পত্থম 6:18 - Chakma Bible

¹⁸ “মাত্তর্ মুই তত্তে মর্‌ সুদোমান ঠিগ্ গুরিম। তুই যেইনে জাহাজত্‌ উদিবে আর তঅ লগে তর্ পুঅগুন, তঅ মোক্কো আর তঅ পূদবোগুন্ থেবাক্।

পত্থম 6:18 ပူးပေါင်းရင်းမြစ်များ

পত্থম 17:21

মাত্তর্‌ ইস্‌হাকত্তে মুই মর্‌ সুদোমান চালু রাগেম্‌। এজেত্তে বজর্‌ এ সময়োত্‌ তে সারার্‌ করত্‌ এবঅ।”

পত্থম 17:4

তে কলঅ, “তত্তে মর্‌ এ সুদোমত্‌ মর্‌ যিয়েনি গুরিবার আঘে সিয়েনি এবাবোত্যে: তুই ভালোক্কুন জাদর্‌ বাপ্‌ অবে।

পত্থম 17:7

এ সুদোমান বানা তর্‌ আর মঅ ভিদিরে চুলিবো সিয়েন নয়; সিয়েন্‌ চুলিবো তর্‌ পুয়ো-ছাগুনোর আর মঅ ভিদিরে বংশর পর্‌ বংশ ধুরি। ইবে অবঅ এক্কো উমরর্‌ সুদোম। এ সুদোমত্‌ মুই তর্‌ আর তঅ পরেদি তঅ বংশর্‌ মানুচ্চুনোরঅ গোজেন ওলুং।

পত্থম 7:1

ইয়েন পরেদি লগেপ্রভু নোহরে আরঅ কলঅ, “তুই আর তঅ পরিবারর্ বেক্কুনে জাহাজত্‌ উদিবা। মুই দেগঙর্, এ মানুচ্চুনো ভিদিরে বানা তুয়ই গম্‌ মানুচ্‌ আগচ্‌।

পত্থম 7:13

যেদিন্যে ঝড় পড়ানা আরাম্ভ অলঅ সেদিন্যে নোহ, তা মোক্কো, তা পুয়ো শেম, হাম, যেফৎ আর তা তিন্নো পূদবো যেইনে জাহাজছানত্‌ উদিলাক্।

পত্থম 7:7

পানি বানত্তুন্‌ মাব্ পেবাত্তে নোহ, তা মোক্কো, তা পুয়োগুন আর পূদবোগুনে সে জাহাজছানত্‌ উদিলাক্ ।

যিশাইয় 26:20

ও মর্ মানুচ্চুন্, তুমি যঅ, তমা ঘুদিগুনোত্ সুমিনে দোরান্ বানঅ; তুমি নিজোরে লুগেই রাগঅ, কিত্তে কানক্কন্ পরেদি তা রাগ্‌‌কান থামেব।

ইব্রীয় 11:7

যিয়েন সেক্কেয়ো দেগা ন-যায় সেই পৌইদ্যেনে গোজেনে নোহরে উজিয়ার্ গোজ্জ্যে। নোহ গোজেন-ভক্ত এলঅ বিলি গোজেনর্ কধা বিশ্বেজ্ গুরিনে এক্কান জাহাজ বানেয়্যে, যেনে তা ঘোর্‌বোবু রোক্ষ্যে পায়। নোহ তার্ বিশ্বেজ্‌চান্দোই জগদ্‌তানরে দুষি বিলিনে প্রমাণ গোজ্জ্যে আর গোজেন ইধু নিদ্দুজি বিলিনে মানি লবার্ অধিকার পেয়্যে, যিয়েন বানা বিশ্বেজর্ কারনে পাহ্ যায়।

১ পিতর 3:20

ভালোক্ দিন আগে নোহর সেই জাহাজ্‌চান বানেবার সময়োত্ গোজেনে যেক্কে ধৈয্য ধুরিনে বাজ্জেই রোইয়্যে সেক্কে যিগুনে অবাধ্য ওইয়োন এ আত্মাগুন তারার্। সেই জাহাজত্ উদিনে বানা কয়েক্‌জন, অত্তাৎ বানা আস্‌টোজন সেই পানিগানত্তুন্ বাচ্চ্যন্।

২ পিতর 2:5

আর তে সেই পুরোণি জগদ্‌তানরেয়ো ইরি ন-দে, বরং গোজেন উগুরে ভোক্তি-নেইয়্যে মানুচ্চুনো উগুরে পানি বান্ আন্ন্যে; মাত্তর্ নোহ আর অন্য সাতজনরে তে বাজেয়্যে। এই নোহ গোজেন-ভোক্তি পৌইদ্যেনে ফগদাং গুরিদো।