পত্থম 49:9 - Chakma Bible

⁹ যিহূদা, তুই সিংহ ছঅ; শিগের্‌ গোজ্যে য়েরানি হানা থুম্ গুরিনে মর্‌ এ পুয়োবো উদি এজে; সিংহ আর সিংহী ধোক্ক্যেন গুরি তে বজে আর ঘুমোত্‌ পড়ে। কন্না তারে জাগেব?

পত্থম 49:9 ပူးပေါင်းရင်းမြစ်များ

১ রাজাবলী 10:20

সে ছগান পোইদ্যের্‌ এক এক্কানর দ্বিকিত্তেন্দি ইক্কো গুরি বেক্কুনে বারবো সিংহমূত্তি এলঅ। অন্য কনঅ রেজ্যত্‌ এবাবোত্যে সিংহাসন কনদিন্‌অ ন-বানান্‌।

২ বংশধর 9:18

সে সিংহাসন সিড়িগানর ছঅগান পোইদ্যে এলঅ আর তা লগে লাগেয়্যে এলদে টেঙ্‌ রাগেবার্‌ এক্কান্‌ সোনার্‌ আসন। বুজিবার্‌ জাগানর্‌ দ্বিকিত্তেন্দি আঢ্‌ থবার্‌ এলঅ আর আঢ্‌তানি থবার্‌ ডাগেন্দি এলদে থিয়্যেই রোইয়্যে সিংহমূত্তি।

যিহিষ্কেল 19:5

সেই সিংহীবো দেগিলো তা আজাগান ন-ফুরেল; তে যিয়েন চেইয়্যে সিয়েন ন-অলঅ; সেক্কে তে তার আর এক্কো ছঅ লোইনে তারে বোলী গুরি তুলিলো।

হোশেয় 5:14

মুই ইফ্রয়িম ইধু আর যিহূদা ইধু সিংহ ধোক্ক্যেন অবঅ। মুই তারারে কট্টা কট্টা গুরি ছিনি ফেলেইনে যেইম্; মুই তারারে নেযেম, তারারে উদ্ধোর্ গুরিবাত্তে কনজন ন-থেবাক্।

হোশেয় 5:4

তারার্ কামানিয়ে তারারে গোজেন ইন্দি ফিরি যেবাত্তে ন-দে। তারা ভিদিরে আঘে বেভিচেরর্ মন। তারা লগেপ্রভুরে সত্য গুরি হবর্ ন-পান।

মীখা 5:8

ভালোক্ জাদ ভিদিরে যাকোবর বাঁজি থেইয়্যে মানুচ্চুন অবাক্ ঝার্‌বো য়েমানুনো ভিদিরে সিংহ ধ‌‌োক্ক্যেন, ভেড়া পাল ভিদিরে বলা সিংহ ধোক্ক্যেন; সেই সিংহবো যেক্কে ভেড়াগুনোর সংমোধ্যেদি যায় সেক্কে তারারে ধুরিনে কট্টা কট্টা গুরি ছিড়ি ফেলায়; কনজনে তারারে উদ্ধোর্ গুরি ন-পারন।

গণাণা 23:24

এই বেক্‌ মানুচ্চুনে থিয়্যেই উদিবাক্‌ সিংহ ধোক্ক্যেন গুরি, আর সিংহ ধোক্ক্যেন গুরি নিজোরে দেগেবাক। শিগের্‌ গোজ্যে য়েমানর্ লো আর য়েরা খেই ন-পানা সং তারা ন-জিরেবাক্‌।”

গণাণা 24:9

সিংহ আর সিংহী ধোক্ক্যেন তারা বেজা মারিবাক্ আর মাদিত্‌ পড়িবাক্‌, সেক্কে কন্না তারারে জাগেবাত্তে সাহস গুরিবো? যিগুনে তমারে আশিদ্‌বাদ গরন্‌ তারা উগুরেয়ো সেধোক্ক্যেন আশিদ্‌বাদ পোরোক; আর যিগুনে অভিশাব্ দুয়োন, তারা উগুরেয়ো সেধোক্ক্যেন অভিশাব্ পোড়োক।”

১ করিন্হীয় 15:24

ইয়েন পরেদি খ্রীষ্ট যেক্কে বেক্‌ শাসন-বেবস্থাগানি, অধিকার আর খেমতাগানি ভস্ত গুরিনে বাবা গোজেন আঢত্ রেজ্যগান দি দিবো সেক্কে থুম্ সময়ান এবঅ।

দ্বি’লম্বর বিররণ 33:20

গাদ পৌইদ্যেনে তে কোইয়্যেদে, “বর্ পেইয়্যে তে, যিবে গাদ রেজ্যর দুযিগান বাড়েব। তে সিংহ ধোক্ক্যেন বুঝিবো আর শত্রুগুনোর মাদা আর আঢ্‌তানি ছিনিবো।

ফগদাং পেইয়্যে 5:5

যেরেদি নেতাগুনোত্তুন্ একজনে মরে কলঅ, “ন-কানিচ্। যিহূদা গুট্টির সিংহ, যিবে দায়ূদো গুট্টি, তে জিত্যে। তেয়ই সেই সাত্‌টো সীলমহ্‌র ভাঙিনে বোইবো মেলি পারে।”