পত্থম 48:14 - Chakma Bible

¹⁴ মাত্তর্‌ ইস্রায়েলে চিবেচিপ্যে গুরিনে আত্তান্‌ বাবে দিইনে ডেন্‌ আত্তান্ যোষেফ চিগোন্‌ পুয়ো ইফ্রয়িম মাদাত্‌ রাগেল; আর মনঃশি যোষেফ দাঙর পুয়ো অলেয়ো তা মাদাত্‌ রাগেল বাঙ্‌ আত্তান্‌।

পত্থম 48:14 ပူးပေါင်းရင်းမြစ်များ

পত্থম 41:51

যোষেফে তা দাঙর্‌ পুয়োবো নাঙান রাগেল মনঃশি (যিয়েনর্ ভেদ্‌তান্ “মনত্‌ ন থানা”)। তে কলঅ, “গোজেনে মর্‌ বেক্‌ দুঃখানি আর মর্‌ বাব ঘরর্ কধানি মঅ মনত্তুন্‌ তুলি ফেলেয়্যে।”

পত্থম 41:52

সে পরেদি তে তার দ্বিলম্বর পুয়োবোর নাঙান্‌ রাগেল ইফ্রয়িম (যিয়েনর্ ভেদ্‌তান্ “ফলবান”)। তে কলঅ, “যে দেজত্‌ মুই দুঘ্ পেইয়োং সে দেজত্‌ গোজেনে মরে ফলবান গোজ্যে।”

পত্থম 46:20

যোষেফ পুয়ো মনঃশি আর ইফ্রয়িম মিসর দেজত্‌ জোর্মেয়োন্‌। ইগুনোর্‌ মাবো এলঅ ওন্‌ শঅর ধর্মগুরু পোটীফরর ঝি আসনৎ।

পত্থম 48:13

সে পরেদি যোষেফে তার দ্বিবে পুয়োরে আরঅ ইস্রায়েল ইধু আনিলো। তে ইফ্রয়িমরে ডেন্‌ আদন্দি ধুরিনে ইস্রায়েল বাঙেন্দি আর্‌ মনঃশিরে বাঙ্‌ আদন্দি ধুরিনে তা ডেন্‌ ডাগেদি রাগেল।

পত্থম 48:17

বাবপো তা ডেন্‌ আত্তান্‌ ইফ্রয়িম মাদা উগুরে রাগেয়্যে দেগিনে যোষেফে হুজি ন-অলঅ। তে সিয়েন্‌ ইফ্রয়িম মাদা উগুরেত্তুন্‌ সোরেইনে মনঃশি মাদা উগুরে রাগেবার্‌ আজায়্‌ তা বাবঅ আত্তান্‌ ধুরিনে কলঅ, “বাবা, এবাবোত্যে নয়। ইবে মর্‌ দাঙর্‌ পুয়োবো। তঅ ডেন্‌ আত্তান্‌ ইবে মাদা উগুরে রাগা।”

গীতসংহিতা 110:1

লগেপ্রভু মঅ গিরোজ্‌সোরে কোইয়্যেদে, “যেদক্কন সং মুই তঅ শত্রুগুনোরে তঅ টেঙত্ তলে ন-রাগাং, সেদক্কন্ সং তুই মঅ ডেনেন্দি বস।”

গীতসংহিতা 118:16

লগেপ্রভুর খেমতাবলা আঢ্‌তানিয়ে জিদেই দিয়্যে; লগেপ্রভুর খেমতাবলা আঢ্‌তানিয়ে দোল্ কাম গোজ্যে।

যাত্রা 15:6

ও লগেপ্রভু, খেমতায়্‌ দাঙর্‌ তর্‌ সেই‌ ডেন্‌ আত্তান্, অয় সেই‌ ডেন্‌ আত্তানে শত্রুগুনোরে শেজ্ গুরিলো।

গণাণা 2:18

পোজিমেন্দি তাম্বুল টাঙেবাক ইফ্রয়িম-ভাগর মানুচ্চুনে। ইফ্রয়িম-গুট্টির নেতা অলঅ অম্মীহূদোর্‌ পূঅ ইলীশামা আর তা মানুচ্চুন জনেদি অলাক চোল্লিশ আজার্ পাঁচশত।

গণাণা 8:10

লেবীয়গুনোরে তুই লগেপ্রভুর মুজুঙোত্ আনিবে আর ইস্রায়েলীয়গুনে তারা উগুরে আত্‌ রাগেবাক।

