হবক্‌‌‌‌কূক 2:14 - Chakma Bible

¹⁴ সাগরান্ যেবাবোত্যে পানিলোই ভরা থায় সেবাবোত্যেগুরি পিত্‌‌‌‌থিমীগান লগেপ্রভুর মহিমার জ্ঞানে ভর্‌‌‌পুনোং অবঅ।

হবক্‌‌‌‌কূক 2:14 ပူးပေါင်းရင်းမြစ်များ

গীতসংহিতা 22:27

পিত্‌‌থিমীর শেজ্ দুযির্ মানুচ্চুনেয়ো মন ফিরেইনে লগেপ্রভুর ইদু এবাক্; অন্য জাদর্ বেক্ গুট্টিগুনে তারে শ্রদ্ধা জানেবাক্।

গীতসংহিতা 72:19

জিংকানিবর্ তার মহিমাবলা নাঙানির্ নাং গিনে ওক্; পুরো দুনিয়াগান তার মহিমালোই পূরোন ওক্। আমেন, আমেন।

গীতসংহিতা 86:9

ও প্রভু, তর্ বানেয়্যে বেক জাদ্‌তুনে এইনে তঅ মুজুঙোত্ জু জু জানেইনে মাঢা নিগিরিবো; তারা তর্ গুনগান গুরিবাক্।

যিশাইয় 11:9

মঅ পবিত্র মুড়োবোর কনঅ জাগাত্ কনজনে খেতিয়ো ন-গুরিবাক্, ভস্তয়ো ন-গুরিবাক্, কিত্তে বড়্ সাগরানে যেধোক্ক্যেন্ পানিলোই পেলেং পেলেং থায় সেধোক্ক্যেন্ লগেপ্রভুর পৌইদ্যেনে জ্ঞান্দোই পিত্‌থিমীগান পেলে পেলে অবঅ।‌‌

যিশাইয় 33:6

যুগে যুগে তেয়ই তারার্ রোক্ষ্যে গরানা, উদ্ধোর্, জ্ঞান আর বুঝিবার খেমতার ভান্ডাল্ ওই এজের্। লগেপ্রভু উগুরে ভোক্তিবলা দরান্ অলঅ তারার্ ধন।

যিশাইয় 40:5

সেক্কে লগেপ্রভুর্ বাঈনী ফগদাং গরা অবঅ, আর বেক মানুচ্চুনে সিয়েনি এক সমারে দেগিবাক্; লগেপ্রভু এ কধানি কোইয়্যে।”

যিশাইয় 6:3

তারা একজন আর একজনরে ডাগিনে কদন্, বেগত্তুন্ খেমতাবলা লগেপ্রভু পবিত্র, পবিত্র, পবিত্র; তা মহিমালোই পুরো পিত্‌থিমীগান্ ভর্‌পুনং।

যিরমিয় 31:34

নিজোর পাড়াল্যেবোরে আর নিজোর ভেইবোরে কনজনে ইয়েন কোইনে আর শিক্ষ্যে ন-দিবাক্, ‘লগেপ্রভুরে চিনিবাত্তে চিগো,’ কিত্তে বেক্কুনে মরে চিনোন্। সেনত্তে মুই তারার অন্যেয়ানি খেমা গুরিম, তারার পাপ্‌পানি আর কনদিন্‌অ ইদোত্ ন-রাগেম। মুই লগেপ্রভু এ কধাগান ।” কঙর্‍‍‍‍‍‍‍‍‍‍

যিহিষ্কেল 47:5

সে পরেদি তে আর এক আজার্ আত্ মাবিলো, মাত্তর্ পানি সেক্কে গাঙ্ ওই যানায় মুই পার্ ওই ন-পারিলুং, কিত্যে পানি বাড়ি যেইয়্যে আর সাজুরেদে ধোক্ক্যেন গভীন্ ওইয়্যে। সিয়েন্ এবাবোত্যে গাঙ্ ওইয়্যে যিয়েন্ কনজনে আঢিনে পার্ ওই ন-পারন্।

মীখা 2:9

মঅ মানুচ্চুনোর মোগ্‌‌কুনোরে তুমি তারার্ কোচ্‌‌পেইয়্যে ঘরত্তুন্ ধাবেই দুয়োর্। মঅ আশিদ্‌‌বাদত্তুন্ তারার্ পুয়ো-ঝিগুনোরে তুমি উমরত্তে বাদ দুয়োর্।

হবক্‌‌‌‌কূক 2:15

জাদ্‌তুনে কবাক্‌‌, অভিশাব্ দিই তারে, যে রাগ গুরিনে তা পাড়াল্যেগুনোরে দগ্ দগ্ মদ খাবায় আর মাত্তল্ গুরি ফেলায় যেনে তে তারারে লাংদা দেগে।

হবক্‌‌‌‌কূক 3:3

গোজেনে তৈমনত্তুন্ এজের্, সেই সুদ্ধো-সাংগ মানুচ্চো পারণ মুড়োবোত্তুন্ এজের্। তার্ মহিমাগান আগাজত্ সং লুমেগোই; পিত্‌থিমীগানে তার্ নাঙ্‌‌গিনেনালোই ভরা।

সফনিয় 3:9

সে পরেদি মুই জাদ্‌‌‌‌‌তুনোর মুয়োনি সিজি গুরিম যেনে তারা বেক্কুনে মরে উবোসনা গুরি পারন আর কানায় কানায় মিলিনে মরে সেবা গুরি পারন।

গণাণা 14:21

মাত্তর্‌ মুই বাঁজি আগং এই কধাগান যেধোক্ক্যেন সত্য আর গোদা দুনিয়েগান্‌ মর্‌ মহিমায়্‌ পরিবাদি এই কধাগান্‌ যেধোক্ষ্যেন সত্য সেধোক্ষ্যেন্ সত্য ,

ফগদাং পেইয়্যে 11:15

যেরেদি সাত-লম্বর স্বর্গদূত্‌তো তা তূরীবো বাজেল। সেক্কে স্বর্গত্ দাঙর্ দাঙর্ গুরিনে কুয়ো অলঅ, “জগদর্ রেজ্যগান ইক্কিনে আমার প্রভু আর তার্ মশীহর ওইয়্যে।

ফগদাং পেইয়্যে 15:4

প্রভু, কন্না বা তরে ন-দোরেব? কন্না বা তর্ নাঙানর্ বাঈনী ন-গুরিবো? বানা তুয়ই দঅ পবিত্র। বেক্‌ জাদ্‌তুনে তইধু এবাক্, বেক্কুনে তর্ উবোসনা গুরিবাক্; কিয়া তর্ ন্যায় বিচেরানি ফগদাং ওইয়্যে।”