পত্থম 9:3 - Chakma Bible

³ জেদা আর ঘুরি বেড়েয়্যে বেক্‌ প্রাণীগুন তমার হানা অবঅ। হানা ইজেবে মুই আগে যেবাবোত্যে তমারে শোজ্য আর শাক্‌-পাদ্ দুয়োং সেবাবোত্যে ইক্কিনে বেক্কানি তমারে দিলুং;

পত্থম 9:3 ပူးပေါင်းရင်းမြစ်များ

পত্থম 9:2

পিতথিমীর্ বেক্‌ য়েমানুন্, আগাজ পেক্কুন, বুগেদি-আঢি বেড়েয়্যে পরান্‌‌‌‌‌বলাগুন, আর বড়্‌গাঙ মাচ্চুনে তমারে অমকদ দোরেইনে চলিবাক্‌। ইগুন তমা আঢত্‌ দিয়্যে অলঅ।

লেবীয় 22:8

তে কনঅ মরা য়েমান বা ঝার্‌বো য়েমানে হেই ফেলেয়্যে য়েমানর্‌ য়েরা হেইনে নিজোরে ফি-বলা গুরি ন-পারিবো। মুই লগেপ্রভু।

রোমীয় 14:14

প্রভু যীশু সমারে মিজেয়োং বিলিনে মুই গমেডালে কোই পারং যে, আজলে কনঅ হানা অসিজি নয়, মাত্তর্ কেঅ যুনি কনঅ হানাগানরে অসিজি মনে গরে সালে সিয়েন তা ইধু অসিজি।

রোমীয় 14:17

গোজেন রেজ্যত্ হানা-দানা দাঙর্ কধা নয়; দাঙর্ কধা অলঅ, পবিত্র আত্মার্ মাধ্যমে গম্ পধেদি চলানা আর সেক্কে সুগ্-শান্দি, মন হুজি থায়।

রোমীয় 14:20

কনঅ হানাত্যে গোজেনর্ কাম্ বর্‌বাদ্ ন-গোজ্জ্য। বেক্‌ হানাগানি সিজি, মাত্তর্ কেঅ কিজু হেইনে যুনি অন্য মনত্ সিয়োংচমা গরে সালে সিয়েন হানা তাত্যেই অন্যেয়।

রোমীয় 14:3

চোইদ্দ্যে হেইয়্যেবো যেন শাক্-পাত্ হেইয়্যেবোরে ঈচ্ ন-গরে আর শাক্-পাত্ হেইয়্যেবো যেন চোইদ্দ্যে হেইয়্যেবোরে দুষ্ ন-ধরে, কিয়া গোজেনে দঅ সেই দ্বিজনরে আপন গুরি লোইয়্যে।

১ করিন্হীয় 10:23

কেঅ কেঅ কন্, “কনঅ কিজু গরানা অনুচিত্ নয়।” সিয়েন ঠিগ্, মাত্তর্ বেক্কানি যে মান্‌জ্যর উপকার গরে সিয়েন নয়। কনঅ কিজু গরানা অনুচিত্ নয় ঠিগ্, মাত্তর্ বেক্কানিয়ে যে মান্‌জ্যরে গোড়েই তুলে সিয়েন নয়।

১ করিন্হীয় 10:31

সেনত্তে তুমি হানা-দানা গরঅ আর যিয়েনই গরঅ, বেক্কানি গোজেনর্ বাঈনী গুরিবাত্তে গরঅ।

দ্বি’লম্বর বিররণ 12:15

মাত্তর্‌ তমার গোজেন লগেপ্রভু তমারে আশিদ্‌বাদ গুরিনে যিদুক্কুন য়েমান দিবো সিগুন্‌ যে কনঅ আদামত্‌ বা শঅরত্‌ কাবিনে তমা আওজ্ মজিম্‌ য়েরা হেই পারিবা, যেধোক্ক্যেন গুরিনে তমার্‌ সিজি-অসিজি বেক্‌ মানুচ্চুনে চঙড়া বা উরিঙ্‌ য়েরা খান।

কলসীয় 2:16

সেনত্যে হানা-দানা বা ধর্মীয় কনঅ পরব্ বা আঙোচ্চ্যা বা জিরেবার দিন্নোলোই তমারে দুষ্ দিবার্ অধিকার কারর্ নেই।