16 তুই সর্মানর্ বদলে লাজে পরিপূরোণ অবে। এবেরা তর্ পালা। তুই মদ হেইনে লাংটা-বাংটা অ। লগেপ্রভুর ডেন্ আঢর্ রাগর্ গলস্ছো তন্দি এজের্; অসর্মানে তঅ সর্মানান্ ঢাগা যেবঅ।
লগেপ্রভুর আঢত্ এক্কো গলস আঘে, সিয়েনত্ ফেনা উত্যে মজলা মিজেয়্যে আংগুর-রস আঘে। তে সেই গলস ইত্তুন ঢালি দে; পিত্থিমীর বেক পাজি মানুচ্চুনে সিবের্ তলাগান সং হেই পেবাক্।
জ্ঞানিগুনে সর্মান পেবাক্, মাত্তর্ বিবেচনা নেইয়্যে মানুচ্চুনোর পাওনা অলঅ লাজ্ পানা।
ঠিগ সেধোক্ক্যেন্গুরি আসিরিয়ার রাজা মিসররে লাজত্ ফেলেবাত্তে মিসরীয় আর কূশীয় বন্দীগুনোর পুয়ো-বুড়ো বেক্কুনোরে লাংটা অবস্থায়, সুদো টেঙোই আর পিজেদি-খুলো অবস্থায় নেযেব।
তর্ লাঙ্তা অনাগান ফগদাং অবঅ আর তর্ লাজানাগান্ ঢাক্যে ন-থেবঅ। মুই হেনা সুজিম, কারঅ কোজোলিগান্ ন-মানিম।”
তঅ উগুরে যিগুনে অত্যেচার গরন্ মুই তারার য়েরানি তারারে হাবেম্; তারা মদ ধোক্ক্যেন গুরি নিজো লো-গান হেইনে মাত্তল্ অবাক্। সেক্কে বেক্ মানুচ্চুনে হবর্ পেবাক্, মুই লগেপ্রভু তর্ উদ্ধোরগুরিয়্যে, তর্ মুক্তিদিয়্যে, যাকোবর্ সেই খেমতাবলা মানুচ্চো।”
ইস্রায়েলর গোজেন লগেপ্রভু মরে কোইয়্যেদে, “তুই মঅ আঢত্তুন আংগুর রস, অত্তাৎ মর্ রাগে ভরা এ গলস্চো নেযা আর যিদুক্কুন জাদ ইধু মুই তরে পাদেম্ তারারে সিয়েন হেবাত্তে দে।
সেক্কে মুই লগেপ্রভুর আঢত্তুন গলস্চো নিলুং আর তে যিদুক্কুন জাদ ইধু মরে পাদেয়্যে তারারে হাবেলুং।
যিবের্ নাঙান বেগত্তুন্ খেমতাবলা লগেপ্রভু সেই রাজাবো কোইয়্যেদে, “মুই তার রাজার চাগরুনোরে, জ্ঞানী মানুচ্, শাজন্গুরিয়্যে, দাঙর্ পোজিশনর কামগুরিয়্যেগুন আর যোদ্ধাগুনোরে মাত্তল্ গুরিম। তারা উমরত্যে ঘুম যেবাক্; তারা আর ন-জাগিবাক্।
বাবিলান লগেপ্রভুর আঢত্ এক্কান সোনার গলস ধোক্ক্যেন এলঅ; সিয়েনে গোদা পিত্থিমীগানরে মাত্তল্ গোজ্যে। জাদ্তুনে তা আংগুর-রস হেইয়োন, সেনত্তে ইক্কিনে তারা পাগল ওই যেইয়োন।
ঊষ দেজত্ বজত্তি গুরিয়্যে ও ইদোম-ঝিবো, তুই ফুত্তি গর্, হুজি অ; মাত্তর্ তরেয়ো সেই গলচ্সো দিয়্যে অবঅ; তুই মাত্তল্ আর লাংটা-বাংটা অবে।
তুই দর্গরেপারা আর ভস্ত ওইয়্যে গলস্চত্তুন হেইনে, তর্ বোন শমরিয়ার গলস্চত্তুন হেইনে মাত্তল্ আর দুঘে ভরা অবে।
ধর্মগুরুগুন জনেদি যেদক্ বাড়দন্ সেদক্ তারা মঅ বিরুদ্ধে পাপ গত্তন্, সেনত্তে মুই সর্মানর্ বদলে তারারে অসর্মানিত গুরিম।
রাজার উৎসব দিনোত্ রাজার্ কামগুরিয়্যেগুনে আংগুর-রস হেইনে উচ্চোমী ওইয়োন আর রাজা সেই ঠাট্টা-ঘিনেয়্যেগুনো লগে আত্ মিলেয়োন।
তুই ভালোক্ জাদরে ভস্ত গুরিনে নিজো পরিবার উগুরে লাজানাগান আন্যস্ আর বাঁজিবার অধিকারান্ আরেই ফেলেয়োচ্।
জাদ্তুনে কবাক্, অভিশাব্ দিই তারে, যে রাগ গুরিনে তা পাড়াল্যেগুনোরে দগ্ দগ্ মদ খাবায় আর মাত্তল্ গুরি ফেলায় যেনে তে তারারে লাংদা দেগে।
তারার্ ভাগ্যত্ আঘেদে ভস্ত অনা; পেট্টো অলঅ তারার্ গোজেন; যিয়েন লাজেবার্ বেপার সিয়েন্দোই তারা দেমাগ্ গরন্; আর বানা জাগতিগ পৌইদ্যেনে তারার্ মনানি পড়ি আঘে।
তে অন্যগুনো সমারে যেবাবোত্যে বেবহার গোজ্জ্যে তা সমারেয়ো সেবাবোত্যে বেবহার গর্; তা কামানির্ পুরোপুরি ফল তারে দে। যে গলজ ভিদিরে তে অন্যগুনোত্যে ভান্ন্যেই মিজেদ, সিয়েনত্ তার পুরোপুরি সাজা মিজেইনে তারে হেবাত্যে দে।