পত্থম 7:14 - Chakma Bible

¹⁴ তারা সমারে পত্তি জাদত্তুন্ এক জোড়া গুরি ঝাড়্‌বো আর ঘরত্‌ পালেয়্যে য়েমান, বুগেদি-আঢি বেরেয়্যে প্রাণী আর নানান্‌ বাবোত্যে পেগ্অ উদিলাক্ ।

পত্থম 7:14 ပူးပေါင်းရင်းမြစ်များ

পত্থম 1:21

এধোক্ক্যেন গুরি গোজেনে দোজ্যে সাগরর দাঙর্‌ দাঙর্‌ পরাণবলা আর পানিত্‌ একযদা গুরি বেড়েইয়্যে নানান্‌ জাদর জেদা পরাণবলা সৃট্টি গুরিলো। সিগুন বাদেয়ো গোজেনে নানান্‌ জাদর পেগঅ সৃট্টি গুরিলো। তারার বেক্কুনোর নিজোর নিজোর জাদ ধোক্ক্যেন বংশ বাড়েবার খেমতা ওইয়্যে। গোজেনে দেগিলদে সিয়েন জদবদে দোল্‌ ওইয়্যে।

পত্থম 1:24

সিয়েন পরেদি গোজেনে কলঅ, “মাদিত্তুন্‌ এধোক্ক্যেন জেদা পরাণবলার্ জর্ম ওক্‌ যিগুনোর নিজোর নিজোর জাদরে বাড়েই তুলিবার খেমতা থেবঅ। সিগুনো ভিদিরে ঘরত্‌ পালেয়্যে, ঝাড়্‌বো আর বুক্কোই-আঢি বেড়েইয়্যে পরাণবলা থাদোক্‌”। আর সিয়েনি অলঅ।

পত্থম 6:19

তঅ লগে বাজে রাগেবাত্ত্যে তুই পত্তি জাদর্ জেদা প্রাণীত্তুন্ মিলে-মরদ মিলেইনে এক জোড়া গুরি জাহাজত্‌ তুলি নেযেবে।

পত্থম 7:13

যেদিন্যে ঝড় পড়ানা আরাম্ভ অলঅ সেদিন্যে নোহ, তা মোক্কো, তা পুয়ো শেম, হাম, যেফৎ আর তা তিন্নো পূদবো যেইনে জাহাজছানত্‌ উদিলাক্।

পত্থম 7:15

নিজেস্‌ বলা জেদা বেক প্রাণীগুন্‌ জোড়ায় জোড়ায় নোহ ইধু জাহাজত্‌ যেইনে উদিলাক্।