হবক্‌‌‌‌কূক 2:7 - Chakma Bible

⁷ তর্ পাওনাদারুনে কি একদিন অদাদৎ ন-উদিবাক্? তারা জাগি উদিনে কি তরে ফুলেই ন-তুলিবাক্? সেক্কে তুমি অবা তারা ইধু লুদেয়্যে মাল ধোক্ক্যেন্‌।

হবক্‌‌‌‌কূক 2:7 ပူးပေါင်းရင်းမြစ်များ

গম্ উপদেজ্ 29:1

ভালোক্‌‌বার সংশোধনর কধা শুনিনেয়ো যে মানুচ্চো গত্তনাবো দরমর গুরি রাগায় তে যে কনঅ সময়োত ভস্ত ওই যেবঅ; তে আর উদি ন-পারিবো।

উপদেশক 10:8

যে গাদ্ খুড়ে তে সিবে ভিদিরে পড়ি পারে; যে দেবাল্ ভাঙে তারে সাবে কামেড়েই পারে।

যিশাইয় 11:13

ইফ্রয়িমর ইংসে দূর্ ওই যেবঅ আর যিহূদার্ শত্রু মনভাব্‌পান আর ন-থেবঅ। ইফ্রয়িমে যিহূদা উগুরে ইংসে ন-গুরিবো, যিহূদায়ো ইফ্রয়িম লগে শত্রুতা ন-গুরিবো।‌

যিশাইয় 41:25

“পূগেদি এক্কো মান্‌জ্যে মঅ নাঙান্ ফগদাং গুরিবো; তারে মুই উত্তোরেদিত্তুন্ এবাত্তে উত্তেজিত গোজ্যং, আর তে এচ্চ্যে। যেবাবোত্যেগুরি চিবিদি আর পানি মিজে অয় আর কুমোরুনে মাদি মলন্ সেধোক্ক্যেন গুরি তে শাজন্‌ গুরিয়্যেগুনোর টেঙোই দুলিবো।

যিশাইয় 46:11

মঅ উদ্দেশ্যগান পুরেবাত্তে মুই এক্কো মান্‌জ্যরে দূর দেজত্তুন্ ডাগি আনিম; তে পূগ দেজত্তুন্ শিগেরী পেগো ধোক্ক্যেন্ এবঅ। মুই যিয়েনি কোইয়োং সিয়েনি মুই সফল গুরিম আর যিয়েনি পরিকল্পনা গোজ্যং সিয়েনি গুরিম।

যিশাইয় 47:11

মাত্তর্ তঅ উগুরে দজা লামি এবঅ, আর তুই হবর্ ন-পেবে কেধোক্ক্যেন গুরি যাদুর্ বলে সিয়েনি দূর্ গরা যেবঅ। তঅ উগুরে দজা এবঅ, আর তুই সিয়েনি আক্‌‌সোই ন-পারিবে। যে দজাগান পৌইদ্যেনে তুই আগেদি হবর্ ন-পেদে সিয়েনি আদিক্ক্যেন্‌গুরি তঅ উগুরে এবঅ।

যিরমিয় 51:11

তুমি সেলুন্ ধারঅ, ঢাল নেযঅ। লগেপ্রভু মাদীয় রাজাগুনোরে রাগ্ তুলি দিয়্যে, কিত্তে তা উদ্দেশ্যগান অলঅ বাবিলরে ভস্ত গরানা। লগেপ্রভু হামাক্কায় তা ঘরানত্তে হেনা সুজিবো।

যিরমিয় 51:57

যিবের্ নাঙান বেগত্তুন্ খেমতাবলা লগেপ্রভু সেই রাজাবো কোইয়্যেদে, “মুই তার রাজার চাগরুনোরে, জ্ঞানী মানুচ্, শাজন্‌গুরিয়্যে, দাঙর্ পোজিশনর কামগুরিয়্যেগুন আর যোদ্ধাগুনোরে মাত্তল্ গুরিম। তারা উমরত্যে ঘুম যেবাক্; তারা আর ন-জাগিবাক্।

যিরমিয় 8:17

লগেপ্রভু কোইয়্যেদে, “চঅ, মুই তমা ইধু বিষবলা সাপ পাধেই দিম; সেই কালাজামুরো সাপ্‌পো কনঅ মন্ত্রতন্ত্র ন-মানিবো, সিগুনে তমারে কুদিবাক্।”‌

১ থিষলনীকীয় 5:3

যেক্কেনে মান্‌জ্যে কবাক্, “শান্তি ওইয়্যে, দর্‌‌গরেপারা কিচ্চু নেই,” সেক্কেনে পিদিলি মিলের্ অদাতৎ পেটপিড়ে উদেধে ধোক্ক্যেন গুরি সেই মানুচ্চুনোর্ সর্বনাজ্ অবঅ। তারা কনভাবদে রোক্ষ্যে ন-পেবাক্।