পত্থম 5:22 - Chakma Bible

²² মথূশেলহর জর্মানার পরেদি তিনশ বজর সং গোজেন লগে হনোকর উদো-লোলি এলঅ। এ ভিদিরে তার আরঅ ঝি-পুয়ো ওইয়োন্।

পত্থম 5:22 ပူးပေါင်းရင်းမြစ်များ

পত্থম 17:1

অব্রাম বয়জ যেক্কে নিরেনোব্বোই বজর সেক্কে লগেপ্রভু তারে দেগা দিইনে কলঅ “মুয়ই বেগত্তুন্ খেমতাবলা গোজেন। তুই মঅ সমারে উদোলোলিগান্ রাগা আর মর্‌ আওজ্ মজিম্‌ আঢিবে।

পত্থম 24:40

তে মরে কলঅ, লগেপ্রভু, যিবেরে মুই মানং, তেয়ই তার গম্‌ দূত্তোরে তঅ সমারে পাধেই দিবো যেনে তঅ যাত্রাবো দোল্‌ অয়্‌। সেক্কে তুই মঅ বাবঅ ঘরত্‌ যেইনে মর্‌ নিজো মানুচ্চুনো ভিদিরেত্তুন্‌ এক্কো মিলেরে মর্‌ পুয়োবোত্তে বেঈ নেযেই-পারজ্‌।

পত্থম 48:15

সে পরেদি তে যোষেফরে বর্ দিইনে কলঅ, “সেই গোজেন, যিবের মনে মন্‌‌জক্কাগুরি মর্‌ পূরোণি মানুজ্‌ অব্রাহাম আর ইস্‌হাকে চলিদো, মঅ জীংকানির্‌ পোইল্যেত্তুন্‌ ধুরি এচ্চ্যে সং যিবে মরে য়েমান্‌ চোড়েয়্যে ধোক্ক্যেন পালেই এজের্‌,

পত্থম 5:21

হনোকর পাচছোট্টি বজর বয়সত্‌ তার পুয়ো মথূশেলহর জর্ম অলঅ।

পত্থম 5:23

হনোকে তিনশঅ পাচছোট্টি বজর এ পিতথিমীত্‌ বাঁজি এলঅ।

পত্থম 5:24

ইয়েনর পরেদি তারে আর্‌ দেগা ন-গেলঅ। গোজেন লগে তার উদো-লোলি এলঅ বিলিই গোজেনে তারে নিজো ইধু নেযেল।

পত্থম 6:9

ইয়েন অলঅ নোহ জীংকানির্ কধা। নোহ এক্কো গম্‌ মানুচ্‌ এলঅ। তা সময়ানত্‌ মানুচ্চুনো ভিদিরে তেয়ই এলঅ গম্‌। গোজেন লগে তার দোল্‌ উদো-লোলি এলঅ।

১ রাজাবলী 2:4

সালে লগেপ্রভু যে এগেমান্ মইদু গোজ্যে সিয়েন পুরেই দিবো। সেই এগেমান্ অলঅ, যুনি তর্‌ গুট্টিগুনে বেক্‌ মনান্‌-পরাণান দিইনে বিশ্বেজ্ গুরিনে মর্‌ মুজুঙোত্‌ আদাউদো গুরিবাত্তে উজিয়ার্ গুরিনে জিংকানি কাদায় সালে ইস্রায়েলর সিংহাসনত্‌ বোজেবাত্তে তর্‌ বংশত্‌ মান্‌জ্যর অভাব ন-অবঅ।

২ রাজাবলী 20:3

“ও লগেপ্রভু, তুই ইদোত্‌ তুলি চাহ্ মুই তঅ মুজুঙোত্‌ কেধোক্ক্যেন বিশ্বেজ্ গুরিনে আর পুরো মন ভোক্তিলোই চোল্যং আর তঅ চোগেন্দি যিয়েনি ঠিগ্‌ সিয়েনি গোজ্যং।” ইয়েন্‌ কোইনে হিষ্কিয় অমকদ কানা ধুরিলো।

গীতসংহিতা 116:9

মুই জেদা মানুচ্চুনো ভিদিরেত্তুন্ লগেপ্রভুর মুজুঙোত্ আদাউদো গুরিম।

গীতসংহিতা 128:1

বর্ পেইয়্যে সেই মানুচ্চুন, যিগুনে লগেপ্রভুরে ভোক্তি গরন্ আর তা পধেদি চলন্।

গীতসংহিতা 16:8

মঅ চোখ্‌কুন আমিঝে লগেপ্রভু ইন্দি আগন্; তে মর্ ডেনেদি আঘে বিলি মুই থির্ থেম।

গীতসংহিতা 26:11

মাত্তর্ মুই গমেডালে আঢা-উদো গরং; মরে তারার্ আঢত্তুন্ উদ্ধোর্ গর্; আর মঅ উগুরে দোয়্যে গর্।

