পত্থম 8:9 - Chakma Bible

⁹ মাত্তর্ সেক্কেয়ো গোদা পিত্‌থিমীয়ান উগুরে পানি এলঅ, সিয়েনত্তে কনঅ জাগাত্‌ টেং থবার জাগা ন-পেইনে তে জাহাজত্‌ নোহ ইধু ফিরি এলঅ। নোহ আত্‌ বাড়েইনে সে কোদোরবোরে জাহাজত্‌ তা ইধু নিলো।

পত্থম 8:9 ပူးပေါင်းရင်းမြစ်များ

পত্থম 8:10

সে পরেদি তে আরঅ সাত দিন বাজ্জেই থানার পর আর সে কোদোরবোরে জাহাজত্তুন্‌ ইরি দিলো।

পত্থম 8:8

মাদি উগুরেত্তুন্‌ পানি কুমি গেলঅ নাহি সিয়েন জানিবাত্তে নোহ ইয়েন পরেদি এক্কো কোদোর্ ইরি দিলো।

গীতসংহিতা 116:7

ও মর্ পরাণান, আরঅ এক্কানা অলর্ অ, কিত্তে লগেপ্রভু তরে বোউত্ ভালেদি গোজ্যে।

যিশাইয় 60:8

নিজোর্ বাহ্‌‌বো ইন্দি কঅগুনে যেধোক্ক্যেন উড়ি এজন্ সেধোক্ক্যেন ইগুন কন্না মেঘ ধোক্ক্যেন উড়ি এত্তন্?

যিহিষ্কেল 7:16

যিগুনে বাঁজি থেবাক্ আর ধেই যেবাক্ তারা বেক্কুনে মুড়োই মুড়োই থেবাক্ আর পত্তিজনে তা পাপত্তে কলগ কঅ ধোক্ক্যেন আবিলেচ্ গুরিবাক্(দুগুরিবাক্)।

মথি লেখ্যে গম্ হবর্ 11:28

“তুমি যিগুনে অরান্ ওইয়ো আর ভুধি বুগিনে বেড়র্, তুমি বেক্কুনে মইধু এজঅ; মুই তমারে জিরেবাত্তে দিম্।

যোহন 16:33

মুই তমারে ইয়েনি বেক্কানি কলুং যেন তুমি মঅ সমারে আঘঅ কিনেই মনত্ শান্তি পঅ। এ জগদত্ তুমি কষ্ট আর চাপ মুয়োত্ আঘ, মাত্তর্ সাহচ্‌ ন-আরেইয়ো; মুয়ই জগদ্‌তানরে জয় গোজ্যং।”

দ্বি’লম্বর বিররণ 28:65

সেই বেক্‌ জাদ্‌তুনো ভিদিরে তুমি শান্তি ন-পেবা, আর তমার জিরেবাত্তে কনঅ জাগা ন-থেবঅ। সিয়েনত্ লগেপ্রভু তমার মনানি ভান্ন্যেই চিদেলোই ভোরেই তুলিবো আর আজা গুরি চেই রোইয়্যে চোখ্‌কুন্‌ তমার চুলেই উদিবাক, আর তমার মনানি নিরাজাই ভোরেই দিবো।