পত্থম 7:23 - Chakma Bible

²³ গোজেনে এধোক্ক্যেনগুরি মাদি উগুরে বেক্‌ পরাণবলাগুনোরে পিত্‌থিমীগান উগুরেত্তুন্‌ তুলি ফেলেল। সেক্কে মানুচ্‌, য়েমান, বুগেদি-আঢি বেড়েয়্যে প্রাণী আর আগাজ পেক্কুনে পিত্‌থিমীয়ান উগুরেত্তুন্ শেজ্ ওই গেলাক্। বানা নোহ আর তা সমারে যিগুনে জাহাজত্‌ এলাক্‌ সিগুনে বাঁজি এলাক্ ।

পত্থম 7:23 ပူးပေါင်းရင်းမြစ်များ

পত্থম 6:17

আর দেগিবে, মুই পিত্‌থিমীত্‌ এন্‌ এক্কান পানি বান্ গুরি দিম্‌ যেনে আগাজ তলে যে বেক্‌ প্রাণীগুন নিজেস্‌ ফেলেনে বাঁজি আগন্‌ সিগুন বেক্কুন শেজ্ ওই যেবাক্। পিত্‌থিমীর বেক্‌ প্রাণীগুন সেক্কে মুরি যেবাক্।

পত্থম 8:18

সেক্কে নোহ তা মোক্কোরে আহ্ পুয়োগুনোরে আর তা পূদবোগুনোরে লোইনে জাহাজত্তুন্‌ নিগিলি এলঅ।

ইয়োব 5:19

ছগান্ দযাত্তুন্‌ তে তরে রোক্ষ্যে গুরিবো, সাত্‌তান দযার্‌ সময় তমার্‌ কনঅ খেতি ন-অবঅ‌।

গীতসংহিতা 91:1

দাঙর্ গোজেনর আশ্রয়ত্ যে বজত্তি গরে তে বেগত্তুন্ খেমতাবানর ছাবাত্ থায়।

গীতসংহিতা 91:7

অয়ত তর্ এককিত্তেন্দি পুরিবো আজার জন, আর দশ আজার পুরিবাক্ ডেন আঢেন্দি, মাত্তর্ ইগুনে তইদু ন-এবাক্।

গম্ উপদেজ্ 11:4

যেদিন্যে গোজেন রাগ্‌কান লামি এবঅ সেদিন্যে ধন কনঅ কামত্ ন-লাগিবো, মাত্তর্ গোজেন উগুরে ভোক্তিগানে মরণত্তুণ্ রোক্ক্যে গুরিবো।

মথি লেখ্যে গম্ হবর্ 25:46

সে পরেদি যীশু কলঅ, “এই মানুচ্চুন্ উমরত্তে সাজা পেবাক্, মাত্তর্ সেই গোজেন্ ভক্ত মানুচ্চুনে উমর জিংকানি ভোগ্ গুরিবাত্তে যেবাক্।”

ইব্রীয় 11:7

যিয়েন সেক্কেয়ো দেগা ন-যায় সেই পৌইদ্যেনে গোজেনে নোহরে উজিয়ার্ গোজ্জ্যে। নোহ গোজেন-ভক্ত এলঅ বিলি গোজেনর্ কধা বিশ্বেজ্ গুরিনে এক্কান জাহাজ বানেয়্যে, যেনে তা ঘোর্‌বোবু রোক্ষ্যে পায়। নোহ তার্ বিশ্বেজ্‌চান্দোই জগদ্‌তানরে দুষি বিলিনে প্রমাণ গোজ্জ্যে আর গোজেন ইধু নিদ্দুজি বিলিনে মানি লবার্ অধিকার পেয়্যে, যিয়েন বানা বিশ্বেজর্ কারনে পাহ্ যায়।

১ পিতর 3:20

ভালোক্ দিন আগে নোহর সেই জাহাজ্‌চান বানেবার সময়োত্ গোজেনে যেক্কে ধৈয্য ধুরিনে বাজ্জেই রোইয়্যে সেক্কে যিগুনে অবাধ্য ওইয়োন এ আত্মাগুন তারার্। সেই জাহাজত্ উদিনে বানা কয়েক্‌জন, অত্তাৎ বানা আস্‌টোজন সেই পানিগানত্তুন্ বাচ্চ্যন্।

২ পিতর 2:5

আর তে সেই পুরোণি জগদ্‌তানরেয়ো ইরি ন-দে, বরং গোজেন উগুরে ভোক্তি-নেইয়্যে মানুচ্চুনো উগুরে পানি বান্ আন্ন্যে; মাত্তর্ নোহ আর অন্য সাতজনরে তে বাজেয়্যে। এই নোহ গোজেন-ভোক্তি পৌইদ্যেনে ফগদাং গুরিদো।

২ পিতর 2:9

ইয়েনিত্তুন্ দেগা যেদঅ, যিগুনে প্রভুরে ভোক্তি গরন্ তারারে তে দজাত্তুন্ রোক্ষ্যে গুরি জানে। ইগুনবাদে যিগুনে গোজেনভক্ত নয়, বিশেজ্‌গুরি যিগুনে তারার্ পাপ-খাচ্চ্যদর্ ভান্ন্যেই আওজ্ মজিম চলন্ আর শাসনানি তুচ্চো গরন্, তে তারার্ সাজা পেবাত্যে বিচেরর্ দিন্নো সং থোই জানে।

২ পিতর 3:6

সেলক্কে সেই জগদ্‌তান বান পানিয়ে ভস্ত ওই যেইয়্যে।