পত্থম 49:8 - Chakma Bible

⁸ যিহূদা, তঅ ভেইয়ুনে তরে নাঙ্ গিনোদোক্। শত্রুগুনো গত্তনাত্‌ ধুরিনে তুই তারারে জব্দ গুরিবে; তঅ ভেইয়ুনে তরে জু জু জানেবাক্।

পত্থম 49:8 ပူးပေါင်းရင်းမြစ်များ

পত্থম 27:29

নানান্‌ জাতিয়ে তরে সেবা গোত্তোক্, আর বেক্‌ মানুচ্চুনে তরে জু জু জানাদোক। তঅ গুট্টির মানুচ্চুনো ইধু তুই নেতা অ, তারা তরে জু জু জানাদোক। যিগুনে তরে অভিশাব্‌ দিবাক্‌ তারা উগুরে অভিশাব্‌ পোড়োক; যিগুনে তরে বর্ দিবাক্ তারা উগুরে ভালেদি লামি এজোক্।

পত্থম 29:35

পরেদি তে আরঅ পিদিলী অলঅ আর তার্‌ এক্কো পুয়ো অলঅ। তে কলঅ, “এবেরা মুই লগেপ্রভুরে বাঈনী গুরিম্‌।” সেনত্তে তে পুয়োবোর্‌ নাঙান রাগেল যিহূদা (যিয়েনর্ ভেদ্‌তান্ “বাইনী গরানা”)। সে পরেদি কিজু সময়ত্তে তার্‌ আরঅ কনঅ ঝি-পুয়ো ন-অলাক্‌।

পত্থম 42:6

যোষেফে এলঅ মিসর দেজর শাসনগুরিয়্যে। দেজর্‌ বেক্‌ মানুচ্চুনো ইধু শোজ্য বেজানার্‌ ভারান্‌ তা উগুরে এলঅ। সেনত্তে যোষেফ ভেইয়ুনে তা মুজুঙোত্‌ যেইনে মাদিত্‌ মাদা নিগিরিনে তারে জু জু জানেলাক্।

পত্থম 46:12

যিহূদার পুয়ো এর, ওনন, শেলা, পেরস আর সেরহ। এর আর ওননে কনান দেজত্‌ মুরি যেয়োন। পেরসর্‌ পুয়ো হিষ্রোণ আর হামূল।

২ শমূয়েল 22:41

মঅ শত্রুগুনোরে তুই মঅ কায়কুরেত্তুন্ ধেই যেবাত্তে বাধ্য গোজ্যস্‌; যিগুনে মরে ঈচ্ গরন্‌ তারারে মুই ভস্ত গোজ্যং।

২ শমূয়েল 24:9

যোয়াবে রাজার ইদু মানুচ্চুনোর ইজেব্‌পান দিলো। সেক্কে দেগা গেলদে, লাম্বা ছুড়ি লারি জানন্‌ এবাবোত্যে বোলী মানুচ্‌ ইস্রায়েলত্‌ আগন্‌ আস্‌তো লাখ্ আর যিহূদাত্ আগন্‌ পাচ্‌ লাখ্।

২ শমূয়েল 5:3

ইস্রায়েল দেজর্‌ বেক্‌ বুড়ো নেতাগুনে হিব্রোণত্‌ রাজা দায়ূদো ইদু লুমিলাক্। সেক্কে রাজা লগেপ্রভুরে সাক্ষী রাগেইনে তারাল্লোই এক্কো চুক্তি গুরিলো। তারা দায়ূদোরে ইস্রায়েল উগুরে রাজা ইজেবে অভিষেগ্ গুরিলাক্।

১ বংশধর 28:4

তো ইস্রায়েল গোজেন লগেপ্রভু জনমভুরি ইস্রায়েল উগুরে রাজা অবাত্তে মঅ গদা গিরিবো ভিদিরেত্তুন্‌ মরে বেঈ নেযেয়োচ্। তে নেতা ইজেবে যিহূদারে বেঈ লোইয়্যে, সে পরেন্দি যিহূদা-গুট্টিত্তুন্‌ মঅ বাবঅ বংশবোরে বেঈ নেযেয়্যে আর ইস্রায়েল উগুরে রাজা অবাত্তে তে হুজি ওইনে মঅ ভেইয়ূনো ভিদিরেত্তুন্‌ মরে বেঈ লোইয়্যে।

