পত্থম 8:2 - Chakma Bible

² ইয়েন আগেদি মাদি তলেত্তুন্‌ বেক্‌ পানিগান নিগিলেনা আর আগাজর্‌ বেক্‌ ফাদা মারানি নাঢা গেলঅ সেক্কে আগাজত্তুন্ ঝড় পড়ানায়ো থামেল।

পত্থম 8:2 ပူးပေါင်းရင်းမြစ်များ

পত্থম 7:11

নোহ বয়সচান যেক্কে ছয়শ বজর চলের্‌, সে বজরত্‌ দ্বি মাস সতর দিনোত্‌ মাদি তলেত্তুন্ বেক্‌ পানিগান অদাদৎ নিগিলি এজা ধুরিলো আর আগাজচানত্‌অ যেন্‌ ফাদামারা ধোজ্যে।

পত্থম 7:12

চোল্লিশ দিন আর চোল্লিশ রেত্‌ সং পিত্‌থিমীয়ান উগুরে ঝড় পড়া ধুরিলো।

পত্থম 7:4

মুই আর সাত দিন পরেদি পিত্‌থিমীগান উগুরে ঝড় ফেলেবার বেবস্থা গুরিম্‌। সেক্কে চোল্লিশ দিন আর চোল্লিশ রেত্‌ সং ঝড় পড়িবো। মুই মাদি উগুরে যিদুক্কুন পরান্‌‌বলা ‌বানেয়োং তারারে বেক্কুনোরে পিত্‌থিমীগান উগুরেত্তুন্ তুলি দিম।”

ইয়োব 38:16

বড়গাঙর্ জর্মেয়্যে জাগানত্ কি তুই যেইয়োচ্ বা সাগর তলাত্ আট্যচ্?

ইয়োব 38:37

মেঘ্‌কানিরে গুণিনে চেবার্ বলান্ কার্ আঘে? আগাজর্ পানিগান কুম্মো কন্না উল্লেই পারে,

গম্ উপদেজ্ 8:28

তে যেক্কেনে উগুরেদি আগাজ্‌ছান থিদেবর্ গোজ্যে আর মাদি তলেদি দাঙর্ দাঙর্ পয়নালাগুন দরমর গুরি থিদেবর্ গোজ্যে,

যোনা 2:3

তুই মরে গভীন্ পানিত্, সাগর তলাত্ ফেলেই দিলে আর মুই গঙার সংমোধ্যে ভাজি গেলুং; তর্ বেক তুবোলুন্ মঅ উগুরেদি বেঈ গেলঅ।

মথি লেখ্যে গম্ হবর্ 8:9

মুই এ কধাগান হবর্ পাং কিয়া মত্তুন্অ অন্যগুনোর্ কধামজিম্ চলা পড়ে আর সৈন্যগুনে মঅ কধামজিম্ চলন্। মুই একজনরে ‘যাহ্’ কলে তে যায়, অন্যজনরে ‘আয়’ কলে তে এজে। মঅ চাগর্‌বোরে ‘ইয়েন গর্’ কলে তে সিয়েন্ গরে।”