হবক্‌‌‌‌কূক 2:2 - Chakma Bible

² সেক্কে জোবত্ লগেপ্রভু কলঅ, এ দর্শনানর কধাগান লেগ্ আর পাত্তর ফলগ উগুরে খুনিনেই গমেডালে গর্ যেনে সিয়েন সহজে পড়া যায়,‌

হবক্‌‌‌‌কূক 2:2 ပူးပေါင်းရင်းမြစ်များ

যিশাইয় 30:8

তুই ইক্কিনে এ কধাগান্ এক্কো আড়ুগোত্ আর এক্কো বোইয়োত্ লিগি রাগা, যেনে এজেত্তে দিনুনোত্ সিবে ইস্রায়েলীয়গুনোত্তে এক্কো জিংকানিবরর্ সাক্ষ্য ওই থায়।

যিশাইয় 8:1

লগেপ্রভু মরে কলঅ, “তুই এক্কান দাঙর্ আরুগ্ লোইনে সিয়েন উগুরে সাধারন মান্‌জ্যর্ আঢ লেগা ইজেবে এ কধাগান লেগ্, মহের-শালল-হাশ-বস (যিয়েনর ভেদ্‌তান্ ‘যাদিমাদি লুদোনা, যাদিমাদি গজক্ গুরি নেযানা’)।

যিরমিয় 30:2

“মুই ইস্রায়েলর গোজেন লগেপ্রভু কঙর্, মুই তরে যেদক্কানি কধা কোইয়োং সিয়েনি বেক্কানি তুই এক্কো বোইয়োত্ লিগি রাগা,

দানিয়েল 12:4

মাত্তর্ তুই, দানিয়েল, শেজ্ সময় ন-এজানা সং এই আগাম্ কধার্ বোইবো নাঢিনে তা কধানি সীলমহ্‌র গুরি থঅ। সে সময় ভিদিরে ভালোক্কুনে যিদু-সিদু যেবাক্ আর জ্ঞান বাড়িবো।”

দানিয়েল 7:1

বাবিল রাজা বেল্‌‌‌শৎসরর রাজাগিরির্ পত্তম্ বজরত্ দানিয়েলে বিচ্চোনত্ পড়িনে ভালোক্কানি স্ববন্ দেগিলো আর তা স্ববনর্ সাপ্তাবোর্ বেপারান্ তে এধোক্ক্যেনগুরি লিগিলো: রেদোত্ স্ববন ভিদিরে মুই দেগিলুং, আগাজর্ চেরান বোইয়্যেরে বড়্ সাগরানরে উলোত্ পালত্ গরের্।

রোমীয় 15:4

পবিত্র বোইবোত্ যিয়েনি আগে লেগা ওইয়্যে সিয়েনি আমার্ শিক্ষ্যাত্যে লেগা ওইয়্যে, যাতে সেই বোইবোত্তুন্ আমি ধৈজ্জ্য আর উচ্চোমি পেই আর সিয়েনর্ কারনে আজা পেই।

১ করিন্হীয় 14:19

মাত্তর্ মন্ডলী ভিদিরে নানান্ ভাষায় আজার্ আজার্ কধা কবার্ বদলে অন্যগুনোরে শিক্ষ্যে দিবাত্যে মুই বুদ্ধিলোই বরং বানা পাচ্চান্ কধা কোম্।

২ করিন্হীয় 3:12

আমার্ এবাবোত্যে আজা আঘে বিলিনে আমি খুলোখুলি গুরি কধা কোই।

দ্বি’লম্বর বিররণ 27:8

যে পাত্তরুন তুমি উজু গুরি নেযেবা সিগুনো উগুরে এই রীদি-সুদোমর্ বেক্‌ কধানি অমকদ দোলেদালে লিগিবা।”

দ্বি’লম্বর বিররণ 31:19

“তুমি ইক্কিনে এই গানান্‌ লিগি নেযঅ। ইয়েন ইস্রায়েলীয়গুনোরে শিগেবা আর তারারে গাহ্ বাজে দিবে, যেনে তারা বিরুদ্ধে ইয়েন মর্ পক্ষেন্দি এক্কান সাক্ষী ওই থায়।

দ্বি’লম্বর বিররণ 31:22

মোশি সেদিন্যে গান্নো লিগিনে ইস্রায়েলীয়গুনোরে শিগেয়্যে।

ফগদাং পেইয়্যে 14:13

সে পরেদি মুই একজনরে স্বর্গত্তুন্ কধে শুনিলুং, “এ কধাগান লেগ-ইক্কেত্তুন্ ধুরি যিগুনে প্রভু সমারে মিজেইনে মুরিবাক্ তারা বর্‌পেইয়্যে।” পবিত্র আত্মাগানে এ কধাগান কত্তে, “অয় তারা বর্‌পেইয়্যে। তারার্ কামত্তুন্ তারা জিরেন পেবাক্, কিয়া তারার্ কামর ফল তারা সমারে থেবঅ।”

ফগদাং পেইয়্যে 19:9

সে পরেদি সেই স্বর্গদূত্‌তো মরে কলঅ, “এ কধাগান লেগ, ‘ভেড়া-ছবোর্ মেলাত্ যিগুনোরে বাত্যেনা ওইয়্যে তারা বর্‌পেইয়্যে।’ ” তে এ কধাগানঅ কলঅ, “ইয়েন গোজেনর্ কধা আর সিয়েন সত্য।”