পত্থম 6:9 - Chakma Bible

⁹ ইয়েন অলঅ নোহ জীংকানির্ কধা। নোহ এক্কো গম্‌ মানুচ্‌ এলঅ। তা সময়ানত্‌ মানুচ্চুনো ভিদিরে তেয়ই এলঅ গম্‌। গোজেন লগে তার দোল্‌ উদো-লোলি এলঅ।

পত্থম 6:9 ပူးပေါင်းရင်းမြစ်များ

পত্থম 10:1

ইবে অলঅ নোহর পুয়ো শেম, হাম আর যেফত বংশর কধা। পানি বান পরেদি তারারঅ পুয়ো ওইয়োন্।

পত্থম 17:1

অব্রাম বয়জ যেক্কে নিরেনোব্বোই বজর সেক্কে লগেপ্রভু তারে দেগা দিইনে কলঅ “মুয়ই বেগত্তুন্ খেমতাবলা গোজেন। তুই মঅ সমারে উদোলোলিগান্ রাগা আর মর্‌ আওজ্ মজিম্‌ আঢিবে।

পত্থম 2:4

সৃট্টির পরেদি আগাজ্‌চান আর পিতথিমীয়ানর কধা: লগেপ্রভু গোজেনে যেক্কে আগাজ্‌চান আর পিতথিমীগান্ বানেল সেক্কে পিতথিমীয়ানর বুগোত্‌ শোজ্য জাদর্‌ কনঅ গাছ-বাশ ন-এলাক্ আর ক্ষেত্‌-ক্ষেত্তিয়ো জর্মানা আরম্ভ ন-অয়, কিত্তে সেক্কেয়ো তে পিতথিমীয়ান উগুরে ঝড় পড়িবার যুক্কোল ন-গরে। সিয়েনবাদে ভূইয়োত্‌ চাষ-বাজর্‌ কাম্‌ গুরিবাত্তে কনঅ মানুচ্‌অ ন-এলাক্।

পত্থম 48:15

সে পরেদি তে যোষেফরে বর্ দিইনে কলঅ, “সেই গোজেন, যিবের মনে মন্‌‌জক্কাগুরি মর্‌ পূরোণি মানুজ্‌ অব্রাহাম আর ইস্‌হাকে চলিদো, মঅ জীংকানির্‌ পোইল্যেত্তুন্‌ ধুরি এচ্চ্যে সং যিবে মরে য়েমান্‌ চোড়েয়্যে ধোক্ক্যেন পালেই এজের্‌,

পত্থম 5:1

ইবে অলঅ আদম বংশগুনোর্ কধা। মানুচ্‌ সৃট্টি গুরিবার অক্তত্‌ গোজেনে তারে তা নিজো ধোক্ক্যেন গুরি বানেল;

পত্থম 5:22

মথূশেলহর জর্মানার পরেদি তিনশ বজর সং গোজেন লগে হনোকর উদো-লোলি এলঅ। এ ভিদিরে তার আরঅ ঝি-পুয়ো ওইয়োন্।

পত্থম 5:24

ইয়েনর পরেদি তারে আর্‌ দেগা ন-গেলঅ। গোজেন লগে তার উদো-লোলি এলঅ বিলিই গোজেনে তারে নিজো ইধু নেযেল।

পত্থম 6:10

শেম, হাম আরঅ যেফৎ নাঙে নোহর তিন্‌নো পুয়ো এলাক্।

পত্থম 7:1

ইয়েন পরেদি লগেপ্রভু নোহরে আরঅ কলঅ, “তুই আর তঅ পরিবারর্ বেক্কুনে জাহাজত্‌ উদিবা। মুই দেগঙর্, এ মানুচ্চুনো ভিদিরে বানা তুয়ই গম্‌ মানুচ্‌ আগচ্‌।

২ শমূয়েল 22:24

তা মুজুঙোত্‌ মুই নিদ্দুজী এলুং, মুই পাপত্তুন্‌ দূরোত্‌ থেইয়োং।

১ রাজাবলী 3:6

জোবত্‌ শলোমনে কলঅ, তর্‌ চাগর্‌বো মঅ বাপ্পোরে তুই বোউত্‌ বিশ্বেজ্ দেগেয়োচ্‌, কিত্যে তে তঅ উগুরে বিশ্বেজি এলঅ আর খাটি আর গম্‌ এলঅ। এচ্চ্যে তার সিংহাসনত্‌ বুজিবাত্তে তুই তারে এক্কো পূঅ দুয়োচ্‌ আর এধোক্ক্যেন্‌গুরি তর্‌ সেই শেজ্‌ ন-ওইয়্যে বিশ্বেজ্ তারে দেগেইনে যর্‌।

