5 নয়শঅ ত্রিশ বজর বাঁজি থানার পরেদি আদমে মুরি গেলঅ।
যে মাদিত্তুন্ তরে বানা ওইয়্যে সে মাদিত্ ফিরি ন-যানা সং মাঢার ঘাম্ টেঙত্ ফেলেনে তত্তুন্ হা-পুরিবো। তর এ ধুল্যার কিয়্যেগান্ ধুল্যাদই ফিরি যেবঅ।”
নয়শঅ পাঁচ বজর বাঁজি থানার পরেদি ইনোশে মুরি গেলঅ।
শেথর জর্মানার পরেদি আদমে আরঅ আস্তোশত্ বজর বাঁজি এলঅ। এ ভিদিরে তার আরঅ ঝি-পুয়োর জর্ম ওইয়োন্।
শেথর একশঅ পাঁচ বজর বয়জত্ তার পুয়ো ইনোশর জর্ম অলঅ।
নয়শঅ বার বজর বাঁজি থানার পরেদি শেথে মুরি গেলঅ।
মাদিত্ পানি ঢালিলে যেন সিয়েন আর তুলি নেযেই ন-পারে সে বাবোত্যে গুরিনে দঅ আমি মুরিবোং। মাত্তর্ গোজেনে পরাণান্ কাড়ি ন-নেযায় বরং তে এমন্ বেবস্থা গুরিলো যেনে নিগিলেই দিয়্যে মানুচ্চুন্ তাত্তুন্ দূরোত্ ন-থান্।
আদমর পুয়োবো শেথ, শেথর পুয়োবো ইনোশ,
মুই হবর্ পাং তুই মরে মরণ ইন্দি নেযর্, পুরো জেদা মানুচ্চুনোত্তে ঠিগ্ গোজ্যে জাগানত্ নেযর্।
কন্না সেই বোলি মানুচ্চো, যে বাঁজি থেবঅ, ন-মুরিবো? এন্ কন্না আঘে, যে পাদালত্তুন্ নিজোরে রোক্ষ্যে গুরি পারিবো?
আমা আয়ু বানা সত্তুর বজর, বল্ থেলে আশি বজর্অ অয়; আমা আয়ু যেদক অদঅ সাৎ থাইদ্যে বানা দুখ্ আর কষ্ট; বজর যায় চোগ্ কাদানাত্ আর আমিও শেজ্ ওই যেই।
সে অক্তত্ অজল্ জাগানত্ আর পধেদি যাদে তে দোরেব। সেক্কে বাদাম্ গাজত্ ফুল ধুরিবাক্, ফিরিঙুনে লাম্বা টেঙোই আঢিবাক্ আর কামনা-বাসনা আর্ উত্তেজিত ন-অবঅ। সে পরেদি তে যেবগোই তা উমর ঘরত্, আর আবিলেচ্ গুরিয়্যেগুনে পধে পধে ঘুরিবাক্।
মাদিগান্ মাদিত্ ফিরি যেবঅ, আর যে আত্মাগান্ গোজেনে দিয়্যে সে আত্মাগান্ তাইদু ফিরি যেবঅ।
জেদা মানুচ্চুনে হবর্ পান্, তারাত্তুন্ মরা পুরিবো, মাত্তর্ মরাগুনে কিচ্চু হবর্ ন-পান্। তারার্ আর্ কনঅ বক্শিজ্ নেই, কিত্তে তারা কধানিয়ো মানুচ্চুনে ভুলি যান্।
নিত্য ধুব্ কাবড় উরিনে আর মাঢাত্ তেল্ দিইনে রঙ্গ-ফুত্তি গুরিবে।
জেদা বেক্ মানুচ্চুন মর্, বাপ্ আর পুয়ো দ্বিয়োবো মর্। যে পাপ গুরিবো তেয়ই মুরিবো।
গোজেনে ঠিগ্ গুরি থোইয়্যেদে যে, পত্তি মানুচ্ একবার্ মুরিবো আর সে পরেদি তার্ বিচের্ অবঅ।
