হবক্‌‌‌‌কূক 1:16 - Chakma Bible

¹⁶ সেনত্তে তারা তারার্ জালানর্ নাঙে য়েমান্ উৎসর্ব গরন্ আর টানা-জালর্ নাঙে আগর্‌বাট্টি জ্বালান্, কিত্যে তারার জালানিলোই তারা বোউত্ লাভ গরন্ আর গম্ গম্ হানা হান্।

হবক্‌‌‌‌কূক 1:16 ပူးပေါင်းရင်းမြစ်များ

গীতসংহিতা 22:29

পিত্‌‌থিমীর তাগোয়্যে মানুচ্চুনেয়ো সেক্কে তা মুজুঙোত্ হানা-দানা গুরিবাক্ আর তারে শ্রদ্ধা জানেবাক্;

যিশাইয় 37:24

তুই প্রভুরে টিট্‌‌‌কারি দিইনে আর বাড়্‌বো গুরিনে তঅ চাগরুনোরে কোই পাদেয়োচ্, তর্ বেক রথ্‌‌‌তানিলোই তুই মুড়োগুনোর্ মাঢাত্, লেবাননর্ বেগত্তুন্ অজল্ অজল্ মাঢাগুনোত্ উঠ্যস্, তার বেগত্তুন্ লাম্বা লাম্বা এরস গাজ্‌চুন আর গম্ গম্ বেরস গাজ্‌‌‌চুন্ কাবি ফেল্যস্, তার গভীন ঝারর্ দোল্ জাগায়ানত্ চোম্মোচ্,

যিরমিয় 44:17

আমি যিয়েনি কোইয়্যেই সিয়েনি বেক্কানি আমি হামাক্কায় গুরিবোং। যেবাবোত্যেগুরি আমি আমা পুরোণি মানুচ্চুনে, রাজাগুনে আর রাজার চাগরুনে যিহূদার শঅরত্ আর যিরূশালেমর পধে পধে আগাজ-রাণী নাঙে আগর্‌বাট্টি জ্বালেদং আর ঢাল্যে-উৎসর্বর অনুষ্ঠান গুরিদোং সেবাবোত্যেগুরি আমি গুরিবোং গুরিবোং। সে অক্তত্ আমার্ বোউত্ হানা এলঅ আর আমা অবস্থায়ো গম্ এলঅ আর আমি কনঅ দুঘ্ ন-পেই।

যিরমিয় 44:8

তুমি যিয়েনত্ বজত্তি গুরিবাত্তে এচ্চ্য সেই মিসর দেজর্ দেব-দেবেদাগুনোর মূত্তিগুনো মুজুঙোত্ আগর্‌বাট্টি জ্বালেইনে কিত্তে তুমি মর্ রাগ্‌কানরে জাগেইয়ো? তুমি দঅ নিজোরে ভস্ত গুরিবা আর পিত্‌‍‌‌থিমির বেক্ জাদর্ মানুচ্চুনে তমারে ঘিনেবাক্ আর তমা নাঙানিলোই অভিশাব্ দিবাক্।

যিহিষ্কেল 28:3

তুই দঅ দানিয়েলত্তুন্‌অ বেশ্ জ্ঞানী; বেক্ গুমুরো বিষয়ানি তর্ জানা আঘে।

যিহিষ্কেল 29:3

প্রভু লগেপ্রভু কোইয়্যেদে, ও মিসরর রাজা ফরৌণ, মুই তর্ বিপক্ষে। তুই নিজো গাঙ্ ভিদিরে পড়ি থেইয়্যে সেই দাঙর্ কুমোর্‌বো। তুই কোই থাচ্, নীল্ গাঙান্ তর্ আর তুই নিজোত্তে সিয়েন বানেয়োচ্।

দানিয়েল 5:23

সিয়েনর বদলে তুই নিজোরে স্বর্গর্ প্রভুর বিরুদ্ধে থিয়্যেয়োচ। গোজেন ঘরত্তুন আন্যে পিলেগুন তুই আনিবাত্যে বাজেই দুয়োচ্ আর তুই, তর্ আজল্ মানুচ্চুন, তঅ মোগ্‌‌কুনে আর যেরেদি ঘর মোগ্‌‌কুনে সিগুন্দোই আংগুর-রস হেইয়োন। তুই রূবো, সনা, পিদোল, লুয়ো, তক্তা আর পাত্তর্‌লোই বানেয়্যে যে দেবেদাগুনে ন-দেগন, ন-শুনোন্ আর ন-বুঝোন্ তারারে নাঙ্ গিনোদন। মাত্তর্ তুই গোজেনরে বাঈনী ন-গরচ্, যিবে আঢত্ আঘে তঅ জিংকানিগান আর তর্ বেক পথ্‌‌তানি।

হবক্‌‌‌‌কূক 1:11

সে পরেদি তারা বোইয়্যের্ ধোক্ক্যেন যান্। সে মানুচ্চুনে দুষী, কিত্যে তারা ইধু তারার্ খেমতাগান্ অলঅ তারার্ দেবেদা।”

দ্বি’লম্বর বিররণ 8:17

তুমি অয়ত কনজনে মনে মনে কোই পার, মর্‌ নিজোর্‌ বল্লোই, নিজোর আত্তোই কাম্‌ গুরিনে মুই এ বেক্‌ ধন-সোম্বোত্তিগানি গোজ্যং।