হবক্‌‌‌‌কূক 2:8 - Chakma Bible

⁸ তুই ভালোক্ জাদর্ ধন-সোম্বোত্তিগানি লুদেয়োচ্ বিলি সেই বেক্ জাদর্ বাঁজি থেইয়্যে মানুচ্চুনে তর্ ধন-সোম্বোত্তিগানি লুদেবাক্। ইয়েনর্ কারনান্ অলঅ, তুই মান্‌জ্যর লো ঝোরেয়োচ্; তুই নানান্ দেজ্, শঅর্ আর সিয়েনি ভিদিরে বেক্ মানুচ্চুনোরে অত্যেচার গোজ্যস্।

হবক্‌‌‌‌কূক 2:8 ပူးပေါင်းရင်းမြစ်များ

গীতসংহিতা 137:8

ও বাবিল মিলেবো, তরে ভস্ত গরা অবঅ; তুই যেবাবোত্যে আমা উগুরে গোজ্যস্, যে মানুচ্চো তঅ উগুরে সিয়েনি গুরিবো তে বর্ পেইয়্যে!

গম্ উপদেজ্ 22:23

কিত্তে লগেপ্রভু মাম্‌লাত্ তারার তপ্পে নিবো, আর যিগুনে তারা জিনিসছানি কাড়ি নেযান্ তে তারা পরাণান্ কাড়ি নিবো।

যিশাইয় 33:1

ও ভস্তগুরিয়্যে, তরে অভিশাব্ দুয়োং! তুই ভস্ত ন-ওইনেয়ো ভস্ত গোজ্যস্; তঅ উগুরে বেঈমানি গরা ন-অয় তো তুই বেঈমানি গোজ্যস্। ভস্তর্ কামানি থুম্ গুরিলে তরে ভস্ত গরা অবঅ; বেঈমানি গরানা থুম্ অলে তঅ উগুরে বেঈমানি গরা অবঅ।

যিশাইয় 33:4

পুগ্-যুগ্‌‌কুনে যেবাবোত্যেগুরি শোজ্যগানি বর্‌‌বাত গরন্, সেবাবোত্যেগুরি ও ভস্ত গুরিয়্যেবো, তমা পযাপিরানিয়ো লুদো অবঅ। মানুচ্চুনে এক ঝাক্ পুগ্-যুগ ধোক্ক্যেন সিগুনো উগুরে এইনে পড়িবাক্।

যিশাইয় 47:6

মঅ মানুচ্চুনো উগুরে মঅ রাগ্‌‌কান জুলি উঠ্যে আর মঅ সোম্বোত্তিগানরে মুই অসিজি অবাত্তে দুয়োং। তারারে মুই তঅ আঢত্ তুলি দুয়োং আর তুই তারা উগুরে কনঅ মেয়্যে ন-দেগাচ্। এমন্ কি, বুড়ো মানুচ্চুনো উগুরেয়ো তুই গুয়োর্ বুদি চাপি দুয়োচ্।

যিরমিয় 27:7

যেদকদিন সং তা দেজর্ সময় ন-এজে সেদকদিন সং বেক্ জাদ্‌তুন তার, তা পুয়োগুনোর আর তা নাদিনুনোর চাগর্ অবাক্; সে পরেদি বোউত্ জাদে আর দাঙর্ দাঙর্ রাজাগুনে তারে তারা অধিনোত্ আনিবাক্।‌‍‌‌‌‌‍‍‍

যিরমিয় 30:16

“মাত্তর্ যিগুনে তরে শেজ্ গুরি দেদন্ তারারে বেক্কুনোরে শেজ্ গুরি ফেলা অবঅ; তর্ বেক শত্রুগুনে বন্দীদজাত্ যেবাক্। যিগুনে তরে লুদেয়োন তারারেয়ো লুদো অবঅ; যিগুনে তঅ জিনিস্‌চানি কাড়ি নেযাদন্ মুই তারা জিনিস্‌‌‌‌‌চানিয়ো কাড়ি নিবাত্তে দিম। মান্‌‌‌‌‌জ্যে তরে কবাক্, ‘ইয়েন সেই দূর্ গুরি দিয়্যে সিয়োনান যিয়েনরে কনজনে ন-তগান্, ‌

