পত্থম 9:5 - Chakma Bible

⁵ কনজনে যুদি তমারে খুন গরন্‌ সালে মুই হামাক্কায় তমার লোগানি বদলে তার লোগান, অত্তাৎ তা পরাণান্‌ দাবি গুরিম্‌, তে য়েমান ওক্‌ বা মানুচ্‌ ওক্‌। মান্‌জ্য পরাণান্‌ যে মানুচ্চো নেজেব সিবে পরাণান্‌অ নেযা অবঅ-ইয়েন মর্‌ দাবি।

পত্থম 9:5 ပူးပေါင်းရင်းမြစ်များ

পত্থম 42:22

রূবেণে তারারে কলঅ, “মুই দঅ তমারে কোইয়োং, ‘তা উগুরে কনঅ অন্যেয় ন-গোজ্য,’ মাত্তর্‌ তুমি সিয়েন ন-শুনো। ইক্কিনে তার্ লো ঝড়ানার্ ইজেব দিবার অক্ত ওইয়্যে।”

২ শমূয়েল 4:11

সালে যিগুনে এক্কো নিদ্দুজী মান্‌জ্যরে তা নিজোর্‌ ঘরত্‌ তা নিজোর্‌ বিচ্ছোন উগুরে খুন গোজ্যেন্, মুই সেই পাজি মানুচ্চুনোরে আরঅ যে কত্তমান্‌ বেশ্ সাজা দিম্। সেনত্তে মুই তমা আঢত্তুন্‌ তার্‌ লো ঝড়ানার্‌ হেনাগান দাবি গুরিম আর পিত্তিমীর্‌ উগুরেত্তুন্‌ তমারে তুলি দিম্।”

১ রাজাবলী 2:6

তুই তা লগে বুদ্ধি খাদেইনে চলিবে, মাত্তর্‌ বুড়ো বয়জত্‌ তুই তারে সুগে-শান্দিয়্যে মরণর জাগাত্‌ যেবাত্তে ন-দিবে।

২ রাজাবলী 11:1

যিহূদার রাজা অহসিয়োর মা অথলিয়া যেক্কে দেগিলো, তা পুয়োবো মুরি যেইয়্যে সেক্কে তে পূরো রাজবংশবোরে ভস্ত গুরিলো।

২ বংশধর 24:22

সখরিয় বাপ্পো যিহোয়াদা রাজা যোয়াশ উগুরে যে বিশ্বেজ্‌ছান্‌ দেগেয়্যে সিয়েন্‌ যোয়াশে মনত্‌ ন-রাগেইনে তা পুয়োবোরে মারে ফেলেল। সখরিয় মুরি যেবার অক্তত্‌ কোইয়্যেদে, “লগেপ্রভু এ কামান্‌ দেগিনে তরে সাজা দিবো।”

২ বংশধর 33:24

আমোনর কাম্‌গুরিয়্যেগুনে তা বিরুদ্ধে কুজুরোমি গুরিনে রাজঘরদই তারে খুন্‌ গুরিলাক্‌।

২ বংশধর 33:25

মাত্তর্‌ যিগুনে রাজা আমোন বিরুদ্ধে কুজুরোমি গোজ্যন্‌ দেজর্‌ মানুচ্চুনে তারারে বেক্কুনোরে মারে ফেলেলাক্‌ আর তারা তার্‌ পুয়ো যোশিয়রে তা জাগানত্‌ রাজা বানেলাক্‌।

গীতসংহিতা 9:12

কিয়া যিবে লো ঝরানার্ হেনা সুজে তে মারে ফেলেয়্যে মানুচ্চুনোরে ভুলি ন-যায়, দুঘি মানুচ্চুনোর্ কানানিগানি তে এলাফেলা ন-গরে।

যাত্রা 20:13

খুন্‌ ন-গোজ্য।

যাত্রা 21:12

কনঅ‌ মান্‌জোরে আঘাত্‌ গুরিবার্‌ কারনে যুনি তার্‌ মরণ অয়্‌ সালে আঘাত গুরিয়্যেবোরে হামাক্কায়্‌ মারে ফেলা পুরিবো।

