পত্থম 50:3 - Chakma Bible

³ এধোক্ক্যেনগুরি তারার্‌ চোল্লিশ্‌ দিন গেলঅ। এ কামানত্‌ চোল্লিশ্‌ দিন লাগিদো। মিসরীয়গুনে ইস্রায়েলত্তে সত্তুর দিন সং আবিলেচ্‌-গুরিবার্‌ অনুষ্ঠান্‌ গুরিলাক্।

পত্থম 50:3 ပူးပေါင်းရင်းမြစ်များ

পত্থম 50:10

যর্দন গাঙ উই পারত্‌ আটদ খামার সং যেইনে যোষেফ সাত দিন সং তা বাব নাঙে আবিলেচ্‌-গুরিবার্ অনুষ্ঠান গুরিলো। মানুচ্চুনেয়ো গুজুরি গুজুরি কানা-ধুরিলাক্।

পত্থম 50:4

এই আবিলেচ্‌-ফগদাঙর্‌ অক্তবো পার্ ওই যানার পরেদি যোষেফে ফরৌণ ঘরর্‌ কাম্‌গুরিয়েগুনোরে কলঅ, যুনি তুমি মঅ উগুরে হুজি থাগ সালে ফরৌণরে যেইনে মর্‌ এ কধাগান্‌ জানেয়ো,

গণাণা 20:29

ইস্রায়েলীয়গুনে বেক্কুনে যেক্কে জানি পারিলাক, হারোণে মুরি যেইয়্যে সেক্কে গোদা ইস্রায়েল জাদ্‌তো ত্রিশ দিন সং তাত্তে আবিলেস্‌ খেলাক।

দ্বি’লম্বর বিররণ 21:13

আর বোন্দি অবার্‌ অত্তত্‌ তার্‌ কিয়্যেত যেদক্কানি কাবড়-চুগোর এল সিয়েনি খুলি ফেলেব। ইয়েনর্ পরেন্দি তা ঘরত্‌ থেইনে সে মিলেবো পুরো এক মাস তা মা-বাবত্তে আবিলেচ্‌ গুরিবো। পরেন্দি সে মানুচ্চো তারে মোক্‌ লোইনে তার নেক্‌ অবঅ আর মিলেবোয়ো তার্‌ মোক্‌ অবঅ।

দ্বি’লম্বর বিররণ 34:8

ইস্রায়েলীয়গুনে মোয়াবর সংজাগানত্‌ ত্রিশ দিন সং মোশিত্যে কানাকুদি গুরিলাক। সে পরেন্দি তারার কানা-কুদি আর আবিলেচ্‌-ফগদাঙর সময় শেজ্‌ অলঅ।