হবক্‌‌‌‌কূক 2:6 - Chakma Bible

⁶ তারা বেক্কুনে তারে ঠাট্টা-মশ্‌কারী গুরিবাক্‌‌‌‌ আর কবাক্, অভিশাব্ পোড়োক্ তার্, যে অন্যগুনো পযাপিরানি নিজোত্তে থুবোয় আর জামিনো পযাপিরালোই তাগোয়্যে অয়। আর কয়দিন এবাবোত্যে চলিবো?

হবক্‌‌‌‌কূক 2:6 ပူးပေါင်းရင်းမြစ်များ

গীতসংহিতা 94:3

আর কয়দিন, ও লগেপ্রভু, আর কয়দিন পাজি মানুচ্চুনে রঙ্গ-ফুত্তি গুরি থেবার জু পেবাক্?

গম্ উপদেজ্ 22:16

ধন পেবাত্তে যে মানুচ্চো নাঢা মান্‌জ্য উগুরে অত্যেচার গরে বা যে মানুচ্চো তাগোয়্যেগুনোরে দান গরে তারার দ্বিয়ো জনর্ অভাব অয়।

যিশাইয় 10:13

কিত্তে তে কইদ্যে, ‘মঅ আঢ বল্লোই আর জ্ঞান্দোই মুই ইয়েনি গোজ্যং, কিত্তে মর্ বুদ্ধি আঘে। জাদ্‌তুনোর দুযিগান মুই দূর্ গুরি দুয়োং, তারার ধন-সোম্বাত্তিগানি লুদেয়োং; খেমতাবলা বীর ধোক্ক্যেন্ মুই তারার্ রাজাগুনোরে দোঙেয়োং। ‌‌

যিশাইয় 44:20

তে ছেই হাইদ্যে ধোক্ক্যেন গুরি কাম্ গরে আর তার ঠগাইদ্যে মনানে তারে দজাত্ ফেলায়। তে নিজোরে উদ্ধোর্ গুরি ন-পারে বা নয়ো কয়, “মঅ ডেন্ আঢর্ এ জিনিস্‌‍‍ছান কি মিজে নয়?”

যিশাইয় 5:8

অভিশাব্ পোরোক্ তমার্, যিগুনে ঘর লগে ঘর আর খেদ লগে খেত্ এগত্তর্ গরর্; যেরেদি অন্যগুনোত্তে কনঅ জাগা ন-থেবঅ, আর তুমি গায় গায় দেজত্ বজত্তি গুরিবা।

যিশাইয় 55:2

যিয়েন কনঅ হানা নয় সিয়েনত্তে কিত্তে পোজে খরচ্ গুরিবে? যিয়েন হেলে ঈল্ ন-অয় সিয়েনত্তে কিত্তে কাম্ গুরিবে? শুন্, মঅ কধাগান শুন্, যিয়েন গম্ সিয়েনই হা; সেক্কে বেগত্তুন গম্ হানাগান পেইনে তমার পরাণানে হুজি অবঅ।

যিরমিয় 17:11

“অন্য বদাত্ উম্ দিইনে চঅ পেইয়্যে তিতি পেগো ধোক্ক্যেন সেই মানুচ্চো, যে ভান্ন্যেই গুরিনে ধন লাভ গরে। তা বয়জর্ সংমোধ্যে সময়ানত্ সেই ধনানিয়ে তারে ছাড়িনে যেবগোই, আর যেরেদি তে বেদমা বিলিনে ফগদাং অবঅ।”

যিরমিয় 29:22

বাবিলোত্ থেইয়্যে যিহূদার বেক বন্দীগুন তারা কধানি ইদোত্ গুরিনে এ অভিশাব্‌পান বেবহার গুরিবাক্, ‘লগেপ্রভু তরে সিদিকিয় আর আহাব ধোক্ক্যেন গোরোক্, যিগুনোরে বাবিল রাজা আগুনোত্ পুজ্যে,’