১ বংশধর 5:2

আরঅ যুনিয়ো ভেইয়ো গুট্টিগুনো ভিদিরে যিহূদা-গুট্টিবো বেগত্তুন্‌ বোলী এলঅ আর তা গুট্টিত্তুন্‌ নেতা বেঈ নেযা ওইয়্যে তো দাঙর্‌ পুয়োবো অধিকারান্‌ যোষেফে পেইয়্যে।

২ বংশধর 14:8

যিহূদা-গুট্টির চাগালাত্‌ রাজা আসার দাঙর্‌ ঢাল আর সেল্‌বলা তিন লাখ্‌ সৈন্য এলাক্‌, আর বিন্যামীন-গুট্টির চাগালাত্‌ এলাক্‌ ঢাল আর ধনুবলা দ্বিলাখ্‌ আশি আজার সৈন্য। ইগুনে বেক্কুনে এলাক্‌ বোলী যোদ্ধা।

২ বংশধর 15:9

সে পরেন্দি তে যিহূদা আর বিন্যামীনর বেক্‌ মানুচ্চুনোরে আর ইফ্রয়িম, মনঃশি আর শিমিয়োন চাগালার যিদুক্কুন্‌ মান্‌জ্যে তারা ভিদিরে বজত্তি গত্তন্‌ তারারে এক লগে এগত্তর্‌ গুরিলো। আসার গোজেন লগেপ্রভু তা লগে আগে দেগিনে ইস্রায়েলর বোউত্‌ মান্‌জ্যে তা পক্ষ নিইনে তাইদু এলাক্‌।

২ বংশধর 17:2

যিহূদার বেক্‌ দেবাল্‌-ঘিজ্যে শঅর্‌ আর আদামানিত্‌ তে সৈন্যদল রাগেল আর যিহূদা দেজত্‌ আর তা বাবর্‌ গজক্‌ গোজ্যে ইফ্রয়িম চাগালার আদাম আর্‌ শঅরানিত্‌অ সৈন্য রাগেল।

২ বংশধর 30:11

তো আশের, মনঃশি আর সবূলূন-গুট্টির কিজু মানুচ্‌ নিজোর্‌ আওজ্ মজিম্‌ যিরূশালেমত্‌ গেলাক্‌।

গীতসংহিতা 76:1

যিহূদা-রেজ্যত্ বেক্কুনে গোজেনর কধা হবর্ পান; ইস্রায়েল-রেজ্যত্ তা নাঙান দাঙর্।

যিশাইয় 9:7

তার শাজন্ খেমতা বাড়ানা আর শান্তির্ থুম্ ন-অবঅ। তে দায়ূদোর সিংহাসন আর তা রেজ্যগান উগুরে রাজাগিরি গুরিবো; তে সেই সময়ত্তুন্ ধুরি উমরত্তে ন্যায়বিচের্ আর সততালোই সিয়েন থিদেবর্ গুরিবো আর সিয়েন থির্ গুরিবো। বেগত্তুন্ খেমতাবলা লগেপ্রভু গভীন্ আওজে ইয়েনি গুরিবো।

যিহিষ্কেল 21:29

ও লাম্বা ছুরিগান্, তঅ পৌইদ্যেনে মিজে দর্শন পেলেয়ো আর মিজে গোণা-পড়া গুরিলেয়ো যিগুনোরে মারে ফেলা অবঅ সেই পাজিগুনোর গত্তনাগুনো উগুরে তরে রাগা অবঅ; তারার্ দিনুন লুম্মেগি, তারার্ সাজার্ সময় লুম্মেগি।

