হবক্‌‌‌‌কূক 1:10 - Chakma Bible

¹⁰ তারা রাজাগুনোরে ঠাট্টা-মশ্‌‌‌‌কারি গরন্ আর শাজন্‌গুরিয়্যেগুনোরে ঈচ্ গরন্। তাম্বুলানি দেগিনেই তারা আজন্; তারা দেবাল্ পার অবাত্তে পাত্তর কুড়্ বানেইনে সে তাম্বুলানি গজক্ গুরি নেযান্।

হবক্‌‌‌‌কূক 1:10 ပူးပေါင်းရင်းမြစ်များ

২ রাজাবলী 24:12

যিহূদার রাজা যিহোয়াখীন, তা মাবো, তা বল্‌দিয়্যেগুনে, তা সেনাপতিগুনে আর তা কাম্‌গুরিয়্যেগুনে বেক্কুনে নবূখদ্‌নিৎসরর আঢত্‌ নিজোরে তুলি দিলাক্‌। নবূখদ্‌নিৎসরর রাজাগিরির আস্‌তো বজরত্‌ তে যিহোয়াখীনরে বন্দী গুরি নেযেল।

২ বংশধর 36:10

বজরর্‌ শেজত্‌ রাজা নবূখদ্‌নিৎসরে মানুচ্‌ পাদেইনে তারে আর তা লগে লগেপ্রভুর ঘরর্‌ মংগা পযাপিরানিয়ো বাবিলোত্‌ নেযেল, আর যিহোয়াখীনোর কুত্‌তো সিদিকিয়রে যিহূদা আর যিরূশালেমর রাজা বানেল।

২ বংশধর 36:6

বাবিলোর রাজা নবুখদ্‌নিৎসরে তারে আক্রমণ গুরিনে বাবিলোত্‌ নেযেবাত্তে তারে পিদোলর্‌ শিগোল্‌লোই বানিলো।

যিশাইয় 10:9

কল্‌নোর অবস্থা কি কর্কমীশ ধোক্ক্যেন্ নয়? হমাৎ কি অর্পদ ধোক্ক্যেন্ নয়? আর শমরিয়া কি দামেস্ক ধোক্ক্যেন্ নয়?

যিশাইয় 14:16

যিগুনে তরে দেগন্ তারা তন্দি চেই থান্। তারা তঅ অবস্থাগান্ দেগিনে কন্, যে পিত্‌‌‌‌থিমীগানরে লাড়েদ আর রেজ্যগানিরে জাগেরেদ ইবে কি সেই মানুচ্চো?

যিশাইয় 37:13

হমাতর রাজা, অর্পদর রাজা, সফর্বয়িম শঅরর রাজা আর হেনা আর ইব্বার রাজা কুদু?’ ”

যিরমিয় 30:5

মুই লগেপ্রভু কঙর্, সুগ্-শান্দির কিজেক্ নয় বরং অমকদ দর্‌‍গরেপারা কিজেক্ শুনো যেইয়্যে।

যিরমিয় 32:24

শঅরান্ নিবাত্তে কেধোক্ক্যেন গুরি দেবাল সমারে বাস্যেগুরি কুড়্ বানা অর্ সিয়েন তুই চাহ্। যুদ্ধো, ভাদরাত্ আর ভানা ভিদিরেদি শঅরান্ আক্রমণ গুরিয়্যে বাবিলীয়গুনো আঢত্ যেবঅ। তুই দঅ দেগর্, তুই যিয়েন কোইয়োচ্ সিয়েনই ওইয়্যে,

যিরমিয় 33:4

বাবিলীয়গুনো লগে যুদ্ধোর্ সময়োত্ দেবাল সমারে বাস্যে গুরি কুড়্ আর তলোয়ার আঢত্তুন্ রোক্ষ্যে পেবাত্তে এ শঅরর্ যেদক্কানি ঘর্ আর যিহূদার রাজঘরানি ভাঙি ফেলা ওইয়্যে সিয়েনি সেই বেক মানুচ্চুনোর মরাকিয়্যেলোই ভর্‌পুনং অবঅ যিগুনোরে মুই মর্ বেজার্ ওইনে আর রাগে মারে ফেলেম। তারার বেক্ পাজিগানিত্তে এ শঅর ইন্দিত্তুন্ মুই মঅ মুয়োন ফিরেই রাগেম। মুই ইস্রায়েলর গোজেন লগেপ্রভু এ কধাগান কঙর্।

যিহিষ্কেল 21:31

মঅ রাগ্‌‌‌‌‌কান মুই তমা উগুরে ঢালি দিম আর তমা বিরুদ্ধে মর্ অমকদ রাগর্ আগুনোত্ ফুন্ দিম। মুই তমারে এমন চিৎনপুজ্যে মান্‌‌‌‌‌‌‌জ্য আঢত্ তুলি দিম যিগুনে ভস্ত গুরিবার কামত্ কাবিল্।

যিহিষ্কেল 26:8

তে যুদ্ধো গুরিনে তর্ আদামানি ভস্ত গুরিবো। তে তঅ বিরুদ্ধে এক্কো অজল্ কুড়্ বানেব আর তর্ দেবাল সমারে বাস্যে এক্কো তলেদি কুড়্ বানেব; তারা নিজোরে রোক্ষ্যে গুরিবাত্তে তারার্ বেক্ ঢালানি অজল্ গুরি ধুরিবাক্।

সফনিয় 1:8

লগেপ্রভু কোইয়্যেদে, “মর্ সেই উৎসর্বর্ দিন্নোত্ মুই রাজার্ কামগুরিয়্যে গুনোরে, রাজার্ পুয়োগুনোরে আর বিদেশী কাবড় চুগোর্ উজ্যে বেক্ মানুচ্চুনোরে সাজা দিম।