গণাণা 8:18

পত্তম জোর্মেয়ে সেই বেক্‌ ইস্রায়েলীয় পূঅগুনোর্‌ জাগানত্‌ মুই ইক্কুনি লেবীয়গুনোরে গুজি লোইয়োং।

মথি লেখ্যে গম্ হবর্ 16:18

মুই তরে কঙর্, তুই পিতর, আর এ পাত্তর উগুরে মুই মর্ মন্ডলীবো গোড়েই তুলিম। নরগর্ কনঅ খেমতা সিবে উগুরে জিদি ন-পারিবো।

মথি লেখ্যে গম্ হবর্ 19:13

পরেদি মানুচ্চুনে চিগোন্ চিগোন্ গুরোগুনোরে যীশু ইধু আনিলাক্ যেন তে তারা মাঢাগুনো উগুরে আঢ্ বাজেইনে তবনা গরে। মাত্তর্ শিচ্চ্যগুনে তারারে গেইল্ দিয়্যে ধুরিলাক্।

মথি লেখ্যে গম্ হবর্ 19:15

চিগোন্ গুরোগুনো মাঢা উগুরে আঢ্ বাজেইনে তবনা গরানার্ পরেদি যীশু সিয়েনত্তুন্ গেলগোই।

মথি লেখ্যে গম্ হবর্ 6:5

তুমি যেক্কে তবনা গরঅ সেক্কে ভন্ডগুনো ধোক্ক্যেন্ ন-গোজ্য, কিয়া তারা মান্‌জ্য ইধু নিজোরে দেগেবাত্তে সমাজ-ঘরত্ আর পদ মুয়োত্ থিয়্যেইনে তবনা গত্তে গম্ পান্। মুই তমারে ঘেচ্চেকগুরি কঙর্, তারা তারার্ বক্‌শিজ্ পেইয়োন।

লূকে লেখ্যে গম্ হবর্ 13:13

এ কধাগান্ কোইনে যীশু তা উগুরে আঢ্‌তান্ থলঅ, আর সেক্কেনে তে উজু ওইনে থিয়্যেল আর গোজেনরে বাঈনী গরা ধুরিলো।

লূকে লেখ্যে গম্ হবর্ 4:40

বেলান্ ডুবিবার্ অক্তত্ মানুচ্চুনে বেক্ পীড়েল্যেগুনোরে যীশু ইধু আনিলাক্। তারা নানান্ বাবোত্যে পীড়েত্ ভুগোদন্। যীশু তারারে পত্তিজন কিয়্যেত্ আঢ্ দিইনে তারারে গম্ গুরিলো।

প্রেরিত্‌ 13:3

সেক্কে তারা উবোচ্‌ থেইনে আর তবনা গুরিনে সেই দ্বিজন উগুরে আঢ্‌তানি রাগেলাক্ আর তারারে পাধেই দিলাক্।

প্রেরিত্‌ 6:6

পরেদি তারা এ মানুচ্চুনোরে প্রচারক্কুনো ইধু নেযেলাক্। সেক্কে প্রচারক্কুনে তবনা গুরিলাক্ আর কামত্ নেযেবাত্তে তারা উগুরে আঢ্ রাগেলাক্।

দ্বি’লম্বর বিররণ 34:9

নূনর পূঅ যিহোশূয় উগুরে মোশি আঢ্ বাজেয়্যে বিলিনে তে জ্ঞানদান গুরিয়্যে পবিত্র আত্মালোই পরিপূরোণ ওইয়্যে। সেনত্যে ইস্রায়েলীয়গুনে তার কধামজিম যাহ্ ধোজ্যন্‌ আর মোশির মাধ্যমে লগেপ্রভু তারারে যে উগুমান দিয়্যে সিয়েনি পালন গরা ধোজ্যন্‌।

১ তীমথিয় 4:14

মন্ডলী নেতাগুনে যেক্কে তঅ উগুরে তারার্ আঢ্‌তানি রাগেয়োন সেক্কে ভাববাদী ইজেবে কধা কনার্ মাধ্যমে যে বিশেষ্ দান তরে দিয়্যে ওইয়্যে সেই দানান্ তুই অবহেলা ন-গুরিচ্।

১ তীমথিয় 5:22

যাদিমাদি গুরিনে কারঅ উগুরে আঢ্ রাগেইনে কাররে কনঅ পদত্ ন-নেযেচ্। অন্যগুনে যেক্কে পাপ গরন্ সেক্কে তারা লগে ন-মিজেস্। নিজোরে খাটি রাগেচ্।