গণাণা 1:27

যিহূদা-গুট্টিত্তুন্‌ যিগুনোরে পাহ্ গেলঅ তারার্‌ সোংখ্যে অলাক চুয়োত্তুর আজার্ ছয়শ।

গণাণা 10:14

পৌইল্যান্দি যাহ্ ধুরিলাক যিহূদা-ভাগর নানান্‌ বাবোত্তে দলুন্ তারার বড় চাগালার্ বাবতাগানর্ তলে। যিহূদা-গুট্টির নেতা এলঅ অম্মীনাদবর পূঅ নহশোনে।

গণাণা 26:22

ইগুনে যিহূদা-গুট্টির নানান্‌ বংশ। ইগুনো ভিদিরেত্তুন্‌ গুণি নেযেয়ে মানুচ্চুনোর সোংখ্যে অলাক্‌ ছিয়োত্তোর্‌ আজার্ পাঁচশত জন।

দ্বি’লম্বর বিররণ 33:7

যিহূদা পৌইদ্যেনে তে কোইয়্যেদে, “ও লগেপ্রভু, তুই যিহূদার কধানি শুন; তা মানুচ্চুনো ভিদিরে তারে ফিরেই আন। তার নিজোর দ্বি-আঢ্‌তানি তে যুদ্ধোত্‌ লাগায়; শত্রুর বিরুদ্ধে তুই তার সহায় অ।”

ইব্রীয় 10:13

আর সেক্কেত্তুন্ ধুরি যেদকদিন সং তা শত্রুগুনোরে তা টেঙত্ তলে ন-থয় সেদক দিন সং তে বাজ্জেই আঘে,

ইব্রীয় 7:14

ইয়েন সাব্ কধা যে, আমা প্রভু যিহূদার বংশত্তুন্ এচ্চ্যে। এই বংশত্তুন্ কনঅ মানুচ্‌ যে ধর্মগুরু অবঅ সে কধাগান মোশি কনদিন্‌অ ন-কয়।

যিহোশূয় 10:24

তারা যেক্কে সে রাজাগুনোরে যিহোশূয় ইদু আনিলাক সেক্কে তে বেক্‌ ইস্রায়েলীয়গুনোরে ডাগিলো আর তা লগে যে সেনাপতিগুনে যুদ্ধোত্‌ যেইয়োন তারারে কলঅ‌, “তুমি ইদু এইনে সে রাজাগুনোর গত্তনাত্‌ তমা টেঙানি রাগঅ।” সেক্কে তারা উজেই যেইনে সে রাজাগুনোর গত্তনা উগুরে তারার টেঙানি রাগেলাক্‌।

যিহোশূয় 15:20

যিহূদা-গুট্টির নানান্‌ বংশগুনোরে যে সোম্বোত্তিগানি দিয়্যে অলঅ সিয়েনি অলঅ।

ফগদাং পেইয়্যে 11:15

যেরেদি সাত-লম্বর স্বর্গদূত্‌তো তা তূরীবো বাজেল। সেক্কে স্বর্গত্ দাঙর্ দাঙর্ গুরিনে কুয়ো অলঅ, “জগদর্ রেজ্যগান ইক্কিনে আমার প্রভু আর তার্ মশীহর ওইয়্যে।

ফগদাং পেইয়্যে 5:5

যেরেদি নেতাগুনোত্তুন্ একজনে মরে কলঅ, “ন-কানিচ্। যিহূদা গুট্টির সিংহ, যিবে দায়ূদো গুট্টি, তে জিত্যে। তেয়ই সেই সাত্‌টো সীলমহ্‌র ভাঙিনে বোইবো মেলি পারে।”

বিচের গুরিয়্যেগুন 20:18

তারা বৈথেলত যেইনে গোজেনর্‌ ইত্তুন্‌ জানিবাত্তে চেলাক্‌ বিন্যামীনীয়গুনো লগে যুদ্ধো গুরিবাত্তে তারা ভিদিরেত্তুন কন্না আগে যেবঅ। জোবত্‌ লগেপ্রভু জানেলদে, যিহূদা-গুট্টিবো আগে যেবঅ।