হবক্‌‌‌‌কূক 2:3 - Chakma Bible

³ কিত্যে এ দর্শনানর্ কধাগান পূরোণ অবার্ সময় এজঅ বাগী আঘে, মাত্তর্ সিয়েন যাদিমাদি উজেই এজের্ আর সে দর্শনান্ মিজে প্রমান্ ন-অবঅ। দিরি অলেয়ো সিয়েনত্তে বাজ্জেই থাগঅ; সিয়েন ঠিগ্ সময়োত্ হামাক্কায় পূরোণ অবঅ। তুই এ কধাগান লেগ্:

হবক্‌‌‌‌কূক 2:3 ပူးပေါင်းရင်းမြစ်များ

২ রাজাবলী 6:33

ইলীশায় সেক্কেয়ো কধা কর্‌ এন্‌ সময়োত্‌ সে মানুচ্চো তাইদু এলঅ। সে পরেন্দি রাজা এইনে কলঅ, “এ দযাগান্‌ লগেপ্রভুত্তুন এচ্ছে। মাত্তর্‌ লগেপ্রভুত্তে আর্‌ মুই কিত্তে দেরি গুরিম?”

গীতসংহিতা 102:13

তুই সিয়োনান উগুরে দোয়্যে গুরিবে, কিত্তেই তারে দোয়্যে দেগেবার সময় ওইয়্যে, ঠিগ্ সময়ান এচ্চ্যে।

গীতসংহিতা 27:14

তুমি লগেপ্রভুর উগুরে আজা রাগেয়ো; মনবল্ আন আর বুগোত্ সাহস বান আর লগেপ্রভু উগুরে আজা রাগ।

যাত্রা 12:41

চেরশঅ ত্রিশ বজর্‌ শেজ অবার দিন্নোত্‌ লগেপ্রভুর বেক্‌ মানেইয়ুন সৈন্যদল ধোক্ক্যেন গুরি মিসর্‌ দেজ্‌চান ফেলেইনে নিগিলি এচ্ছোন্।

যিশাইয় 30:18

তো লগেপ্রভু তমা উগুরে দোয়্যে গুরিবাত্তে বাজ্জেই আঘে; তমারে মেয়্যে গুরিবাত্তে তে যুক্কোল্ ওই আঘে। লগেপ্রভু ন্যায়বিচেরর্ গোজেন; যিগুনে তাত্তে বাজ্জেই আগন্ তারা বর্ পেইয়্যে।

যিশাইয় 7:4

তারে এ কধাগান কঅ, ‘উজিয়ার্ অ, থির্ থাক্ আর ন-দোরেচ্। ধূমো উঠ্যে সেই দ্বিবে তক্তার্ শেজ্ ভাগ্‌কান দেগিনে, অত্তাৎ রৎসীন, অরাম আর রমলিয় পুয়োবোর দর্‌গরেপারা রাগ্‌‌‌‌‌‌‌‌‌কান দেগিনে মন্‌মরা ন-ওচ্।‌‌‌‌‌‌

যিশাইয় 8:17

মুই লগেপ্রভুত্তে বাজ্জেই থেম্, যিবে যাকোব-বংশগুনোত্তুন্ মুয়োন ফিরেই রাগেয়্যে; মুই তা উগুরে বিশ্বেজ্ গুরিম।

যিরমিয় 27:7

যেদকদিন সং তা দেজর্ সময় ন-এজে সেদকদিন সং বেক্ জাদ্‌তুন তার, তা পুয়োগুনোর আর তা নাদিনুনোর চাগর্ অবাক্; সে পরেদি বোউত্ জাদে আর দাঙর্ দাঙর্ রাজাগুনে তারে তারা অধিনোত্ আনিবাক্।‌‍‌‌‌‌‍‍‍