গীতসংহিতা 56:13

কিত্তেই মরণত্তুন তুই মঅ পরাণান রোক্ক্যে গোজ্যস্ আর পড়ানাত্তুন্ মরে বাজেয়োচ্, যেনে জিংকানির পহ্‌রলোই মুই গোজেন মুজুঙোত্ আঢা-উদো গুরি পারং।

গীতসংহিতা 86:11

ও লগেপ্রভু, তর্ পথ্‌তান পৌইদ্যেনে মরে শিক্ষ্যে দে, যেনে মুই তর্ সত্যলোই চলি পারং; তরে ভোক্তি গুরিবাত্যে মর্ দ্বিভাগ ওইয়্যে মনানরে তুই এগত্তর্ গর্।

যাত্রা 16:4

সেক্কে লগেপ্রভু মোশিরে কলঅ‌, “মুই এধোক্ক্যেন গুরিম্‌ যেনে তমাত্যেই স্বর্গত্তুন্‌ ঝড় ধোক্ক্যেন গুরি হেবার্‌ জিনিস্‌ ঝুরি পড়ে। মানুচ্চুনে দিন্‌মাগেনে বারেন্দি যেইনেই সিয়োত্তুন্‌ বানা সে দিনোর্‌ খানাগান কুরেই আনিবাক্। তারা মর্‌ উগুমো ধোক্ক্যেন চুলিবাক্‌ কিনা সিয়েন মুই তারারে যগা চেইম্‌।

পরমগীত 1:4

মুই রাজারে কলুং, “তুই মরে তঅ সমারে নেযা; আঢিচ্, আমি যাদিমাদি যেই।” তে মরে তা ঘরত্ নেযেল। আমি তরে নিইনে ফুত্তি গুরিবোং আর হুজি অবং; আংগুর-রসত্তুন্ বেশ্ তঅ কোচ্‌পানাগান বাঈনী গুরিম্। তারা যে তরে কোচ্‌পান সিয়েন্ ঠিগই গরন্।

হোশেয় 14:9

জ্ঞানী কন্না? তে ইয়েনি বেক্কানি বুঝোক্। বুদ্ধিবলা কন্না? তে ইয়েনি পৌইদ্যেনে হবর্ পোক্। লগেপ্রভুর পথ্‌‌‌‌‌‌তান সততার্ পথ; গম্ মান্‌‌‌‌‌‌জ্যে সেই পধেদি আঢন্, মাত্তর্ অন্যেয়গুরিয়্যেগুনে উজোত্ হান্।

লেবীয় 26:12

মুই তমা সমারে আদাউদো গুরিম আর তমার্‌ গোজেন ওম্‌ আরঅ তুমি মর্‌ নিজোর্‌ মানুচ্‌ অবা।

আমোষ 3:3

আগেত্তুন্ ধুরি ঠিগ্ ন-গুরিলে কি দ্বিজনে এক সমারে কুদু যায়?

মীখা 4:5

বেক্ জাদ্‌‌‌‌তুনে তারার্ দেব-দেবেদার বল্লোই কাম গুরিলেয়ো আমি উমরত্যে আমা গোজেন লগেপ্রভুর বল্লোই কাম গুরিবোং।

মীখা 6:8

ও মানুচ্চো, যিয়েনি গম্ সিয়েনি দঅ তে তরে দেগেয়্যে। ন্যায় কাম্ গরানা, গোজেন উগুরে বিশ্বেজি থেবাত্তে কোচ্‌পানা আর তঅ গোজেন লগে নম্রগুরিনে উদোলোলি রোক্ষ্যে গরানা বাদে লগেপ্রভু তইদু আর কিচ্ছু ন-চায়।

মালাখি 2:6

তারা মুজুঙোত্ সত্যর্ শিক্ষ্যে এলঅ আর সিয়েনত্ কনঅ মিজে ন-থেদঅ। সুগে শান্দিয়্যে আর গমেডালে তারা মঅ সমারে আদাউদো গুরিদাক্ আর ভালোক্ জনরে পাপত্তুন্ ফিরেদাক্।

লূকে লেখ্যে গম্ হবর্ 1:6

তারা দ্বিজনে গোজেনর্ চোগেদি ধার্মিক এলাক্। প্রভুর্ বেক্ উগুমানি আর সুদোমানি তারা গমেডালে পালেদাক্।

প্রেরিত্‌ 9:31

সেক্কে যিহূদিয়া, গালীল আর শমরিয়া রেজ্যর্ মন্ডলীগুনোত্ শান্তি এলঅ, আর সেই মন্ডলীগুন উঠ্যন্। সেনত্তে প্রভু উগুরে ভোক্তি আর পবিত্র আত্মার্ উচ্চোমিলোই তারা জনেদি বাড়দন্।