২ বংশধর 15:17

যুনিয়ো পূজোর্‌ অজল্‌ জাগায়ানি তে ইস্রায়েলত্তুন্‌ ভস্ত ন-গরে তো জিংকানিবর্‌ তা মনান্‌ লগেপ্রভু উগুরে ভোক্তিলোই পরিপূরোণ এলঅ।

২ বংশধর 25:2

লগেপ্রভুর চোগেন্দি যিয়েনি গম্‌ অমৎসিয় সিয়েনিই গুরিদো মাত্তর্‌ পুরো মন্‌ দিইনে ন-গুরিদো।

ইয়োব 1:1

ঊষ দেজত্‌ ইয়োব নাঙে এক্কো মানুচ্‌ বজত্তি গুরিদো। তে এক্কো নিদ্দুজি আর গম্‌ মানুচ্‌ এলঅ‌। তে গোজেনরে ভোক্তি সহকারে দোরেদ আর ভান্ন্যেই কামত্তুন্‌ দূরোত্‌ থেদঅ।

ইয়োব 1:8

লগেপ্রভু সেক্কে সদান্‌নোরে কলঅ, “মঅ মানুচ্‌ ইয়োব ইন্দি কি তুই রিনি চেইয়োচ্? পিত্‌থিমীত্‌ তা ধোক্ক্যেন্ আর কনজন নেই। তে নিদ্দুজি আর গম্‌ মানুচ্‌। তে মরে ভোক্তিগুরিনে দরায়্‌ আর ভান্ন্যেই কামত্তুন্‌ দূরোত্‌ থায়।”

ইয়োব 12:4

মুই গোজেনরে ডাগিদুঙ্‌ আর তে মরে জোব্‌ দিদো, তো মঅ সমাজ্যেগুনো ইদু মুই এক্কো আজিবার্‌ মানুচ্‌ ওইয়োং; গম্‌ আর নিদ্দুযি অলেয়ো মুই ইক্কিনে আজিবার্‌ মানুচ্‌ বাদে আর কিচ্ছু নয়।

গীতসংহিতা 37:37

নিদ্দুযি মানুচ্চুনোর জিংকানিগানি ইন্দি চাহ্; সেই গম্ মানুচ্চুনো ইন্দি চাহ্। যিগুনে সুগ্-শান্দি গম্ পান তারার্ বংশগুন থেবাক্।

গীতসংহিতা 37:39

গোজেন ভক্তগুনোর্ উদ্ধোর অনাগান লগেপ্রভু ইত্তুন্ এজে; দজার্ সময়োত্ তেয়ই তারার্ আশ্রয়।

গম্ উপদেজ্ 4:18

গোজেন ভক্তগুনোর্ পথ্‌তানি বেন্যেমাদান্ বেল পহ্‍‍র ধোক্ক্যেন্, যিবে দিবুজ্যে ন-অনা সং জোল্ জোল্যেত্তুন্ আরঅ জোল্ জোল্যে ওই থায়।

উপদেশক 7:20

পিত্‌থিমীত এবাবোত্যে কনঅ গম্ মানুচ্ নেই যে নিত্য গম্ কাম গরে, কনদিন্অ পাপ ন-গরে।

যিহিষ্কেল 14:14

এ অবস্থাত্ সিয়েনত্ যুনি নোহ, দানিয়েল আর ইয়োব-এ তিনজন মানুচ্ থেদাক্ সালে তারার্ সততাগানত্তে তারা বানা নিজোরে রোক্ষ্যে গুরি পারিদাক্। মুই প্রভু লগেপ্রভু এ কধাগান কঙর্।

যিহিষ্কেল 14:20

মঅ জিংকানির নাঙে কঙর্, সিয়েন ভিদিরে নোহ, দানিয়েল আর ইয়োবে থেলেয়ো তারা তারার্ কনঅ পুয়ো বা ঝিরে রোক্ষ্যে গুরি ন-পারিদাক্। তারার্ সততাগানত্তে তারা বানা নিজোরে রোক্ষ্যে গুরি পারিদাক্।

হবক্‌‌‌‌কূক 2:4

বাড়্‌‌‌‌বো গুরিয়্যে বাবিলান্ গম্ নয়, মাত্তর্ যিবেরে নিদ্দুজি বিলিনে মানি লুয়ো অর্ তে তার বিশ্বেজ্‌‌‌চান্দোই বাঁজি থেবঅ।