যিরমিয় 50:13

লগেপ্রভুর রাগর্ কারনে সিয়েন ভিদিরে কনজনে বজত্তি ন-গুরিবাক্, সিয়েন এক্কুবারে ভস্ত ওইয়্যে জাগা অবঅ। যিগুনে বাবিল কায়-কুরেদি যেবাক্ তারা বেক্কুনে আমক্ অবাক্ আর সিয়েনর বেক্ আঘাত্‌‌তানি দেগিনে ঠাট্টা-মশ্‌‌কারি গুরিবাক্।

যিহিষ্কেল 32:21

মরণ জাগা ভিদিরেত্তুন্ খেমতাবলা যোদ্ধাগুনে মিসর আর তা সমাজ্যেগুনো পৌইদ্যেনে কবাক্, যুদ্ধোত মুরি যেইয়্যে সেই সুন্নত-ন-গোজ্যে মানুচ্চুনে তলেদি লামি এইনে পড়ি আগন্।

মীখা 2:4

সেদিন্যে অমকদ আবিলেচ্ হেবাক্ আর এ দুঘোর্ গান গাহ্ অবঅ; আমি এক্কুবারে ভস্ত ওই যেইয়্যেই; আমা জাদর্ সোম্বোত্তিগানি নেযা ওইয়্যে। লগেপ্রভু সিয়েনি আমাত্তুন্ নেযেয়্যে। আমা খেত্-খামারানি তে বে-জবান্যেগুনোরে দি দিয়্যে।”

হবক্‌‌‌‌কূক 1:15

বাবিলীয়গুনে বুজ্জিলোই তারারে বেক্কুনোরে টানিনে তুলোন্ বা জাল্লোই তারারে ধরন বা টান্যে-জাল্লোই তারারে এগত্তর্ গরন্; আর সেনত্তে তারা ফুত্তি গরন, হুজি অন্।

হবক্‌‌‌‌কূক 2:12

জাদ্‌তুনে কবাক্‌‌, অভিশাব্ দিই তারে, যে লো ঝোরেইনে শঅর্ বানায় আর অন্যেয় কাম্বোই আদামান্ থিদেবর্ গরে।

হবক্‌‌‌‌কূক 2:13

বেগত্তুন্ খেমতাবলা লগেপ্রভু থির্ গোজ্যেদে যে, জাদ্‌‌‌‌তুনোর কামর্ ফল আগুনোত্ পুড়ি যেবঅ আর তারা মিজে মিজে নিজোরে বল্‌‌‌‌পোজ্যে গুরিবাক্।

গণাণা 23:18

বিলিয়মে সেক্কে গোজেনর্ দিয়্যে এই কধানি কুয়া ধুরিলো; “বালাক রাজা উঠ্‌, শুনিচ্‌; ও সিপ্পোরর পুয়ো, মঅ কধানি শুনিচ্‌।

গণাণা 23:7

সেক্কে বিলিয়মে গোজেনর্‌ দিয়্যে এই কধানি কুয়ো ধুরিলো: “বালাকে মরে অরাম দেজত্তুন্ লোই আনিলো, পূগেদি মুড়োগুনোর্‌ কায়-কুরেত্তুন্‌ মোয়াব-রাজা মরে লোই আনিলো। তে কলঅ, ‘মর্‌ পক্কে তুই যাকোবরে অভিশাব্ দিচ্‌, ইস্রায়েলর্ বিপক্ষে ভান্ন্যেয়ানিত্যে কধা কঅ।’

লূকে লেখ্যে গম্ হবর্ 12:20

মাত্তর্ গোজেনে তারে কলঅ, ‘ও ভুলো, এইচ্চ্যে রেদোত্ তত্তুন্ মরা পুরিবো। সালে যেদক্কানি জিনিস্ তুমি থুবেইয়ো সিয়েনি কন্না ভোগ্ গুরিবো?’ ”

১ পিতর 4:7

ইক্কিনে বেক্কানির্ থুমো সময় ওইয়্যেগি। সেনত্যে তমা মনানি থির্ গরঅ আর নিজোরে দোঙেই রাগঅ যেন তবনা গুরি পারঅ।