লেবীয় 19:16

কাররে ইংসে-নিন্দে গুরি বেড়ানা ন-চলিবো। কনঅ মান্‌জ্যর্‌ পরাণানর্‌ ক্ষোতি ওই পারে এধোক্ক্যেন কিজু গরানা ন-চলিবো। মুই লগেপ্রভু।

লেবীয় 24:17

“যুনি কনজনে কাররে খুন গরন্‌ সালে তারেয়ো মারে ফেলা অবঅ।

লেবীয় 24:21

য়েমান মারে ফেলেলে ক্ষেতি পূরোণ দিয়্যে পুরিবো, মাত্তর্‌ মানুচ্‌ মারে ফেলেলে মরা পুরিবো।

গণাণা 35:16

কনঅ মানুচ্ যুনি লুয়োর্‌ জিনিস্‌সোই কাররে আঘাত গরে আর সেক্কে তে মুরি যায় সালে তে খুনি। সেই খুনিবোরে মারে ফেলা পুরিবো।

গণাণা 35:17

যিয়েন্‌দোই মানুচ্ মারে ফেলা যায় এধোক্ক্যেন কনঅ পাত্তর্‌ যুনি কারঅ আদত্‌ থায়্‌ আর সিবেলোই যুনি তে কাররে আঘাত গরে আর সেক্কে তে মুরি যায় সালে তে খুুনী। সেই খুনীবোরে মারে ফেলা পুরিবো।

গণাণা 35:18

যিয়েনিলোই মানুচ্ মারে ফেলা যায় এধোক্ক্যেন কনঅ তক্তার জিনিস যুনি কারঅ আদত্‌ থায় আর সিয়েনিলোই যুনি তে কাররে আঘাত্‌ গরে আর সেক্কে তে মুরি যায় সালে তে খুনী। সেই খুনীবোরে মারে ফেলা পুরিবো।

মথি লেখ্যে গম্ হবর্ 23:35

সেনত্তে নিদ্দুজি হেবল খুনোত্তুন্ ধুরি আরাম্ভ গুরিনে তুমি যে বরখিয়র্ পুয়ো সখরিয়রে পবিত্র জাগা আর পূজোবো সংমোধ্যে খুন্ গোজ্য, সেই সখরিয়র খুন্ সং পিত্‌থিমীত্ যিদুক্কুন্ নিদ্দুজি মানুচ্ খুন্ ওইয়োন্ তুমি সেই বেক্ লো-গানির্ দায়ী অবা।

প্রেরিত্‌ 17:26

তে এক্কো মান্‌‌‌জ্যত্তুন্ বেক্‌ জাদর্ মানুচ্চুন বানেয়্যে যেন তারা গোদা পিত্‌থিমীগানত্ বজত্তি গরন্। তারা কক্কে কুধু বজত্তি গুরিবাক্ সিয়েন্অ তে ঠিগ্ গুরি দিয়্যে।

দ্বি’লম্বর বিররণ 19:11

মাত্তর্‌ যুনি কনজনে ইংসে গুরিনে কাররে মারে ফেলেবাত্যে উত্‌ পাদিনে বোই থান্‌ আর তারে আক্রমণ গুরিনে মারেই ফেলান আর পরেন্দি তার্‌ কায়-কুরে আশ্রয়-শঅরানত্‌ ধেই যান,

দ্বি’লম্বর বিররণ 19:12

মাত্তর্‌ তার শঅরর্ বুড়ো নেতাগুনে মানুচ্‌ পাদেইনে সে শঅরত্তুন্‌ তারে ধুরি আনিবাক্ আর লো-গানর হেনা যিবের সুঝিবার কধা তার আদত্‌ তারে মারে ফেলেবাত্তে তুলি দিবাক্।

বিচের গুরিয়্যেগুন 9:56

সত্তুরজন ভেইয়োরে মারে ফেলেনেই অবীমেলকে তা বাবঅ উগুরে যে অন্যেয়ানি গোজ্যে গোজেনে ইঙিরিনেই তার পাওনা সাজা দিলো।