যিরমিয় 50:14

ও ধনুবলাগুন, তুমি বেক্কুনে যুদ্ধোত্তে জাগালোই বাবিল চেরোকিত্তে থিয়ো। তাইন্দি সেল্ মারঅ। কনঅ সেল্ থোই ন-দুয়ো, কিত্তে তে লগেপ্রভুর বিরুদ্ধে পাপ গোজ্যে।

যিরমিয় 50:28

শুনো, বাবিলত্তুন্ ধেই যেইয়্যে আর রোক্ষ্যে পেইয়্যে মানুচ্চুনে সিয়োনত্ এইনে ফগদাং গত্তন্দে, আমা গোজেন লগেপ্রভু কেধোক্ক্যেন গুরি তা ঘরানত্তে হেনা সুচ্যে।

যিরমিয় 50:37

তার বেক্ ঘোড়া, রথ আর বিদেশী সৈন্যগুনো বিরুদ্ধে রোইয়্যেদে তলোয়ার; তারা মিলে ধোক্ক্যেন বল্‌‌পোজ্যে ওই যেবাক্। তা ধন-সম্পদ বিরুদ্ধে রোইয়্যেদে তলোয়ার; সিয়েনি বেক্কানি লুট্ ওই যেবঅ।

যিরমিয় 51:13

ও বাবিল, তুই দঅ বোউত্ পানি পারত্ বজত্তি গরচ্ আর বোউত্ ধন-সম্পদর গিরোজ্; তর্ থুমান এচ্চ্যে, তরে ছাজি ফেলেবার সময় ওইয়্যে।

যিরমিয় 51:24

লগেপ্রভু কোইয়্যেদে, “বাবিল আর বাবিলোত্ বজত্তি গুরিয়্যে বেক্কুনে সিয়োনত্ যেদক্কানি অন্যেয় কাম্ গোজ্যন্ তমা চোগো মুজুঙোত্ মুই সিয়েনির ফল দিম।”

যিরমিয় 51:44

মুই বাবিল বেল দেবেদারে সাজা দিম্ আর তে যিয়েন গিল্যে সিয়েন তারে দিইনে ওগোলেম্। জাদ্‌‌‌‌তুনে আর তাইধু গঙার ধোক্ক্যেন ন-যেবাক্। বাবিল দেবালানঅ পড়ি যেবঅ।

যিরমিয় 51:48

আগাজ্‌‌‌‌‌‌‌‌চান, পিত্‌‌‌‌‌‌‌‌‌থিমীগান আর সিয়েন ভিদিরে বেক্কানিয়ে বাবিল বেপারান্দোই হুজিয়ে রঅ ছাড়িবো, কিত্তে উত্তোরেত্তুন্ ভস্তগুরিয়্যেবো এইনে তারে আক্রমণ গুরিবো। মুই লগেপ্রভু এ কধাগান কঙর্।

যিরমিয় 51:8

বাবিল অদাদৎ পড়ি যেইনে ভাঙি যেইয়্যে। তাত্তে আবিলেচ্ গরঅ। তার্ পীড়েগানত্তে মলম আনঅ; অয়ত তে গম্ অবঅ।

যিহিষ্কেল 28:16

তর্ বোউত্ বেবসার কারনে তুই অত্যেচারি ওইনে পাপ গুরিলে। সেনত্তে গোজেনর মুড়োবোত্তুন্ মুই তরে অসিজি অবস্থায় ধাবেই দিলুং। ও রোক্ষ্যেগুরিয়্যে করূব, মুই তরে আগুনো ধোক্ক্যেন চক্‌‌‌‌‌‌চক্ গোজ্যে পাত্তর ভিদিরেত্তুন্ সোরেই দিলুং।

