পত্থম 6:13 - Chakma Bible

¹³ এ অবস্থাগান দেগিনে গোজেনে নোহরে কলঅ, গোদা মান্‌জ্য জাদতোরে মুই শেজ্ গুরি ফেলেম্‌ বিলিনে ঠিগ্ গোজ্যং। মানুচ্চুনোত্তে পিত্‌থিমীয়ান অত্যেচার-অবিচারে ভুরি উঠ্যে। মানুচ্চুনো সমারে পিত্‌থিমীর বেক্কানি মুই শেজ্ গুরিবাত্তে যাঙর্‌।

পত্থম 6:13 ပူးပေါင်းရင်းမြစ်များ

পত্থম 49:5

শিমিয়োন আর লেবি দ্বিভেই; তারা ক্ষোতি গুরিবাত্তে তলোয়ার ধরন্।

পত্থম 6:14

তুই গম্ তক্তালোই তর্ নিজোত্ত্যে এক্কান জাহাজ বানেই-লঅ। সিয়েন ভিদিরে কয়েক্কো গুদি থেবাক্; আর সে জাহাজ বারেদি আর ভিদিরেদি মাত্যেতেল্‌লোই লিবি দিবে।

পত্থম 6:4

গোজেন পুয়োগুন লগে এ মিলেগুনোর মিজেনার কারনে যে পুয়োগুনোর্ জর্ম অলঅ তারা এলাক্ পুরোণি দিনোর নাঙ্‌ গিন্যে বোলী মানুচ্‌। সে সময়োত্‌ আর তা পরেদিয়ো পিত্‌থিমীত্‌ নেফিলীয় নাঙে এক জাদর মানুচ্‌ এলাক্।

পত্থম 7:21

ইয়েনত্তে মাদি উগুরে ঘুরি বেড়েইয়্যে বেক্‌ প্রাণীগুন, পেক্‌, ঘরত্‌ পালেয়্যে আর ঝাড় য়েমানুন্, ঝাক্‌বানি বেড়েইয়্যে চিগোন চিগোন প্রাণীগুন আর বেক্‌ মানুচ্চুনে মুরি গেলাক্।

পত্থম 7:23

গোজেনে এধোক্ক্যেনগুরি মাদি উগুরে বেক্‌ পরাণবলাগুনোরে পিত্‌থিমীগান উগুরেত্তুন্‌ তুলি ফেলেল। সেক্কে মানুচ্‌, য়েমান, বুগেদি-আঢি বেড়েয়্যে প্রাণী আর আগাজ পেক্কুনে পিত্‌থিমীয়ান উগুরেত্তুন্ শেজ্ ওই গেলাক্। বানা নোহ আর তা সমারে যিগুনে জাহাজত্‌ এলাক্‌ সিগুনে বাঁজি এলাক্ ।

পত্থম 7:4

মুই আর সাত দিন পরেদি পিত্‌থিমীগান উগুরে ঝড় ফেলেবার বেবস্থা গুরিম্‌। সেক্কে চোল্লিশ দিন আর চোল্লিশ রেত্‌ সং ঝড় পড়িবো। মুই মাদি উগুরে যিদুক্কুন পরান্‌‌বলা ‌বানেয়োং তারারে বেক্কুনোরে পিত্‌থিমীগান উগুরেত্তুন্ তুলি দিম।”

পত্থম 8:21

লগেপ্রভু সে উৎসর্বর বাজ্‌ পেইনে হুজী অলঅ আর মনে মনে কলঅ, “মান্‌জ্যর কারনে আর কনদিন্‌ মুই মাদিগানরে অভিশাব্ ন-দিম, কিত্তে চিগোনত্তুন্ ধুরি দঅ-মান্‌জ্যর মনানি ভান্ন্যেয়ন্দি। এবেরা যেবাবোত্যে মুই বেক্‌ জেদা পরান্‌বলাগুনোরে‌‌ শেজ্ গোজ্যং সেবাবোত্যেগুরি আর কনদিনঅ ন-গুরিম।

যিশাইয় 34:1

ও জাতিগুন্, তুমি কায়-কুরে এজঅ, শুনো; ও মানুচ্চুন্, তুমি কান্ পাদঅ। পিত্‌থিমী আর সিয়েন ভিদিরে বেক্ মানুচ্চুনে শুনোদোক্; সংসার আর তা মাদিত্তুন্ বানেয়্যে মানুচ্চুনে শুনোদোক্।‌

যিরমিয় 51:13

ও বাবিল, তুই দঅ বোউত্ পানি পারত্ বজত্তি গরচ্ আর বোউত্ ধন-সম্পদর গিরোজ্; তর্ থুমান এচ্চ্যে, তরে ছাজি ফেলেবার সময় ওইয়্যে।

আমোষ 3:7

আজলে প্রভু লগেপ্রভু তা চাগর্ ভাববাদীগুনো ইধু তার্ পরিকল্পানগান ফগদাং ন-গুরিনে কিচ্ছু ন-গরে।

আমোষ 8:2

তে পুযোর্ গুরিলো, “আমোষ, তুই কি দেগর্?” জোবত্ মুই কলুং, “এক কাল্লোং পাগানা ফল।” সেক্কে লগেপ্রভু মরে কলঅ, “মঅ মানুচ্ ইস্রায়েলর সময় শেষ ওই যেইয়্যে; মুই আর তারারে রেহাই ন-দিম।

ইব্রীয় 11:7

যিয়েন সেক্কেয়ো দেগা ন-যায় সেই পৌইদ্যেনে গোজেনে নোহরে উজিয়ার্ গোজ্জ্যে। নোহ গোজেন-ভক্ত এলঅ বিলি গোজেনর্ কধা বিশ্বেজ্ গুরিনে এক্কান জাহাজ বানেয়্যে, যেনে তা ঘোর্‌বোবু রোক্ষ্যে পায়। নোহ তার্ বিশ্বেজ্‌চান্দোই জগদ্‌তানরে দুষি বিলিনে প্রমাণ গোজ্জ্যে আর গোজেন ইধু নিদ্দুজি বিলিনে মানি লবার্ অধিকার পেয়্যে, যিয়েন বানা বিশ্বেজর্ কারনে পাহ্ যায়।

১ পিতর 4:7

ইক্কিনে বেক্কানির্ থুমো সময় ওইয়্যেগি। সেনত্যে তমা মনানি থির্ গরঅ আর নিজোরে দোঙেই রাগঅ যেন তবনা গুরি পারঅ।