হবক্‌‌‌‌কূক 2:9 - Chakma Bible

⁹ জাদ্‌‌‌তুনে কবাক্‌, অভিশাব্ পোড়োক্ তার্, যে অন্যেয় গুরিনে লাভবান্ ওইনে তার্ থেবার ঘরান্ তুলে যেনে তে গমেডালে থেই পারে আর দযাত্তুন্ রোক্ষ্যে পায়।

হবক্‌‌‌‌কূক 2:9 ပူးပေါင်းရင်းမြစ်များ

গীতসংহিতা 49:11

তারা মনে গরন্দে তারার ঘর-বাড়ীগানি থিবেবর্ আঘে, তারার থেবার জাগায়ানি বংশর পর বংশ ধুরিনে থেবঅ, সেনত্তেই নিজোর নাঙে তারা সোম্বোত্তিগানির নাঙ্ দুয়োন।

গীতসংহিতা 52:7

“উইয়োবো চাহ্, সেই মানুচ্চো গোজেনরে তার্ আশ্রয়-জাগা ন-গরে; তার বোউত্ ধন-সোম্বোত্তি উগুরে তে নির্ভর গোজ্যে আর ভান্ন্যেই কামনা-বাসনার বল্লোই নিজোরে বোলীবন্ধ গোজ্যে।”

যিশাইয় 28:15

তুমি বাড়্‌বো গুরিনে কঅ, “আমি মরণ সমারে, মরণ জাগা সমারে এক্কো চুক্তি গোজ্জ্যেই। ভস্তর্ চাবুক্ যেক্কে জোরে লামি এবঅ সেক্কে সিয়েন্ আমা ইদু ন-এবঅ, কিত্তে আমি মিজেগানরে আমার্ আশ্রয় জাগা আর ছলনাগানরে আমার্ লুগেবার জাগা গোজ্জ্যেই।”

যিশাইয় 5:8

অভিশাব্ পোরোক্ তমার্, যিগুনে ঘর লগে ঘর আর খেদ লগে খেত্ এগত্তর্ গরর্; যেরেদি অন্যগুনোত্তে কনঅ জাগা ন-থেবঅ, আর তুমি গায় গায় দেজত্ বজত্তি গুরিবা।

যিরমিয় 17:11

“অন্য বদাত্ উম্ দিইনে চঅ পেইয়্যে তিতি পেগো ধোক্ক্যেন সেই মানুচ্চো, যে ভান্ন্যেই গুরিনে ধন লাভ গরে। তা বয়জর্ সংমোধ্যে সময়ানত্ সেই ধনানিয়ে তারে ছাড়িনে যেবগোই, আর যেরেদি তে বেদমা বিলিনে ফগদাং অবঅ।”

যিরমিয় 22:23

ও লেবাননর এরস গাজর্ বানেয়্যে ঘরত্ বজত্তি গুরিয়্যে মিলেবো, মিলে পুয়ো পুদোইদ্যে পিড়ে ধোক্ক্যেন যেক্কে তঅ উগুরে এবঅ সেক্কে তুই অমকদ ছোট্‌পোধেবে!”

যিরমিয় 49:16

ও পাত্তর ফাদামারাত্ বজত্তি গুরিয়্যে মুড়োমুড়ির অজল্ জাগানর গিরোজ্, তুই দর্‌‍‍‌গরেপারা বিলিনে তঅ মনর্ যে বাড়্‌বোগানে তরে ছলনা গোজ্যে। যুনিয়ো তুই ঈগল ধোক্ক্যেন অজল্ জাগাত্ তঅ ঘরান বানাচ্ তো সিয়েনত্তুন্ মুই তরে তলেদি লামেই অনিম।

যিরমিয় 51:13

ও বাবিল, তুই দঅ বোউত্ পানি পারত্ বজত্তি গরচ্ আর বোউত্ ধন-সম্পদর গিরোজ্; তর্ থুমান এচ্চ্যে, তরে ছাজি ফেলেবার সময় ওইয়্যে।

যিরমিয় 51:53

বাবিলান যুনি আগাজত্ সংঅ লুমেগোই আর সিয়েনত্ দরমর ঘর্ তুলে, তো মুই তা বিরুদ্ধে ভস্তগুরিয়্যেগুনোরে পাধেই দিম্।”

যিহিষ্কেল 22:27

হোক্ক্যে বাঘে যেবাবোত্যেগুরি শিগের্ গরন সেবাবোত্যেগুরি সিদুগোর্ রাজার চাগরুনে লো ঝরান্ আর অন্যেয় গুরি পেবাত্তে মানুচ্ খুন গরন্।

ওবদিয় 1:4

যুনিয়ো তুই ঈগল পেগো ধোক্ক্যেন অজলত্ ঘর্ বানাচ্ আর তারাগুনো ভিদিরে ঘর বানাচ্ তো মুই সিয়েনিত্তুন তরে লামেই আনিম। মুই লগেপ্রভু এ কধাগান কঙর্।

যিহূদা 1:11

অভিশাব্ পাদোক্ সেই মানুচ্চুনে! যিগুনে কয়িনো পধেদি যেইয়োন, লাভত্যে বিলিয়মর্ ভুল আঢত্ নিজোরে ইরি দুয়োন আর কোরহ ধোক্ক্যেন উল্লোমি গুরিনে ভস্ত ওই যেইয়োন।