যিহিষ্কেল 39:10

মাদত্তুন্ বা ঝার্-জংলত্তুন্ তারার্ আর দার্‌‌‌‌‌বো তুবো ন-পুরিবো, কিত্তে গাজ বদলে তারা আত্যের্ পড়িবাক্। তারা তারার্ লুদেয়্যে পযাপিরানি লুদেবাক্; তারার্ পযাপিরানি যিগুনে কাড়ি নেযেয়োন তারার্ পযাপিরানি তারা কাড়ি নিবাক্। মুই প্রভু লগেপ্রভু এ কধাগান কঙর্।

আমোষ 3:10

প্রভু লগেপ্রভু কত্তে, “তারা ঠিগ্ কাম গুরিবাত্তে ন-জানন্; তারা ঘরানি ভিদিরে তারা অত্যেচারর্ আর লুদেয়্যে মাল থুবেই রাগেয়োন। সেনত্তে একজন শত্রু তারার্ দেজ্‌‌চান ঘিরিবো; তে তারার্ দরমর রোক্ষ্যে গরেদে পথ্‌‌তানি ভস্ত গুরিবো আর ঘরানি লুদেব।”

ওবদিয় 1:15

“বেক্ জাদ্‌‌তুনোত্তে লগেপ্রভুর দিন্নো কায়কুরে লুম্মেগি। তুই যেবাবোত্যে গোজ্যস্ তঅ উগুরেয়ো সেবাবোত্যে গরা অবঅ; তঅ কামর্ ফল তঅ মাঢা উগুরে ফিরি এবঅ।‌‌

হবক্‌‌‌‌কূক 2:10

তুই ভালোক্ জাদরে ভস্ত গুরিনে নিজো পরিবার উগুরে লাজানাগান আন্যস্ আর বাঁজিবার অধিকারান্ আরেই ফেলেয়োচ্।

হবক্‌‌‌‌কূক 2:17

লেবানন উগুরে তুই যে অত্যেচার গোজ্যস্ সেই অত্যেচারান্ পুরোপুরি গুরিনে তঅ উগুরে এবঅ আর সিদুগোর্ য়েমানুনোরে মারে ফেলেয়োচ্ বিলিনে ইক্কিনে য়েমানুনে তরে দর্ লাগেবাক্। তুই দঅ মান্‌‌‌‌‌জ্যর্ লো ঝোরেয়োচ্ আর দেজ্, শঅর্ আর সিদুগোর্ বেক মানুচ্চুনোরে অত্যেচার গোজ্যস্।

সখরিয় 1:15

মুই নিচিদে থেইয়্যে সেই বেক জাদ্‌‌‌‌‌তুনো উগুরে অমকদ বেজার্ ওইয়োং, কিত্যে মুই যেক্কে মঅ মানুচ্চুনো উগুরে বানা এক্কানাগুরি বেজার্ ওইয়োং সেক্কে সেই বেক জাদ্‌তুনে মঅ মানুচ্চুনোর দুদ্দশা সমারে আরঅ দুদ্দশা দুয়োন্।‌‌‌‌

সখরিয় 14:12

যিদুক্কুন জাদে যিরূশালেম বিরুদ্ধে যুদ্ধো গুরিবাক্ লগেপ্রভু ভানা দিইনে তারারে আঘাত্ গুরিবো। তারা থিয়্যেই থাগদে থাগদে তারার্ কিয়্যের্ য়েরানি পুযি যেবঅ আর তারার্ চোগো গাঢ ভিদিরে চোগ্‌কুন পুযি যেবাক্ আর মুয়ো ভিদিরে জিলান্ পুযি যেবঅ।

ফগদাং পেইয়্যে 6:10

তারা দাঙর্ দাঙর্ রঅ ছাড়িনে কলাক্, “ও পবিত্র আর সত্যময় প্রভু, যিগুনে এ পিত্‌থিমীর, তারারে বিচের্ গত্তে আর তারা উগুরে আমার লোর্ হেনা শুজোধে তুই আর কদক্ দেরি গুরিবে?”