হবক্‌‌‌‌কূক 1:4 - Chakma Bible

⁴ সুদোমানি খেমতানেইয়্যে ওই পোজ্যে আর কনদিন্‌অ ন্যায়বিচের্ ন-অর্। গম্ মানুচ্চুনোত্তুন্ পাজিগুনোর্ খেমতা বেশ্ বিলি বিচের্ উগুদো অর্।

হবক্‌‌‌‌কূক 1:4 ပူးပေါင်းရင်းမြစ်များ

১ রাজাবলী 21:13

সে পরেন্দি দ্বিজন বজং মানুচ্‌ এইনে নাবোতর্‌ মুজুঙোত্‌ বজিনে মানুচ্চুনোর্‌ ইদু তা বিরুদ্ধে এ সাক্ষীগান্‌ দিলাক্‌, তে গোজেন্‌ আর রাজার বিরুদ্ধে অগমানর্‌ কধা কোইয়্যে। সে পরেন্দি মানুচ্চুনে তারে শঅরর্‌ বারেন্দি নেযেইনে পাত্তর্‌ মেলাহ্ মারিনে মারে ফেলেলাক্‌।

ইয়োব 21:7

শদানুনে কিত্তেই বাঁজি থান্‌ আর কিত্তেই বা বুড়ো অন্‌? কিত্তেই তারার্‌ বলান্‌ বাড়ে?

গীতসংহিতা 11:3

কিত্তে কর্, “যুনি দুনিয়ে-সংসারর্ বেক্ আজল্ গোড়াগান ভাঙি ফেলা অয় সালে গোজেন ভক্তগুনোর্ গুরিবার আর্ কিচ্চু নেই”?

গীতসংহিতা 119:126

ও লগেপ্রভু, ইক্কিনে তর্ কামত্ লামিবার সময় ওইয়্যে; মান্‌জ্যে দঅ তঅ উগুমান্ অমান্য গোজ্যন্।

গীতসংহিতা 22:12

মর্ চেরোকিত্তে রোইয়োন যেন বলদ্ গোরুর পাল; যেনে বাশন দেজর্ বোলী বলদ্ গোরুগুনে মরে ঘিরি ধোজ্যন্।

গীতসংহিতা 22:16

মর্ চেরোকিত্তে একদল শদান্ মানুচ্ কুগুরো ধোক্ক্যেন্ মরে ঘিরি ধোজ্যন্; তারা মঅ আঢ্‌‌তানি আর টেঙানিত্ কামেড়েয়োন।

গীতসংহিতা 59:2

যিগুনে বজং কাম গুরি বেড়ান্ তারার আঢত্তুন্ মরে উদ্ধোর গর্; খুন গুরিয়্যেগুনোর আঢত্তুন মরে বাঁজা।

গীতসংহিতা 59:4

মুই কনঅ দুষ্ ন-গরং, তো তারা ধাবা এইনে মঅ বিরুদ্ধে লাক্ক্যন্। মরে বল্ দিবাত্তে তুই উদি আয়, মঅ দযাগান চাহ্।

গীতসংহিতা 94:3

আর কয়দিন, ও লগেপ্রভু, আর কয়দিন পাজি মানুচ্চুনে রঙ্গ-ফুত্তি গুরি থেবার জু পেবাক্?

যাত্রা 23:2

দশজনে অন্যেয়্‌ গোজ্যন্‌ বিলিই‌ তুইয়ো সেধোক্ক্যেন গুরিবাত্তে ন-যেচ্‌। কনঅ‌ মকদ্দমাত্‌ সাক্ষী দিবাত্তে যেইনেই মানুচ্ বেশ্ আগন্দে ইন্দি মিজেইনে ন্যায় বিচেরত্‌ মানা ন-গুরিচ্‌।

যাত্রা 23:6

“কনঅ‌ নাদা মান্‌জ্যর্‌ মকদ্দমাত্‌ অন্যেয় বিচের্‌ ন-গুরিবা।”

যিশাইয় 5:20

অভিশাব্ পোড়োক্ সেই মানুচ্চুনোর্, যিগুনে ভান্ন্যেয়ানরে গম্ কন্ আর গমানরে কন্ ভান্ন্যেই, যিগুনে পহ্‌রানরে আন্ধার্ আর আন্ধারানরে পহ্‌‌‌‌‌র বিলি মনে গরন্, যিগুনে মিদেগানরে তিদে আর তিদেগানরে মিদে বিলি মনে গরন্।‌‌

যিশাইয় 59:12

ও লগেপ্রভু, তঅ চোগেদি আমার অন্যেয়ানি বোউত্ বেশ্; আমা পাপ্‌পানিয়ে আমা বিরুদ্ধে সাক্ষি দে। আমা অন্যেয়ানি আমা সমারে সমারে আগে আর আমা দুষ্‌চানি আমি হবর্ পেই।‌

যিরমিয় 12:1

ও লগেপ্রভু, মুই যেক্কে তঅ বিরুদ্ধে কনঅ আবিত্তি গরং সেক্কে তুই যে নিদ্দুযি সিয়েনি নিত্য ফগদাং অয়। তো মুই তঅ বিচের পৌইদ্যেনে তঅ লগে কিজু কধা কোম্। পাজিগুনোর পথ্‌‍‍‌‌‌‌তান কেনে গম্ অয়? যিগুনে বেঈমানী গরন তারা কেনে আরামে বজত্তি গরন?