লূকে লেখ্যে গম্ হবর্ 1:6

তারা দ্বিজনে গোজেনর্ চোগেদি ধার্মিক এলাক্। প্রভুর্ বেক্ উগুমানি আর সুদোমানি তারা গমেডালে পালেদাক্।

লূকে লেখ্যে গম্ হবর্ 2:25

সেক্কে যিরূশালেমত্ শিমিয়োন নাঙে এক্কো ধার্মিক আর গোজেনভক্ত মানুচ্ এলঅ। গোজেনে কক্কে ইস্রায়েলীয়গুনো দুঃখানি দূর্ গুরিবো সেই সময়ানত্তে তে বাজ্জেই আঘে। পবিত্র আত্মা তা উগুরে এলঅ আর তাইধু ফগদাং গোজ্যেদে যে, মুরি যেবার্ আগেদি তে প্রভুর সেই মশীহরে দেগিবো।

লূকে লেখ্যে গম্ হবর্ 23:50

যোষেফ নাঙে এক্কো গম্ আর ধার্মিক মানুচ্‌ বড়সভার্ মেম্বার্ এলঅ। তে অরিমাথিয়া নাঙে যিহূদীগুনোর্ এক্কান আদামর মানুচ্‌।

প্রেরিত্‌ 10:22

সেই মানুচ্চুনে কলাক্, “সেনাপতি কর্ণীলিয় আমারে পাধেয়্যে। তে এক্কো ধার্মিক মানুচ্‌ আর তে গোজেনরে ভোক্তি গরে। বেক্‌ যিহূদীগুনে তারে নাঙ্ গিনোন্। গোজেনর্ এক্কো দূত্ তারে উগুম দিয়্যে যেন তে তরে তা ঘরত্ ডাগি নেযেইনে তঅ কধা শুনে।”

রোমীয় 1:17

গোজেনে কেধোক্ক্যেন্ গুরি মান্‌জ্যরে নিদ্দুজি বিলিনে মানি লয় সে কধাগান্ এ গম্ হবর্ ভিদিরে ফগদাং গরা ওইয়্যে। পৌইল্যাত্তুন্ ধুরি থুম্ সং বানা বিশ্বেজর্ মাধ্যমে মান্‌জ্যরে নিদ্দুজি বিলিনে মানি লুয়ো অয়। পবিত্র বোইবোত্ লেগা আঘে, “যিবেরে নিদ্দুজি বিলিনে মানি লুয়ো অয় তে বিশ্বেজর্ মাধ্যমে জিংকানি পেবঅ।”

গালাতীয় 3:11

সিয়েন বাদে ইয়েন্অ গমেদালে দেগা যাত্তে যে, রীতি-সুদোম্ পালেবাত্যে গোজেনে কাররে নিদ্দুজি বিলিনে মানি ন-লয়, কিয়া পবিত্র বোইবোর্ কধামজিম, “যিবেরে নিদ্দুজি বিলিনে মানি লুয়ো অয় তে বিশ্বেজর্ মাধ্যমে জিংকানি পেবঅ।” বিশ্বেজ্ লগে রীতি-সুদোমর্ কনঅ মিল্ নেই।

দ্বি’লম্বর বিররণ 18:13

তমার গোজেন লগেপ্রভুর মুজুঙোত্‌ তমাত্তুন নিদ্দুষী থাহ্ পুরিবো।

ইব্রীয় 11:7

যিয়েন সেক্কেয়ো দেগা ন-যায় সেই পৌইদ্যেনে গোজেনে নোহরে উজিয়ার্ গোজ্জ্যে। নোহ গোজেন-ভক্ত এলঅ বিলি গোজেনর্ কধা বিশ্বেজ্ গুরিনে এক্কান জাহাজ বানেয়্যে, যেনে তা ঘোর্‌বোবু রোক্ষ্যে পায়। নোহ তার্ বিশ্বেজ্‌চান্দোই জগদ্‌তানরে দুষি বিলিনে প্রমাণ গোজ্জ্যে আর গোজেন ইধু নিদ্দুজি বিলিনে মানি লবার্ অধিকার পেয়্যে, যিয়েন বানা বিশ্বেজর্ কারনে পাহ্ যায়।

২ পিতর 2:5

আর তে সেই পুরোণি জগদ্‌তানরেয়ো ইরি ন-দে, বরং গোজেন উগুরে ভোক্তি-নেইয়্যে মানুচ্চুনো উগুরে পানি বান্ আন্ন্যে; মাত্তর্ নোহ আর অন্য সাতজনরে তে বাজেয়্যে। এই নোহ গোজেন-ভোক্তি পৌইদ্যেনে ফগদাং গুরিদো।