেলঅ।

ফগদাং পেইয়্যে 20:11

সিয়েন পরেদি মুই এক্কান দাঙর্ ধুব্ সিংহাসন আর সিয়েন উগুরে একজনরে বৈ থাগদে দেগিলুং। তা মুজুঙোত্তুন্ পিত্‌থিমীগান আর আগাজ্‌চান ধেই গেলঅ, তারার্ জাগায়ান আর কনমিক্ক্যে ন-থেলঅ।

ফগদাং পেইয়্যে 6:14

ভাজ্ গুরি থোইয়্যে কাগোজ ধোক্ক্যেন আগাজ্‌চান ভাজ্ ওই গেলঅ; আর পত্তি মোন্‌মুড়ো আর দ্বীপ নিজোর্ নিজোর্ জাগানত্তুন্ সরি গেলাক্।