যিরমিয় 12:6

তঅ ভেইয়ুনে, অত্তাৎ তঅ বংশর নিজো মানুচ্চুনে তল্লোই বেঈমানী গোজ্যন; তারায়ো তঅ পিজেদি লাক্যন্। তঅ পৌইদ্যেনে গম্ কধা কলেয়ো তারারে বিশ্বেজ্ ন-গুরিচ্।

যিরমিয় 26:8

মাত্তর্ লগেপ্রভুর উগুম মজিম যিরমিয় বেক কধানি কনা যেক্কে থুম্ গুরিলো সেক্কে ধর্মগুরু, ভাবাবদী আর বেক মানুচ্চুনে তারে ধুরিনে কলাক্, “তত্তুন মরা পুরিবো।

যিরমিয় 8:7

সারস পেগ্‌‌কোয়ো নিজো সময়ান হবর্ পায়, আর কঅ, চাতক আর শালিক পেগ্‌কুনেয়ো তারার যেবার সময়ান ইন্দি খিয়েল রাগান, মাত্তর্ মঅ মানুচ্চুনে মর্ সুদোমানি ইন্দি মনযোগ ন-দুয়োন।‌

যিহিষ্কেল 9:9

তে জোবত্ মরে কলঅ, “ইস্রায়েল আর যিহূদার মানুচ্চুনোর পাপ অমকদ বেশ্; দেজ্‌‌‌‌‌‌চান লো-লোই ভরা আর শঅরান্ অন্যেয় কামত্ ডুবি যেইয়্যে। তারা কন্দে, ‘লগেপ্রভু এ দেজ্‌‌‌‌‌‌‌চান ছাড়ি যেইয়্যে; সেনত্তে তে ইয়েনি ন-দেগে।’

হোশেয় 10:4

মানুচ্চুনে বোউত্ বাজে কধা কন্ আর চুক্তি গুরিবার সময় মিজে শমক্ খান। সেনত্তে চাজ্ গোজ্যে ভূইয়োত্ বিষবলা হেরপদনা ধোক্ক্যেন মামলা-মগদ্দমা গেজেই উদে।

আমোষ 5:12

মুই হবর্ পাং তমা অন্যেয়ানি কত্তমান বেশ্ আর তমা পাপ্‌‌‌পানি কি জঘন্য! তুমি দঅ গম্ মানুচ্চুনো উগুরে অত্যেচার গরঅ আর ঘুষ হঅ; শঅর গেদোত্ তুমি নাঢা মানুচ্চুনোরে ন্যায়বিচের্ পেবাত্তে ন-দুয়ো।

আমোষ 5:7

তুমি দঅ ন্যায়বিচেরানরে তিদে গুরি তুল্য আর সততাগানরে মাদিত্ ফেলেয়ো।

মার্ক 7:9

যীশু তারারে আরঅ কলঅ, “গোজেনর্ উগুম বাদ্ দিইনে নিজোর সুদোমানি পালেবাত্তে গমেডালে গম্ পথ্‌তান্ তমার জানা আঘে।

প্রেরিত্‌ 7:52

এমন্‌ কনঅ ভাববাদী আঘে কি, যিবেরে তমা পূরোণি মানুচ্চুনে অত্যেচার্ ন-গরন্? এমন্‌ কি, যিগুনে সেই গম্ মান্‌‌জ্যর্, অত্তাৎ খ্রীষ্ট এবার্ কধাগান আগে কোইয়োন তারারেয়ো তারা মারে ফেল্ল্যন্। আর ইক্কিনে তুমি যীশুরে শত্রুগুনো আঢত্ ধুরি দিইনে তারে খুন্ গোরেইয়ো।

প্রেরিত্‌ 7:59

যেক্কে সাক্ষীগুনে স্তিফানরে পাত্তর্ মারদন্ সেক্কে তে তবনা গুরিনে কলদে, “প্রভু যীশু, মঅ আত্মাগানরে গুজি লঅ।”

রোমীয় 3:31

এ বিশ্বেজ্‌চানত্তে কি আমি সালে রীদি-সুদোম বাদ্ দি দির্? কনদিন্অ নয়, বরং রীদি-সুদোম কধা যে সত্য সিয়েনই আমি প্রমাণ গুরির্।

দ্বি’লম্বর বিররণ 16:19

তুমি অন্যেয়গুরিনে বিচের ন গুরিবা বা কারঅ পক্ষ ন নেযেবা। তুমি ঘুষ ন নেযেবা, কিত্যে ঘুষ জ্ঞানী মানুচ্চুনোর চোক্কুন কান্‌ গুরি দে আর নিদ্দুষী মানুচ্চুনোর কধাত্‌ প্যাঁচ লাগেই দে।