পত্থম 48:5 - Chakma Bible

⁵ মুই তইধু এবার্‌ আগেদি তর্‌ দ্বিবে পুয়ো মিসরত্‌ জর্ম ওইয়োন তারারে মঅ পুয়ো ইজেবে ধরা অবঅ। রূবেণ আর শিমিয়োন যেধোক্ক্যেন মর্‌ সেধোক্ক্যেন ইফ্রয়িম আর মনঃশিয়ো মর্‌।

পত্থম 48:5 ပူးပေါင်းရင်းမြစ်များ

পত্থম 46:20

যোষেফ পুয়ো মনঃশি আর ইফ্রয়িম মিসর দেজত্‌ জোর্মেয়োন্‌। ইগুনোর্‌ মাবো এলঅ ওন্‌ শঅর ধর্মগুরু পোটীফরর ঝি আসনৎ।

পত্থম 48:1

ইয়েন কয়েকদিন পরেদি যোষেফে হবর্‌ পেলঅ, তা বাপ্পো অসুখ্‌ ওইয়্যে। সেক্কে তে তার্‌ দ্বিবে পুয়ো মনঃশি আর ইফ্রয়িমরে লগে নেযেইনে সিধু গেলঅ।

পত্থম 48:6

মাত্তর্‌ ইগুনোর্‌ পরেদি তর্‌ আর যে পুয়োগুন্‌ অবাক্ তারারে তর্‌ বিলিনেই ধরা অবঅ। সোম্বোত্তির্‌ গিরোজ্ অবার্‌ অক্তত্‌ মনঃশি বা ইফ্রয়িম নাঙে তারার্‌ সিয়েনি ওয়া পুড়িবো।

গীতসংহিতা 77:16

ও গোজেন, সাগর পানিগানে তরে দেখ্যে; তরে দেগিনে পানিগান গির্‌গিরে উদিলো, সাগর তলা সং গির্‌গিরে উদিলো।

যিশাইয় 43:1

ও যাকোব, যিবে তরে সৃট্টি গোজ্যে, ও ইস্রায়েল, যিবে তরে বানেয়্যে, সেই লগেপ্রভু ইক্কিনে এ কধাগান কত্তে, “তুই ন-দোরেচ্, কিত্তে মুই তরে উদ্ধোর্ গোজ্যং। মুই তঅ নাঙান্ ধুরিনে ডাক্যং, তুই মর্।

যিহিষ্কেল 16:8

পরেদি মুই তঅ কায়-কুরেদি যেবার অক্তত্ তন্দি রিনি চেইনে দেগিলুং, তর্ ইক্কিনে প্রেম গুরিবার সময় ওইয়্যে; সেনত্তে মঅ পোজাগর্ কিজু ভাগ্ মুই তঅ উগুরে বিজেই দিইনে তর্ লাংটা-বাংটাগান নাঢি দিলুং। মুই তইধু শমক্ হেইনে তঅ সমারে চুক্তি গুরিলুং, আর সেক্কে তুই মর্ অলে।

যিহিষ্কেল 47:13

সে পরেদি প্রভু লগেপ্রভু কোইয়্যেদে, তুমি সোম্বোত্তি ইজেবে ইস্রায়েলর্ বার গুট্টি ভিদিরে দেজ্‌‌‌চান এবাবোত্যেগুরি ভাগ গুরি দিবা। তুমি বেক্কুনে সং সং গুরিনে ভাগ গুরিবা মাত্তর্ যোষেফে দ্বিভাগ পেবঅ। এ দেজ্‌চান মুই তমা পুরোণি মানুচ্চুনোরে দিম্ বিলিনে শমক্ গোজ্যং আর এ দেজ্‌‌‌‌‌চান তমা সোম্বোত্তি অবঅ।‌‌

লেবীয় 20:26

মুই লগেপ্রভু পবিত্র বিলি তমাত্তুনো পবিত্র ওয়া পুরিবো; আর মুয়ই তমারে মর্‌ নিজোর্‌ মানুচ্‌ অবাত্তে অন্য বেক্‌ জাদত্তুন্‌ ফারগ্ গুরি নেযেয়োং।

মালাখি 3:17

তারা পৌইদ্যেনে বেগত্তুন্ খেমতাবলা লগেপ্রভু কত্তে, “মর্ ঠিগ্ গোজ্যে দিনোত্ তারা মর্ নিজোর্ বিশেজ্ সোম্বোত্তি অবাক্; তারা মরই অবাক্। এক্কো মানুচ্ যেবাবোত্যেগুরি তার্ সেবাগুরিয়্যে পুয়োবোরে মেয়্যে গুরিনে সাজাত্তুন্ রেহাই দে সেবাবোত্যেগুরি মুই তারারে রেহাই দিম্।

গণাণা 1:10

যোষেফর পূঅগুনোর্‌ মোধ্যে ইফ্রয়িম-গুট্টির অম্মীহূদর পূঅ ইলীশামা আর মনঃশি-গুট্টির পদাহসূরোর্‌ পূঅ গমলীয়েল,

২ করিন্হীয় 6:18

ইয়েন বাদে “বেগত্তুন্ খেমতাবলা গোজেনে কয়, ‘মুই তমার্ বাপ্ ওম্ আর তুমি মর্ পুয়ো-ছা অবা ’ ”

ইব্রীয় 11:21

বিশ্বেজ্ গুরিনে যাকোবে মুরি যেবার সময়োত্ যোষেফর দ্বিবে পুয়োরে বর্ দিয়্যে আর লুদিগো উগুরে ভর্ দিইনে গোজেনর্ উবোসনা গোজ্জ্যে।

যিহোশূয় 13:7

ইস্রায়েলীয়গুনোর নয়-গুট্টি আর মনঃশি-গুট্টির অদ্দেক্‌ মান্‌জ্যরে তুই সোম্বোত্তি ইজেবে সিয়েনি ভাগ গুরি দিবে।”

যিহোশূয় 14:4

মনঃশি আর ইফ্রয়িম নাঙে যোষেফর দ্বিবে পূঅর্‌ মাধ্যমে দ্বিবে গুট্টির সৃট্টি ওইয়্যে। লেবীয়গুনে ভূইয়োর ভাগ ন-পেলাক্‌ ঠিগ্, মাত্তর্‌ তারা বজত্তি গুরিবার আর পযাপিরানি রাগেবাত্তে কয়েক্কান আদাম আহ্‌ শঅ‌র আর গোরু-ভেড়া ছাগল চোরেবাত্তে কায়-কুরে খলা পেলাক্‌।