রোমীয় 8:1

যিগুনে খ্রীষ্ট যীশু সমারে মিজেয়োন্ গোজেনে তারারে আর সাজা দেদে ধোক্ক্যেন্ মনে ন-গুরিবো।

১ করিন্হীয় 7:17

সেনত্তে, প্রভু যিবেরে যে অবস্থায় থোইয়্যে আর গোজেনে যিবেরে যিয়েনত্তে ডাক্ক্যে, সেই মজিম তে চোলোক্। এ উগুমান মুই বেক্ মন্ডলীগুনোত্ দি থাং। কনঅ চুনু মাঢা কাবা মান্‌জ্যরে কি ডাগা ওইয়্যে? মাত্তর্ সে চুনু মাঢা কাবা চিহ্নোগান্ পুজি ন-ফেলোক্।

২ করিন্হীয় 6:16

আর গোজেনর্ থেবার্ ঘরানত্ মূর্ত্তির জাগায়ান্ কুধু? আমি দঅ জেদা গোজেনর্ থেবার্ ঘর। পবিত্র বোইবোত্ গোজেনে কোইয়্যেদে, “মুই মঅ মানুচ্চুনো ইধু বজত্তি গুরিম, আর তারা সমারে আঢাউদো গুরিম। মুই তারার্ গোজেন ওম্, আর তারা মর্ নিজোর্ মানুচ্ অবাক্।”

ইফিষীয় 5:15

তুমি কেধোক্ক্যেন গুরি চলর্ সে পৌইদ্যেনে গমেডালে ভাবি চঅ। বুদ্ধি-নেইয়্যে মানুচ্চুনো ধোক্ক্যেন ন-চলিনে জ্ঞানীগুনো ধোক্ক্যেন চলঅ।

দ্বি’লম্বর বিররণ 13:4

তমার গোজেন লগেপ্রভুর কধা মজিম্ তমাত্তুন্‌ চলা পুরিবো আর তারে ভোক্তি গরা পুরিবো। তুমি তার উগুমানি পালেবা আর তার বাধ্য ওইনে চলিবা; তুমি তারে সেবা গুরিবা আর তারে আজাবোদে ধুরি থেবা।

দ্বি’লম্বর বিররণ 28:9

যুনি তুমি তমার গোজেন লগেপ্রভুর উগুমানি পালন গরঅ আর তার পদেন্দি আদঅ সালে তে তার শমক্‌ গোজ্যে এগেম্ মজিম, তার যুদো গোজ্যে জাদ ইজেবে তমারে থিয়্যেবাত্তে দিবো।

দ্বি’লম্বর বিররণ 5:33

যেনে তুমি বাঁজি থেই পার আর তমার্‌ ভালেদি অয় আর যে দেজ্‌ছান তুমি গজক্ গুরিবা সিদু ভালোক্‌ দিন বাঁজি থেই পার সেনত্যে তমার গোজেন লগেপ্রভু যে পথ্‌তানন্দি তমারে চলিবাত্তে উগুম্‌ দিয়্যে তুমি সে পথ্‌তান ইন্দি চুলিবা।

কলসীয় 1:10

ইয়েন্দোই যেন তুমি গম কাম্ গুরিনে ফলবান অ আর গোজেনরে আরঅ গমেডালে জানি পারঅ; আর এবাবোত্যেগুরি যেন বেক্কানিত্ প্রভুরে হুজী গুরিবাত্যে তার যগাজ্জ্যে ওইনে চলি পারঅ।

কলসীয় 4:5

যিগুনে গোজেনর্ মানুচ্‌ নয় সিগুনো সমারে বুদ্ধি খাদেইনে চোল্ল্য আর খ্রীষ্ট পৌইদ্যেনে সাক্ষি দিবার পত্তি সুযোগ্ কামত্ লাগেইয়ো।

১ থিষলনীকীয় 4:1

আরঅ কং ভেইলগ্, গোজেনরে হুজি গুরিবাত্যে কেধোক্ক্যেন গুরি চলানা উচিত সেই শিক্ষ্যেগান্ দঅ তুমি আমাত্তুন্ পেইয়ো, আর ঘেচ্চ্যেকগুরি তুমি সেবাবোত্যে গুরি চলর্। তো প্রভু যীশুর্ ওইনে আমি তমারে কোজোলি গুরির্ আর উপদেচ্‌ দিত্তে যেন তুমি আরঅ বেশ্ গুরিনে সেবাবোত্যেগুরি চলঅ।

১ যোহন 1:7

মাত্তর্ গোজেনে যেধোক্ক্যেন পহ্‌রত আঘে আমিয়ো যুনি সেধোক্ক্যেন পহ্‌রত চলিই সালে আমা ভিদিরে উদোন্-বজন্ থায় আর তা পুয়োবো যীশুর লো-গান্দোই বেক্ পাপ্পানিত্তুন্ আমারে সিজি গরে।