পত্থম 50:5 - Chakma Bible

⁵ বাব্‌পো মুরি যেবার্‌ অক্তত্‌ মরে ইয়েন কোইনে শমক্‌ খাবেয়্যে, মুই যেন কনান দেজত্‌ তার্‌ ঠিগ্ গুরি রাগেয়্যে জাগানত্‌ তারে গোর্ দুয়োং। তারে এ কোজোলীগান গরঅ যেনে তে সেই কামানত্তে মরে যেবাত্তে দে। তারে কঅ কামানি থুম্‌ গুরিনে মুই আরঅ ফিরি এইম্।

পত্থম 50:5 ပူးပေါင်းရင်းမြစ်များ

পত্থম 3:19

যে মাদিত্তুন্‌ তরে বানা ওইয়্যে সে মাদিত্‌ ফিরি ন-যানা সং মাঢার ঘাম্‌ টেঙত্‌ ফেলেনে তত্তুন্ হা-পুরিবো। তর এ ধুল্যার কিয়্যেগান্‌ ধুল্যাদই ফিরি যেবঅ।”

পত্থম 48:21

সে পরেদি ইস্রায়েলে যোষেফরে কলঅ, “চাহ্, মর্‌ মরণর্‌ অক্ত প্রায় গোণেই এচ্চ্যে। মাত্তর্‌ গোজেনে তমা লগে থেবঅ আর তমা পুরোণি মানুচ্চুনো দেজত্‌ তমারে ফিরেই নেযেব।

পত্থম 50:24

পরেদি এক সময়ত্‌ যোষেফে তা ভেইয়ুনোরে কলঅ, “মর্‌ মুরিবার্‌ অক্ত ওই এচ্চ্যে, মাত্তর্‌ ইয়েন্‌ ঘেচ্চেকগুরি, গোজেনে তমারে দেগাশুনো গুরিবো। তে অব্রাহাম, ইসহাক আর যাকোবরে যে দেজ্‌সান্‌ দিবো বিলি শমক্‌ গোজ্যে সে দেজ্‌সানত্‌ তে তমারে ইয়োত্তুন্‌ নেযেব।”

পত্থম 50:4

এই আবিলেচ্‌-ফগদাঙর্‌ অক্তবো পার্ ওই যানার পরেদি যোষেফে ফরৌণ ঘরর্‌ কাম্‌গুরিয়েগুনোরে কলঅ, যুনি তুমি মঅ উগুরে হুজি থাগ সালে ফরৌণরে যেইনে মর্‌ এ কধাগান্‌ জানেয়ো,

পত্থম 50:6

ইয়েন জোবত্‌ ফরৌণে কোই পাদেল, “তে তরে যে শমক্কান্ খাবেয়্যে সেবাবোত্যেগুরি তুই যেইনে তারে গোর্ দেগোই।”

২ বংশধর 16:14

নানান বাবোত্যে মজলা আর মিজেয়্যে তুম্বাজ্‌ জিনিজ্‌সোই ভোজ্যে খাট্‌তানত্‌ মানুচ্চুনে তারে পোড়েলাক্‌ আর দায়ূদ-শঅরত্‌ তে নিজোত্তে যে গোরান্‌ ঠিগ্‌ গুরি রাগেয়্যে তারা সিয়েনত্‌ তারে গোর্ দিলাক্‌। মানুচ্চুনে তার্‌ সর্মানত্তে বড়্‌ এক্কান্‌ আগুন জ্বালেলাক্‌।

ইয়োব 30:23

মুই হবর্ পাং তুই মরে মরণ ইন্দি নেযর্, পুরো জেদা মানুচ্চুনোত্তে ঠিগ্ গোজ্যে জাগানত্ নেযর্।

গীতসংহিতা 79:3

যিরূশালেম চেরোকিত্যে তারা পানি ধোক্ক্যেন গুরি তারার লো-গানি ঢালি দুয়োন; তারারে গোর্ দিবাত্যে কনজন নেই।

উপদেশক 12:5

সে অক্তত্ অজল্ জাগানত্ আর পধেদি যাদে তে দোরেব। সেক্কে বাদাম্ গাজত্ ফুল ধুরিবাক্, ফিরিঙুনে লাম্বা টেঙোই আঢিবাক্ আর কামনা-বাসনা আর্ উত্তেজিত ন-অবঅ। সে পরেদি তে যেবগোই তা উমর ঘরত্, আর আবিলেচ্ গুরিয়্যেগুনে পধে পধে ঘুরিবাক্।

উপদেশক 12:7

মাদিগান্ মাদিত্ ফিরি যেবঅ, আর যে আত্মাগান্ গোজেনে দিয়্যে সে আত্মাগান্ তাইদু ফিরি যেবঅ।

উপদেশক 6:3

কনঅ মান্‌জ্যর্ একশ জন ঝি-পুয়ো থেই পারন্ আর তে ভালোক্ দিন বাঁজি থেই পারে, মাত্তর্ তে যুনি জিংকানিত্ সুগ্ ন-পায় আর গমেডালে গোর্ ন-পায় সালে যেদক্ বজর সং তে বাঁজি থেদঅ সাৎ মুই কোম্বে তাত্তুন্ বরং মরা-পুয়ো পুদোনা বোউত্ গম্ এলঅ।

যিশাইয় 22:16

তুই ইদু কি গরর্? আর ইদু নিজোর গোরান্ কুড়িবাত্তে, অজল্ জাগাত তঅ গোরান্ ঠিগ্ গুরিবাত্তে, মুড়ো কাবিনে জিরেবার-জাগায়ান্ বানেবাত্তে কন্না তরে অধিকার দিয়্যে?

মথি লেখ্যে গম্ হবর্ 27:60

আর যে নুয়ো গোরান্ তে নিজোত্তে মুড়ো ইধু কাবিনে থোইয়্যে সিয়েনত্ সেই মরা কিয়্যেগান্ রাগেল। পরেদি সেই গোর মুয়োনত্ দাঙর্ এক্কো পাত্তর্ গোজ্যেই দিইনে তে গেলগোই।

দ্বি’লম্বর বিররণ 4:22

মুই ইয়োদোই মুরি যেম্‌, যর্দন গাঙান্‌ পার্‌ ওই ন-পারিম; মাত্তর্‌ তুমি গাঙান্‌ পার্‌ ওইনে সে দোল্‌ দেজ্‌ছান অধিকার্‌ গুরিবাত্তে যর্‌।

১ শমূয়েল 14:43

শৌল সেক্কে যোনাথনরে কলঅ, “মরে কঅ, তুই কি গোজ্যস্‌?” যোনাথনে তারে কলঅ, “মর্‌ লুদিক্কোলোই মুই এক্কেনাগুরি মধু খেইয়োং, সেনত্তেই মত্তুন্‌ মরা পুড়িবো।”