যিহিষ্কেল 12:25

সেক্কে মুই লগেপ্রভু যিয়েনি কোম্ সিয়েনি ফলিবো, দিরি ন-অবঅ। ও উল্লোমী জাদ্‌তো, মুই যিয়েনি কঙর্ সিয়েনি তমা সময়োত্ ফোলেই দিম্। মুই প্রভু লগেপ্রভু এ কধাগান কঙর্।’”

যিহিষ্কেল 30:9

সেদিন্যে আরামে থেইয়্যে কূশরে দর্ দেগেবাত্তে হবর্ কোইয়্যেগুনে মর্ উগুমে জাহাজত্ গুরিনে নিগিলি যেবাক্। মিসরর শেজ্ দিনোত্ কূশর্‌অ যন্ত্রণা অবঅ, কিত্যে সেদিন্নো তা উগুরেয়ো এবঅ।

দানিয়েল 10:14

আগামিদি তঅ মানুচ্চুনো উগুরে যিয়েনি ঘুদিবো সিয়েনি তরে বুঝিবাত্তে মুই ইক্কিনে তইদু এচ্চ্যং, কিত্যে দর্শনর ভিদিরেদি যে সময়র্ কধা কুয়ো ওইয়্যে সিয়েনি এজঅ ন-এজে।”

দানিয়েল 11:27

এ দ্বিবে রাজার মন ভান্ন্যেয়দি বেশ্ অনায় তারা এক্কান টেবিলোত্ বুয়োইনে এক্কো আর এক্কোর বিরুদ্ধে মিজে কধা কবাক্, মাত্তর্ সিয়েনত্ কনঅ ফল ন-অবঅ, কিত্যে তারার্ বেক্কানির শেজ্ ঠিগ সময়োত্ এবঅ।

দানিয়েল 11:35

যিগুনোর বুঝিবার খেমতা আঘে তারা ভিদিরে কারর্ কারর্ পতন অবঅ। ইয়েনর কারনে শেজ্ সময় ন-এযানা সং গোজেনর মানুচ্চুনোরে খাটি, শুদ্ধো আর থুদো নেইয়্যে গরা অবঅ; আর সেই শেজ্ সময়ান ঠিগ্ গরা আঘে।

দানিয়েল 8:17

মুই যিয়েনত্ থিয়্যেই এলুং তে সেই জাগান ইধু এজানার পরেদি মুই দোরেইনে মাদিত্ পড়ি গেলুং। তে মরে কলঅ, “ও মান্‌জ্যর পুয়োবো‌‌, এ দর্শনান যে শেজ্‌কালর পৌইদ্যেনে সিয়েন তুই বুঝি লঅ।”

দানিয়েল 8:19

তে কলদে, রাগর্ সময় শেজদি যিয়েনি ঘুদিবো সিয়েনি মুই তরে কঙর্, কারন দর্শনান্ অলঅ শেজকালর্ ঠিগ্ গোজ্যে সময়ো পৌইদ্যেনে।

দানিয়েল 9:24

তর্ মানুচ্চুনোত্তে আর তর্ সুদ্ধো-সাংগ শঅরত্তে সত্তুর্ গুণ সাত বজর ঠিগ্ গরা ওইয়্যে। সেই সময়ো ভিদিরে ভান্ন্যেয়ানি বন্ধ গরা অবঅ, অন্যেয়র্ থুম্ অবঅ, পাপ নাঢি দিয়্যে অবঅ, উমরত্যে ন্যায্যতা থিদেবর্ গরা অবঅ, দর্শন আর আগাম্ বাণী পূরোণ গরা অবঅ আর দাঙর্ সুদ্ধো-সাংগ জাগানরে অভিষেগ্ গরা অবঅ।

মীখা 7:7

মাত্তর্ মুই লগেপ্রভু উগুরে আজা রাগেম, মর্ উদ্ধোর্ গুরিয়্যে গোজেনত্তে বাজ্জেই থেইম্। মর্ গোজেনে মঅ কধা শুনিবো।

