পত্থম 6:21 - Chakma Bible

²¹ আর তুই নানান্ বাবোত্যে হেবার জিনিস জুক্কুলে থুবেই রাগেবে। সিয়েনি অবঅ তর্‌ আর তারার হানা।”

পত্থম 6:21 ပူးပေါင်းရင်းမြစ်များ

ইয়োব 38:41

সারাল্যে কবাগুনোর্ ছঅগুনে যেক্কে গোজেন ইদু কানন্ আর হানার্ অভাবে ইন্দি-উন্দি ঘুরোন্, সেক্কেনে কন্না তারারে হানা যোগেব?

ইয়োব 40:20

মুড়োমুড়িত্ যিয়েনি জর্মায় সিয়েনি তে খায়, সে জাগানর বেক্ ঝার্‌বো এ্যামানুনে তা কায়-কুরে খেলা গরন।

গীতসংহিতা 136:25

যিবে বেক্ প্রাণিগুনোরে হানা দে তারে ভালেদি জানঅ; - তার কোচ্‌পানাগান উমরত্তে থিদেবর্ গোজ্যে।

গীতসংহিতা 145:16

বেক পরাণবলাগুনোর মনর্ আওজ্‌চানি তুই আঢ্‌তানি খুলিনে পুরেই দি থাচ্।

গীতসংহিতা 147:9

য়েমানুনো হানাগানি তেয়ই যোগেই দে; কবাগুনো ছঅগুনে যেক্কেনে ডগরন্ সেক্কেনে তেয়ই তারারে হানা দে।

গীতসংহিতা 35:6

তারার্ পথ্‌তান্ আন্ধার্ আর বিজোল্ ওক্; অয়, লগেপ্রভুর দূত্‌তো তারারে লোড়োক্।

মথি লেখ্যে গম্ হবর্ 6:26

আগাজ পেক্কুনো ইন্দি রিনি চঅ; তারা বীজি ন-ফেলান্, ন-কাবন্, গোলাঘরত্অ ন-থুবোন্, আর তো তমা স্বর্গর বাপ্পো তারারে হাবেই থায়। তুমি কি তারাত্তুন্অ বেশ্ আরঅ দামী নয়?