পত্থম 48:20 - Chakma Bible

²⁰ সে পরেদি ইস্রায়েল পুয়ো দ্বিবেরে বর্ দিলো আর কলঅ, “ইস্রায়েলীগুনে কাররে বর্ দিবার্‌ অক্তত্‌ তমা নাঙানি কবাক্, ‘গোজেনে তরে ইফ্রয়িম আর মনঃশি ধোক্ক্যেন গোরোক্‌।’” ইয়েন্‌ কোইনে তে মনঃশিত্তুন্‌ ইফ্রয়িমরে দাঙর্‌ বানেল।

পত্থম 48:20 ပူးပေါင်းရင်းမြစ်များ

পত্থম 24:60

তারা রিবিকারে বর্ দিইনে কলাক্, “বোন, তুই ভালোক্কুন ঝি-পুয়োর্‌ মা ওস্‌। তর্‌ ঝি-পুয়োগুন্‌ যেনে শত্রুগুনোর্‌ বেক্‌ শঅরানি জিদিনে নেযেই-পারন্‌।”

পত্থম 28:3

বেগত্তুন্‌ খেমতাবলা গোজেনে তরে বর্ দুয়োক্‌ আর তরে ভালোক্কুন্‌ ঝি-পুয়োর বাব্‌ অবার্‌ খেমতা দুয়োক্‌। তে তঅ বংশর্‌ মানুচ্চুনোরে জনেদি বাড়েই দোক্। সেক্কেনে তারা অবাক্‌ এক্কো ভালোক্‌ গুট্টির্‌ জাদ্।

পত্থম 48:21

সে পরেদি ইস্রায়েলে যোষেফরে কলঅ, “চাহ্, মর্‌ মরণর্‌ অক্ত প্রায় গোণেই এচ্চ্যে। মাত্তর্‌ গোজেনে তমা লগে থেবঅ আর তমা পুরোণি মানুচ্চুনো দেজত্‌ তমারে ফিরেই নেযেব।

গণাণা 13:11

যোষেফ-গুট্টির, অত্তাৎ মনঃশি-গুট্টির সূষির পূঅ গুদ্দি;

গণাণা 13:16

মোশি এই মানুচ্চুনোরে কনান দেজর্‌ খোঁজ-খবর লোই আনিবাত্তে পাদেয়্যে। তে নূনোর পূঅ হোশেয়র নাঙান দিয়্যেদে যিহোশূয়ো।

গণাণা 13:8

ইফ্রয়িম-গুট্টির নূনোর পূঅ হোশেয়:

গণাণা 7:48

সাত দিনোত্‌ ইফ্রয়িম-গুট্টির নেতা অম্মীহূদোর্‌ পূঅ ইলীশামা তার বক্‌শিজ্‌ছান্ আনিলো।

গণাণা 7:54

আস্‌তো দিনোত্‌ মনঃশি-গুট্টির নেতা পদাহসূরর্‌ পূঅ গমলীয়েলে তার বক্‌শিজ্‌ছান্ আনিলো।

ইব্রীয় 11:21

বিশ্বেজ্ গুরিনে যাকোবে মুরি যেবার সময়োত্ যোষেফর দ্বিবে পুয়োরে বর্ দিয়্যে আর লুদিগো উগুরে ভর্ দিইনে গোজেনর্ উবোসনা গোজ্জ্যে।

যিহোশূয় 17:14

যোষেফ-গুট্টির মানুচ্চুনে যেইনে যিহোশূয়রে কলাক্‌, “সোম্বোত্তি ইজেবে কিত্তেই তুই আমারে বানা এক ভাগ দুয়োচ্‌? লগেপ্রভুর আশিদ্‌বাদে আমার মান্‌জ্যর সোংখ্যে বোউত্‌।”