সফনিয় 3:8

“ও যিরূশালেম, তুই মত্তে বাজ্জেই থাগ্; যেদিন্যে মুই জাদ্‌‌‌‌তুনো বিরুদ্ধে সাক্ষি দিবাত্তে থিয়্যেম্ তুই সেদিন্নোত্তে বাজ্জেই থাগ্। মুই ঠিগ্ গোজ্যংগে, জাদ্‌তুনোরে মুই এগত্তর্ গুরিম, রেজ্যগানি এগত্তর্ গুরিম আর তারা উগুরে মর্ অমকদ অহুজিগান, মর্ জ্বোল্‌‌‌‌‌জোল্যে রাগ্‌‌‌‌‌কান ঢালি দিম। মর্ মনর্ জ্বালার্ আগুনে গোদা পিত্‌‌‌‌থিমীগান পুড়ি যেবঅ। গোটা জগৎতান্ পুড়ি যেবঅ।

গণাণা 23:19

গোজেনে দঅ মানুচ্‌ নয়দে যে, মিজে কধা কবঅ; মানুজোত্তুন্‌ তার্‌ জর্ময়ো নয় যে, তে মন বোদোলেব। তে যিয়েনি কবঅ সেধোক্ক্যেন গুরিবো, তার এগেমানি তে আমিঝে পূরোণ গরে।

লূকে লেখ্যে গম্ হবর্ 2:25

সেক্কে যিরূশালেমত্ শিমিয়োন নাঙে এক্কো ধার্মিক আর গোজেনভক্ত মানুচ্ এলঅ। গোজেনে কক্কে ইস্রায়েলীয়গুনো দুঃখানি দূর্ গুরিবো সেই সময়ানত্তে তে বাজ্জেই আঘে। পবিত্র আত্মা তা উগুরে এলঅ আর তাইধু ফগদাং গোজ্যেদে যে, মুরি যেবার্ আগেদি তে প্রভুর সেই মশীহরে দেগিবো।

প্রেরিত্‌ 1:7

যীশু তারারে কলঅ, “যেদিন্নো বা সময়বো বাবা নিজো আন্‌‌‌‌‌যামে রাগেয়্যে সিবে তমারে জানিবাত্তে দিয়্যে ন-অয়।

প্রেরিত্‌ 17:26

তে এক্কো মান্‌‌‌জ্যত্তুন্ বেক্‌ জাদর্ মানুচ্চুন বানেয়্যে যেন তারা গোদা পিত্‌থিমীগানত্ বজত্তি গরন্। তারা কক্কে কুধু বজত্তি গুরিবাক্ সিয়েন্অ তে ঠিগ্ গুরি দিয়্যে।

গালাতীয় 4:2

তা বাবে যে সময়ান সং ঠিগ্ গুরি দে সেই সময়ান সং তাত্তুন্ গিরোজ্ আর ভার্ পেইয়্যে মানুচ্চোর অধিনোত্ থা পড়ে।

২ পিতর 2:3

লুভে পড়িনে ছলনার্ কধা কোইনে তারা নিজো লাভত্যে তমারে কামত্ লাগেবাক্। তারার্ সাজাগান ভালোক দিন ধুরিনে তারা উগুরে দুলের্, আর তারার্ ভস্ত অনাগান জুরো গুরিনে বোইদ্যে নেই।

২ পিতর 3:9

কনঅ কনঅ মান্‌জ্যে মনে গরন্ প্রভু তার্ এগেমান্ পূরোণ গত্তে দেরি গরের্, মাত্তর্ সিয়েন নয়। আজলে তে তমা উগুরে ধৈজ্জ্য ধরের্, কিয়া কেঅ যে ভস্ত ওই যায় তে সিয়েন ন-চায়, বরং বেক্কুনে যেন পাপত্তুন্ মনানি ফিরান ইয়েনই তে চায়।