পত্থম 47:23 - Chakma Bible

²³ যোষেফে মানুচ্চুনোরে কলঅ, “চঅ, ফরৌণ পক্ষত্তুন্‌ মুই এচ্চ্যে তমারে আর তমা জাগা-জোমিগানি কিনি নিলুং। তুমি ইক্কিনে এ বীজছুন্‌ নেযঅ, আর সিগুন্‌ লোইনে ভুইয়োত্‌ ফেলগোই।

পত্থম 47:23 ပူးပေါင်းရင်းမြစ်များ

পত্থম 41:27

পরেদি উদি এচ্চ্যে সাত্তো পিড়েধোজ্যে, বেশ্রী গোরু আর পূগে বোইয়্যের গরমে শুগেয়্যে চ'বা সাত্তো শীজে, এ দ্বিয়েনর্‌ অত্তগান অলঅ সাত্তো ভাদ-রাদ বজর।

পত্থম 45:6

ভাদ-রাদ্ চলের্‌ এ দ্বিবজর ধুরিনে। ইবে আরঅ পাঁজ্‌ বজর্‌ সং চুলিবো। সেক্কে খেত-খেত্তি লাগেই ন-পারিবাক্‌ কাবিয়ো ন-পারিবাক্‌।

পত্থম 47:22

তে বানা ধর্মগুরুগুনোর জাগা-ভূইয়ানি ন-কিনিলো। এ ধর্মগুরুগুনে ফরৌণত্তুন্‌ ভাতা পেদাক্‌ আর সিগুন্দোই তারা চুলিদাক্। সেনত্তে তারা ভূইয়ানি ন-বেজন্‌।

পত্থম 47:24

খেত-খেত্তি কাবিবার পরেদি তুমি বেক্‌ ফসলানির্ পাজ্‌ ভাগর্‌ এক ভাগ্‌ ফরৌণরে দিবা, আর বাগী চের্‌ ভাগ্‌ ভুইয়ো বীজোত্তেই আর নিজোর্‌, পরিবার মানুচ্চুনোত্যেই আর পুয়ো-ঝিগুনোর্ হেবাত্তে রাগেবা।”

গীতসংহিতা 112:5

যে দোয়্যে গরে আর উদোর্ দিইনে গমেডালে বেক কামানি গরে তার ভালেদি অয়।

গীতসংহিতা 41:1

বর্‌পেইয়্যে সেই মানুচ্চো, যিবের মনানে নাঢা মানুচ্চুনোত্তে চিদে গরে; দুঘোর্ দিনোত্ লগেপ্রভু তারে উদ্ধোর্ গরে।

গম্ উপদেজ্ 11:26

যে মানুচ্চো শোস্যগুন্ থুবেই রাগায় মান্‌জ্যে তারে অভিশাব্ দুয়োন, মাত্তর্ যে সিয়েনি বেজি দে তে বর্ পায়।

গম্ উপদেজ্ 12:11

যে মানুচ্চো নিজো ভূইয়োত্ কাম গরে তার বোউত্ হানা থায়, মাত্তর্ যে বাজে কামত্ লাগি থায় তার বুদ্ধির অভাব আঘে।

গম্ উপদেজ্ 13:23

নাঢা মান্‌জ্যর ভূইয়োত্ বোউত শোস্য জর্মায়, মাত্তর্ অবিচেরর্ কারনে সিয়েনি গজক্ গরা অয়।

উপদেশক 11:6

তঅ বীজিগুন্ বেন্যেমাদান্ ফেলা, বেল্যে মাদান্অ তঅ আঢ্‌তানিরে সে কামানি গুরিবাত্তে দিচ্, কিত্তে কন্ সময়োত্ কামানি গম্ অবঅ না কি দুনোগান্ সং সং গুরি গম্ অবঅ, সিয়েন্ দঅ তুই হবর্ ন-পাজ্।

যিশাইয় 55:10

ঝড় আর তুষারানি আগাজত্তুন্ লামি এজে আর পিত্‌থিমীগানরে পানি দান ন-গুরিনে সিদু ফিরি ন-যায়, বরং সিয়েনত্ ফুল আর গুলোগুলি ধরায় আর যে বীজ্ ফেলায় তাত্তে শোজ্য আর যে হায় তাত্তে হানা দান গরে।‍‌‌‍‍‍‍‍‍

মথি লেখ্যে গম্ হবর্ 24:45

সেই বিশ্বেজি আর বুদ্ধিবলা চাগর্‌বো কন্না, যিবেরে তা গিরোজ্‌সো তার্ অন্য চাগরুনোরে ঠিগ্ সময়োত্ হানা দিবাত্তে কামর্ ভারান্ দিয়্যে?

২ করিন্হীয় 9:10

যিবে চাষাবলাবোত্যে বিজি আর হানাত্যে রুটি যোগেই দে তে তমারে সিদিবাত্যে বীজ্-অ যোগেব আর তার্ পরিমাণান্ বাড়েই দিবো। আর তে তমার্ গম কামর্ ফল বোউত্ দিবো।