হবক্‌‌‌‌কূক 2:4 - Chakma Bible

⁴ বাড়্‌‌‌‌বো গুরিয়্যে বাবিলান্ গম্ নয়, মাত্তর্ যিবেরে নিদ্দুজি বিলিনে মানি লুয়ো অর্ তে তার বিশ্বেজ্‌‌‌চান্দোই বাঁজি থেবঅ।

হবক্‌‌‌‌কূক 2:4 ပူးပေါင်းရင်းမြစ်များ

গীতসংহিতা 49:18

যুনিয়ো জিংকানিত্ তে নিজোরে ভাগ্যত্যে বিলিনে মনে গুরিদো মাত্তর্ কারর্ ভালেদি অলে মান্‌জেয়ো তারে ভাগ্যত্যে কন্-

যিশাইয় 13:11

লগেপ্রভু কোইয়্যেদে, মুই ভান্ন্যেয়ানত্তে পিত্‌থিমীগানরে সাজা দিম্; পাজিগুনোর অন্যেয়ানিত্তে তারারে সাজা দিম্। মুই বাড়্‌বো গুরিয়্যেগুনোরে বাড়্‌বো গরানাগানি শেজ্ গুরি দিম্ আর চিৎনেইয়্যেগুনোর অহংকারানি ভাঙি দিম্।‌

যিহিষ্কেল 18:9

তে মর্ সুদোম্ মজিম চলে আর বিশ্বেজ্ গুরিনে মর্ সুদোমানি পালায়। এ মানুচ্চো ঘেচ্চেকগুরি গম্; তে হামাক্কায় বাঁজিবো। মুই প্রভু লগেপ্রভু এ কধাগান কঙর্।

দানিয়েল 11:12

দোগিণো রাজা সৈন্যগুনোরে বন্দী গুরিনে নেযেবার পরেদি অহংকারে ভরা অবঅ আর আজার্ আজার্ মান্‌‌‌‌জ্যরে মারে ফেলেব, তো তে শেজদি ন-জিদিবো।

দানিয়েল 4:37

ইক্কিনে মুই নবূখদ্‌নিৎসর সেই স্বর্গ রাজারে নাঙ্ গিনোং, সর্মান গরং আর বাঈনী গরং, কিত্যে তে যিয়েনি গরে সিয়েনি ঠিগ্, আর তার বেক্ পথ্‌‌‌‌‌তানি ন্যায়ে ভর্‌‌‌‌‌পুনং। যিগুনে বাড়্‌বো গুরিনে চলন তারারে তে তলেদি ফেলেই পারে।

লূকে লেখ্যে গম্ হবর্ 18:14

“মুই তমারে কঙর্, সেই খাজানা-তুলিয়্যেবোরে গোজেনে নিদ্দুজি বিলি মানি লল আর তে ঘরত্ ফিরি গেলঅ। মাত্তর্ সেই ফরীশীবোরে তে নিদ্দুজি বিলি মানি ন-লল। যে কেঅ নিজোরে অজল্ গরে তারে তলে গরা অবঅ আর যে নিজোরে তলে গরে তারে অজল্ গরা অবঅ।”

যোহন 3:36

যে কেঅ পুয়োবো উগুরে বিশ্বেজ্ গরে তে সেক্কে উমর্‌অ জিংকানি পায়, মাত্তর্ যে পুয়োবোরে অমান্য গরে তে সেই জিংকানিগান্ কনদিন্‌অ ন-পেবঅ, বরং গোজেন রাগ্‌কান্ তা উগুরে থেবঅ।

রোমীয় 1:17

গোজেনে কেধোক্ক্যেন্ গুরি মান্‌জ্যরে নিদ্দুজি বিলিনে মানি লয় সে কধাগান্ এ গম্ হবর্ ভিদিরে ফগদাং গরা ওইয়্যে। পৌইল্যাত্তুন্ ধুরি থুম্ সং বানা বিশ্বেজর্ মাধ্যমে মান্‌জ্যরে নিদ্দুজি বিলিনে মানি লুয়ো অয়। পবিত্র বোইবোত্ লেগা আঘে, “যিবেরে নিদ্দুজি বিলিনে মানি লুয়ো অয় তে বিশ্বেজর্ মাধ্যমে জিংকানি পেবঅ।”

গালাতীয় 2:16

মাত্তর্ তো আমি এ কধাগান্ কোই পারিই যে, রীতি-সুদোম্ পালেবাত্যে গোজেনে মান্‌জ্যরে নিদ্দুযি বিলিনে মানি ন-লয়, বরং যীশু খ্রীষ্ট উগুরে বিশ্বেজর্ কারনে মানি লয়। সেনত্যে আমিয়ো খ্রীষ্ট যীশু উগুরে বিশ্বেজ্ গোজ্জ্যেই, যেন রীতি-সুদোম্ পালেবাত্যে নয় বরং খ্রীষ্ট উগুরে বিশ্বেজর্ কারনে আমারে নিদ্দুজি বিলিনে মানি লুয়ো অয়; কিয়া রীতি-সুদোম্ পালানার্ কারনে কাররে নিদ্দুজি বিলি মানি লুয়ো ন-অবঅ।

২ থিষলনীকীয় 2:4

গোজেন বিলিনে যিয়েনি আঘে সিয়েনি বেক্কানির্ বিরুদ্ধে আর উবোসনা গরেদে ধোক্ক্যেন বেক্কানির্ বিরুদ্ধে থিয়্যেইনে তে নিজোরে দাঙর্ গুরি দেগেব; এমন্‌ কি, তে গোজেনর্ উবোসনা-ঘরত্ বৈইনে নিজোরে গোজেন বিলিনে দাবী গুরিবো।

ইব্রীয় 10:38

আর যে মানুচ্চোরে মুই নিদ্দুজি বিলিনে মানি লোইয়োং তে বিশ্বেজর্ মাধ্যমে জিংকানি পেবঅ; মাত্তর্ কেঅ যুনি ফিরি যায় সালে তা উগুরে মুই হুজি ন-ওম্।”

১ পিতর 5:5

সেবাবোত্যেগুরি গাবুজ্জ্যেগুন, তুমি আজল্ নেতাগুনোর অধীনোত্ থাগঅ। তুমি বেক্কুনে নরম ওইনে একজন আরেকজনরে সেবা গরঅ, কিয়া পবিত্র বোইবোর কধামজিম, “গোজেনে বার্‌বোগুনোর্ বিরুদ্ধে যায়, মাত্তর্ নরম মানুচ্চুনোরে দোয়্যে গরে।”