পত্থম 7:21 - Chakma Bible

²¹ ইয়েনত্তে মাদি উগুরে ঘুরি বেড়েইয়্যে বেক্‌ প্রাণীগুন, পেক্‌, ঘরত্‌ পালেয়্যে আর ঝাড় য়েমানুন্, ঝাক্‌বানি বেড়েইয়্যে চিগোন চিগোন প্রাণীগুন আর বেক্‌ মানুচ্চুনে মুরি গেলাক্।

পত্থম 7:21 ပူးပေါင်းရင်းမြစ်များ

পত্থম 1:25

গোজেনে পিত্‌থিমীর নানান্‌ জাদর ঝাড়্‌বো, ঘর্‌বো আর বুক্কোই-আদি যেইয়্যে পরাণবলা সৃট্টি গুরিলো। ইগুনোর বেক্কুনোত্তুন্ নিজোর নিজোর জাদরে বাড়েবার খেমতা এলঅ। গোজেনে দেগিলদে সিয়েন জদবদে দোল্‌ ওইয়্যে।

পত্থম 6:13

এ অবস্থাগান দেগিনে গোজেনে নোহরে কলঅ, গোদা মান্‌জ্য জাদতোরে মুই শেজ্ গুরি ফেলেম্‌ বিলিনে ঠিগ্ গোজ্যং। মানুচ্চুনোত্তে পিত্‌থিমীয়ান অত্যেচার-অবিচারে ভুরি উঠ্যে। মানুচ্চুনো সমারে পিত্‌থিমীর বেক্কানি মুই শেজ্ গুরিবাত্তে যাঙর্‌।

পত্থম 6:17

আর দেগিবে, মুই পিত্‌থিমীত্‌ এন্‌ এক্কান পানি বান্ গুরি দিম্‌ যেনে আগাজ তলে যে বেক্‌ প্রাণীগুন নিজেস্‌ ফেলেনে বাঁজি আগন্‌ সিগুন বেক্কুন শেজ্ ওই যেবাক্। পিত্‌থিমীর বেক্‌ প্রাণীগুন সেক্কে মুরি যেবাক্।

পত্থম 7:4

মুই আর সাত দিন পরেদি পিত্‌থিমীগান উগুরে ঝড় ফেলেবার বেবস্থা গুরিম্‌। সেক্কে চোল্লিশ দিন আর চোল্লিশ রেত্‌ সং ঝড় পড়িবো। মুই মাদি উগুরে যিদুক্কুন পরান্‌‌বলা ‌বানেয়োং তারারে বেক্কুনোরে পিত্‌থিমীগান উগুরেত্তুন্ তুলি দিম।”

ইয়োব 34:15

সালে বেক্ মানুচ্চুনে একসমারে ভস্ত ওই যেদাক্, তারা আরঅ ধূল্যে ওই যেদাক্।

যিশাইয় 24:19

পিত্‌থিমীগান কট্টা কট্টা অবঅ, পিত্‌‌‌থিমীগান ভাঙি পুরিবো, পিত্‌‌‌থিমীগান অমকদ গির্‌গিরেব।

যিশাইয় 24:6

সেনত্তে এক্কান অভিশাবে পিত্‌‌‌থিমীগানরে গিলিবো; তা মানুচ্চুনে দুষি অবাক্। সেনত্তে পিত্‌থিমীর আদাম্মেগুনোরে পুড়ি ফেলা অবঅ আর খুব কম মানুচ্ বাঁজি থেবাক্।‌

হোশেয় 4:3

ইয়েনত্তে দেজ্‌চানে আবিলেচ্ গরের আর যিগুনে দেজ ভিদিরে বজত্তি গত্তন্ তারা শেজ্ ওই যাদন আর য়েমান, পেগ্ আর মাছ মুরি যাদন্।

যোয়েল 2:3

তারার্ আগে আগে গিলি ফেলেয়্যে আগুনানে আর তারা পিজেদি আগুনো জিলান্ জ্বলের্। তারা মুজুঙোত্ দেজ্‌‌চান যেন এদন বাগান ধোক্ক্যেন্, আর তারা পিজেদি ভস্ত ওই যেইয়্যে ধূল্যেচর-চাগালাগান; কিচ্ছু সিয়েনত্তুন্ রোক্ষ্যে ন-পার্।

সফনিয় 1:3

মানুচ্ আর য়েমান, আগাজ পেগ্‌কুন আর সাগরর মাছ্‌চুন মুই শেজ্ গুরি দিম। মুই পাজিগুনোর্ অধপতন ঘোদেম্। পিত্‌‌‌‌থিমীর উগুরেত্তুন্ মুই মানুচ্চুনোরে ভস্ত গুরি দিম।

মথি লেখ্যে গম্ হবর্ 24:39

যেদক্ বিলোন্ সং বান পানিগান্ এইনে তারারে বেক্কুনোরে ভাজেই ন-নেযেল সেদক্ বিলোন্ সং তারা কিচ্চু বুঝি ন-পারিলাক্। মান্‌জ্য পুয়োবোর্ এজানাগান ঠিগ্ সেবাবোত্যে অবঅ।

লূকে লেখ্যে গম্ হবর্ 17:27

নোহ জাহাজত্ ন-সমানা সং আর পানিবান্ এইনে মানুচ্চুনোরে বেক্কুনোরে ভস্ত ন-গরানা সং পত্তিজনে হানা-দানা গরানাত্ রোইয়োন, আর মিলে-মরদে লোলি গোজ্যন্।

রোমীয় 8:20

কিয়া সৃট্টির্ উদ্দেশ্যগান্ বিফল ওই যেইয়্যে। খালিক্, নিজোর্ আয়োজে সিয়েন ন-অয়; গোজেনে তারে বিফলতার্ আঢত্ ইরি দিয়্যে। মাত্তর্ তা সমারে সমারে এ আজাগান দিয়্যেদে যে,

রোমীয় 8:22

আমি কোই পারিই, গোদা সৃট্টিগান্ যেন এক্কান জদবদে পো-ফুদোইদ্যে ধোক্ক্যেন সুলোনিয়ে ইক্কিনেও ওমা-হদা গরের্।

২ পিতর 2:5

আর তে সেই পুরোণি জগদ্‌তানরেয়ো ইরি ন-দে, বরং গোজেন উগুরে ভোক্তি-নেইয়্যে মানুচ্চুনো উগুরে পানি বান্ আন্ন্যে; মাত্তর্ নোহ আর অন্য সাতজনরে তে বাজেয়্যে। এই নোহ গোজেন-ভোক্তি পৌইদ্যেনে ফগদাং গুরিদো।